Chapter 13
" ဒါဖြစ်သင့်လို့လား?"
ဟိုတယ်အခန်းရှိ twin bedroom အခန်းထဲ၌
ကောင်လေးနှစ်ဦးထဲက တစ်ဦးသည်
မကျေမနပ် ရေရွတ်နေခဲ့ခြင်း...။
ဖြူသေးသေးနှင့် နုဖတ်နေပုံရပြီး အနည်းငယ်
ရင့်ကျက်သည့်အသွင်သဏ္ဍာန်ရှိသည့် ကောင်လေးသည် ဂျစ်ကန်ကန်နှင့်မကျေမနပ်ရေရွတ်နေသည့် ကောင်ငယ်လေးကို ဘာစကားမှမဆိုဘဲ တည်ငြိမ်စွာ
ကြည့်နေလေသည်။
ယွင်ရှီး ပင်ပန်းနေသဖြင့် ထိုကောင်လေးကို
မသိကျိုးကျွန် ပြုကာ နေချင်ပေမဲ့လည်း...
မလုပ်ရက်။
သြော်...သူလည်း တော်တော့်ကို
အနွံ့တာခံတတ်သည့် ကလေးထိန်းလိုပါတကား။
" ဘာလို့လဲ?"
ဖေးယွီက ပင်ပန်းနေသည့် ကြောင်ပေါက်လေးထံ အပြေးလေးသွားကာ ရယ်ပြလိုက်သည်။ သူ့အပြုံး၊ အရယ်လေးက လူတွေကို စိတ်ပင်ပန်းတာ ပြေပျောက်စေသည်ဟု သူ့အမေ ပြောဖူးသည်လေ။
ထို့နောက် ဖေးယွီ သူ့လက်ဖဝါးနှစ်ဖက်ဖြင့် ယွင်ရှီး ပခုံးသားတို့ကို နှိပ်နယ်ကာ ဖြေလျှော့ပေးလိုက်သည်။ တစ်ဆက်ထဲမှာပင် သူ့စကားကို
ဆက်လိုက်၏။
" မင်းကျတော့ exam ဖြေစရာမလိုဘဲ
အတန်းထဲ ရုပ်လေး ခဏ လာပြလိုက်ရုံနဲ့
certificate ရတယ်!
ငါတို့ကျတော့ အသည်းအသန် ကုန်းရုံး
ဖြေလိုက်ရသေး! ပြီးရင်လည်း
Attendance percentage
မပြည့်ရင် ဘာဖြစ်ရတာနဲ့ ညာဖြစ်ရတာနဲ့! "
ယွင်ရှီး ဖေးယွီ မကျေမနပ် ဖြစ်နေသည့် ကိစ္စကို သဘောပေါက်သွားတော့သည်။ သူ
အတန်းမှာ ခဏ လာမျက်နှာပြလိုက်ရုံနှင့်
exam သွားဖြေစရာမလိုဘဲ
certificate ရတာကြောင့်။
Luo company နှင့် Luo၏စီးပွားရေးများကို
ဦးစီးနေရသူ ဖြစ်သည့်အလျောက် သူ့တွင် ပညာရေးအတွက် တကူးတက အချိန်မရှိပေ။ လက်တွေ့သည်
စာတွေ့ထက် ပိုအရေးပါသည်လေ။ Luoနှင့် စီးပွားရေးဆက်စပ်နေကြသည့်
အသိုင်းအဝိုင်းသည် တော်တော်များသည်မို့ ဒီကိစ္စကို အချင်းချင်း နားလည်ပေးမှုဖြင့် ကူညီကြခြင်းသာ။
Exam ဖြေစရာမလိုဘဲ အောင်သည်။ ဒါက
သူတို့ စီးပွားရေးသမား အချင်းချင်းတော့
'အချိန်မရှိ'ဆိုတာကို နားလည်ပေးနိုင်ကြသည်လေ။
ဒါကလည်း...နှစ်ဦးနှစ်ဖက် အကျိုးရှိနေကြခြင်းကြောင့် ဖြစ်သည်။ ' သခင်လေးLuoက ငါ့ရဲ့
ဒီတက္ကသိုလ်ကနေ ဘွဲ့ရသွားတာလေ...၊
ဒီသင်တန်းကနေ ဘွဲ့ရတာပေါ့...၊
ဘယ်ဒီဂရီ ၊ ဘယ်ဘွဲ့တွေ ရတာ' ဘာညာ စသည့် ဂုဏ်ကို သူတို့တွေကလည်း လိုချင်ကြသည်။
ဒီလိုဆို သူတို့ကျောင်းလည်း နာမည်ကြီးပြီး
တတ်ရောက်သူ များကြတာ ဖြစ်သည်။ ဒါကို ဖေးယွီ နားလည်အောင် ဘယ်လိုရှင်းပြရမှန်း
သူ တကယ် မသိပေ။
YOU ARE READING
Elegiac (Fanfic)
FanficElegiac means expressing sadness, especially because someone has died or because something no longer exists. Story genres include Parallel universe, Romance , BL, Paranormal, Mature etc... 🚨 Warning for this story.... This story must be include da...
