رمادي الطبائع 18
مريم: انتي مع اعيالك اللي اتحبيهم
خلود: ربي ايخليهم لكي
جميله: باه تحركن ورانا خدمه ياما
/
/
/
/
عبدالله دخل ع باته وقاله انه بيسافر لـ عماد عشان ايروح بيه ويومين وايردو بعد طلعته اتصل بـ ليلى واخيرا ردت
عبدالله: تي وينك
ليلى: في الحوش
عبدالله: انا مسافر يومين ومروح ان شاء الله
ليلى: نا شن دخلني بيك
عبدالله: قتلك مروح بعد يومين
ليلى: اسمع ع كيفك يومين ولا شهرين
عبدالله: بنرد قبل الاسبوع الجاي لا في تأجل ولا شيء
ليلى: لو تبي ايتاجل اجله ولو تبي تلغي الغيه ع راحتك
عبدالله: وانتي عادي
ليلى: ايوا
عبدالله: خلاص توا انكلم عمي اياجلها لـ شهر الجاي
ليلى: الشهر الجاي💔
عبدالله: شن رأيك
ليلى: الرأي لـ بابا بس لو تبي رأيي مع بداية السنه الجديده احلى
عبدالله: باه توا انشوف مع عمي
ليلى: باي
عبدالله: استني نا بجد نبيه اليوم قبل بكرا بس
ليلى: كل تأخيره فيها خيره تعرفيش بالك نا شر لك وربي يبعثلك في مسج عشان تلغي بالمره
عبدالله: ليلى السفره مهمه وعقاب يومين ورادهن
ليلى: لا ع راحتك ونا شن قلت
عبدالله: انتي مستحيل تفهمي
ليلى: لا نا فاهمه والفكره وصلت تبي اطفش بلقاسم وطفش فعلا ونا قاعده لعند ما اتقرر تخطبني ما أصلا بابا هو اللي قال عادي نستنى العمر كله وتعال وقت اللي يناسك اوك
وصكرت الفون عليه عاود اتصل
ليلى: نعم
عبدالله: يعني انتي زعلانه بس عشان طفش عريسك
ليلى: ع الأقل عارفه انه ايحبني بجد مش زيك مش عارفه أصلا كنك ولا شن تبي مره توا مره بعدين
عبدالله: ايحبك والله
ليلى: عليش اتعلق ع الموضوع الغلط ليش مش فاهم الفكره
عبدالله: اي فكره
ليلى: فكرت انك لغيت جيت أمك وتوا اتاجل في خطبتك ليا وقرار عمي ع انه الخطبه الاسبوع الجاي اللي ممكن اتجيني في اي وقت واتقولي افسخيها صح
