جميله: نا ماشيه انشوف الغذاء واسكتي توا ونا احسابي معاه
فتحت الاب متاعه ولقيت ان النت مش واصل فهمت ان عماد فصله من الحوش بكل عدت لامها
خلود: ماما عطيني فونك
جميله: وين تيلفونك
خلود: فيش رصيد
خذت الفون وكتبله مسج
خلود: عماد سمعني ونا نحكي معاك ضربني وخدى الفون مني وفصل عليا النت عموما نقدرش نحكي معاك وهذا فون ماما اكيد رح يعرفك من انت طلع معصب من هنا
مسحت المسج جاها منه مسج ع دخلت باتها
أيمن: نقدر انكلمك توا
خلود: لا
أيمن: كيف انكلمك
خلود: انساني عشان الدنيا خاربه هنا والفون بنعطيه لـ ماما سلام
عادل: كنها بنتي
خلود: كني شيء
عادل: وجهك مش عاجبني
جميله: هذا عماد
خلود: لا غير تعاركنا وطلع زعلان مني
عادل: تعركتو ولا هو عاركك
جميله: اللي صار
خلود: ماصار شيء والله نا كويسه انجيب الغذاء
عادل: خليني نتصل بالفرخ هذا انشوفه وين
ضرب عليه وماردش عليه
عادل: هذا مايردش
عطت الفون لامها بعد اطمنت ان فيش مسج رح ايجي من أيمن
/
/
كان يخدم ع سياره الحاج جابر اللي جابها له للمره الثانيه في الشهر هذا
عبدالله: قديمه هذه يا حاج
جابر: نبيها اقنانها وجها خير عليا
عبدالله: عندي من يشريها منك بسعر يعجبك
جابر: نبيها قتلك
عبدالله: اتشوف فيها السياره هذه
جابر: ايوا
عبدالله: انبدلو وتدفع الفرق
جابر: لا شوفها سيارتي شن تبي واخدمها
عبدالله: تبي اطروف ما عنديش توا لكن كان تصبر يومين انوفرهن لك
جابر: هذه كرعيه نبيها اليوم
عبدالله: تعرف عليش نبيها
جابر: عليش
عبدالله: فيها طروف مسقمات خاطري فيهن
جابر: قولي تبيها رابش
عبدالله: خفت انقولك تزعل من اتجيني وانت تمدح فيها
جابر: من امتى عندك ع الرابش
