بقيت اتذكر في كلام حبوبه و ابتسم فجأة الإبتسامه دي اتلاشت لمن اتذكرت إنو رغم عارفني بحبو مشى خطب بت خالتو و ما بنسى إنو ضربني كفين و ما بنسى الطريقه الإتعامل بيها معاي ، انا شنو الخلاني افكر فيهو تاني و اتوقع منو شي هو أبدا ما قال ليـّۓ خليت روان عشانك ، كلو القالو إنو ما نفعت معاه و دا أبدا ما معناه إنو بفكر فيني ...وسط تفكيري دا كلو خطرت ميري علـّۓ. بالي نـًسّْيـت موضوعها عديل يا رَبّـ❤ـيٌ حيدر وداها وين؟ لبست اقرب توب و طلعت حبوبه قالت ليـّۓ ماشه وين؟ قلت ليها اطمني ما بهرب تاني ، ماشه قريب هنا و جايه عاينت ليـّۓ مساااافه و قالت ليـّۓ سمح لَـگِنْ ما تتأخري أمك لْـۆ جات و لقتك ماف حتقوم الدنيا و ما بتقعدها ، قلت ليها حاضر ، اتحركت خطوتين و رجعت ليها تاني و قلت ليها لَـگِنْ ما الفي بالك ، قالت ليـّۓ الفي بالي شنو؟! هسي انا سألتك يا بت 😏 قلت ليها خلاص خلاص أنسى ،، طلعت الشارع و ما لقيت حيدر و ما بقدر امشي ليهو في بيتهم و اقول ليهم عايزا حيدر ، في وقفتي ديك ابتهال كانت جايه م̷ـــِْن الجامعه رفعت ليـّۓ يدها م̷ـــِْن بعيد و قالت لي تعالي ، مشيت ليها و سلمت عليها ، قالت ليـّۓ مالك واقفه في الشارع ؟ قلت ليها بصراااحه بفتش علـّى حيدر ، رفعت لي حاجبها و قالت ليـّۓ حيدر قلتي ليـّۓ !! عايزاهو في شنو يا السمحه 😏🙂 قلت ليها هيييي ما تفكري كدا ، القصه و ما فيها إني عايزا اعرف منو ميري وين؟ قالت ليـّۓ انـْتي ما بتتوبي يا بت؟ قلت ليها بس عايزا اعرف هي وين ، حيدر سلمها لطارق صحبو و ما عارفه قال ليهو شنو و طارق عمل شنو و مشى بيها وين ، قالت ليـّۓ طارق الواحد دا؟ ولد سميه جارتنا؟ قلت ليها آيي ، قالت ليـّۓ لقيتوه وين دا؟ قلت ليها ما عارفه يا ابتهال ، العارفاه انو هو في الأبيض حاليا و ميري معاه ، قالت ليـّۓ خلاص خشي معاي بيتنا لحدي ما حيدر يجي قبل شويه شفتو في الميدان بلعب كوره ، قلت ليها لٱ لٱ راجعه البيت هسي أمي لْـۆ جات و ما لقتني بتشاكلني ، قالت ليـّۓ و تشاكلك ليـّه ؟ بقول ليها كانت معاي في بيتنا يلا أرح سرررعه قدامي ،، قلت ليها يا ابت....قبل ما أتم گلآمَيےّ لمحت حيدر جاي علـّۓ. بيتهم ،، قلت ليها حيدر جا خلاص ،، قالت ليـّۓ خلاص مع السلامه انا خاشه البيت ،، مسكتها م̷ـــِْن يدها و قلت ليها لٱ اقيفي معاي ،، قالت ليـّۓ ليه بتخافي منو؟!😏 قلت ليها لٱ ما كدا بس ما عايزاه يفتكر إني كنت منتظراه ، ضحكت و قالت ليـّۓ ما دي الحقيقه مش كنتي منتظراهو؟ ؟ قلت ليها ما تكتري و اعملي نفسك بتتونسي معاي ،، بقينا نتونس لحدي ما وصلنا و قال لينا السَلٱمٌ عـَلـْيگمّ ابتهال ردت عليهو و انا سكته ، بمجرد ما سلم علينا اتحرك م̷ـــِْن جنبنا، ابتهال ضربتني و قالت ليـّۓ ألحقيه قبل ما يدخل ،، قلت ليهو حيدر " إلتفت علي و قال ليـّۓ أيوه يا مها ،، عاينت لإبتهال عشان تجي معاي لقيتا دخلت بيتهم ،، قال ليـّۓ خير في شنو؟ مالك؟ في حاجه؟ أخدت نفس عميق و مشيت عليهو، ربعت يديني و قلت ليهو ميري وين؟ قال ليـّۓ يعنى م̷ـــِْن قبيل واقفه في الشارع عشان تسأليني السؤال دا ؟! قلت ليهو و منو القال ليك اني كنت منتظراك !! قال ليـّۓ ركزي ركزي يا مها انا ما قلت انك منتظراني انا ، قلت انگ واقفه ليك زمن عشان تسأليني السؤال دا ، يعنى ما عشاني عشان السؤال ، الناس تحاول تركز و تفهم الكلام 😏كلامو غاظني و ما رديت عليهو تاني ، قال ليـّۓ عموما ميري مع طارق و انَــْتي عارفه الحاجه دي مش كنتي معانا؟ قلت ليهو و طارق مشى بيها وين و عايز منـِْهـ♡̨̐ـِْا شنو؟ قال ليـّۓ حيكون عايز منـِْهـ♡̨̐ـِْا شنو مثلا يا مها؟! قلت ليهو طيب قول ليـّۓ ليه خليتا مع طارق؟ قال ليـّۓ زي ما عارفه طارق جياشي بمعنى إنو تابع للجيش عشان كدا طلبت منو يرجعها لأهلها في الجنوب بالرغم م̷ـــِْن إنو الحاجه دي صعبه جدا قال ليـّۓ حشوف طريقه أرجعها بيها و قبيل اتصلت عليهو و قال ليـّۓ لقى طريقه عشان يرجعها بيها و لبكرا كدا حتكون مع أهلها في الجنوب و ما ح يخليها إلا يتأكد إنها في حضن أمها ،، قلت ليهو و انا ببتسم بالجد؟! يعنى خلاص حترجع لأهلها، قال ليـّۓ بإذن •اللّـہ̣̥ قلت ليهو بس هو كيف عرف المنطقه الموجوده فيها أمها ؟ قال ليـّۓ دا جياشي و دا شغلو بحدد هدفو و بجمع معلومات عنو قبل ما يمشي عليهو ما زي ناس كدا بتخاطر و بتمشي ساي و هي في الحقيقه الشرق الجغرافي بوين ما بتعرفو 😏 قلت ليهو و انا بحمر ليهو وصلت المعلومه ، قال ليـّۓ بالجد انا عايز اعرف ليه خطر علـّۓ. بالك الفكره الَ...ذاتي ما عارف اقول عنها شنو ، ماف زول عندو عقل شغال بعمل عملتك دي و اساسا ما بفكر فيها، كيف يعنى تسوقي البت و تقولي ماشه بيها الجنوب و براك كمان حتى لْـۆ معاك عشره زيك الجنوب دا ما حتشموا ريحتو ساي ، يعنى انَــْتي ما كنتي عارفه خطورت الموضوع ولا ما عندك علم بالتوتر الحاصل بين السودان و الجنوب؟ اقسم بالله حيرتيني معاك ، انا زول زيك كدا و بنفس تفكيرك الما ټمـٱمـ دا كلْـۆ كلو ما لاقني، فوق قوة راسك و قرارتك و تفكيرك الكلو غلط عنيده! حتى و انَــْتي عارفه انو البتعمليه غلط برضو ما بتتراجعي و جنك تعاندي حتى في الغلط بتعاندي يا مها ! قلت ليها بضيق اعمل شنو طيب و بت الناس كل يوم تبكي في راسي و تقول عايزا أمها؟! خالي حاول كم مَـرّھٌ يلقى طريقه عشان ترجع بيها بس ما لقى و حاول كذا مَـرّھٌ أها بعد دا اعمل شنو؟ قال ليـّۓ ما كلمتيني انا، قلت ليهو كنت حتعمل شنو يعنى؟😏 قال ليـّۓ و هسي بعد ما عرفت عملت شنو ؟!سكتني المعفن ،،بقيت اعاين يمين شمال فوق ☟تٌَحَـتْ☟، قال ليـّۓ انتي الوقفه دي عاجباك ولا شنو؟ حسيت نفسي محرجه و حسيت عدييل بطردني و ما عايز يكتر الكلام معاي ، قلت ليهو بضيق آسفه عشان شلت دقايق م̷ـــِْن وقتك الثمين ما كان اسألك و اعطلك عن اشغالك معليش ياخ و ما حتتكرر تاني 👋 قال ليـّۓ مها ! مُشُگلتگُ شنو انَــْتي ؟ هسي انا قلت شنو يخليك تضايقي كدا و تنفعلي ، عايزا تقيفي في الشارع كدا لمتين؟ عموما لْـۆ حسيتي گلآمَيےّ فيهو حاجه بتزعل فأنا آسفه يا زوله و ....خليتو بتكلم و مشيت البيت ، حبوبه قالت ليـّۓ بدري كان تطولي شويه عليك •اللّـہ̣̥ 😏 ما رديت عليهو و طوالي جيت ماره بجنبها و ماشه علـّۓ. الغرفه، قالت ليـّۓ يا بت يا مها مالك في شنو؟...بتكلم معاك انا ...تعالي هنا و اتكلمي معاي زي الناس ،دخلت و قفلت الباب و قعدت أبكي ...مسحت دموعي و قلت هسي المبكيني شنو؟ كنت منتظره منو شنو يعنى؟ هسي حيقول عني شنو أكيد افتكر اني برمي نفسي فيهو و عايزا بأي طريقه اقرب منو ..ياخ انا بكره نفسي البخليني اتذل و اتهان لزول و احسسو اني كاتله نفسي عليهو ، م̷ـــِْن الأساس ما كان اسألو ، حبوبه ضربت ليـّۓ الباب شديد و قالت ليـّۓ افتحيه سرعه ، مسحت وشي بطرف التوب و أخدت نفس طويل و مشيت فتحت ليها، قالت ليـّۓ مالك يا بتي الزعلك منو؟ حيد....قبل ما تتم كلامها قلت ليها مصدعه بس قالت ليـّۓ سمح قولي ليـّۓ كنتي وين؟ قلت ليها كنت مع ابتهال ، قالت ليـّۓ يعنى ما لاقيتي حيدر ، قلت ليها يا حبوبه انا اصلا ما طلعت عشانو عليك •اللّـہ̣̥ ما تفكري كدا و انا و حيدر ماف أي شي بينا هو بالنسبه ليـّۓ زيو و زي ناس توفيق لٱ أقل و لٱ أكتر ، قالت ليـّۓ خلاص خلاص ما تجوطي بس الزول ما يسألك ،، افتحي الدولاب داك و شوفي ليك حبة بندول ، انا ماشه علـّۓ. عماتك ديل اشوفهم و أجي ، قلت ليها كويس .
بعد ما حبوبه طلعت أمي و جدي جوا راجعين سوا ،، جدي قال ليـّۓ عليك •اللّـہ̣̥ اعملي لينا الشاي بالنعنان المَـرّھٌ دي ماشي أصلي المغرب و جاي ألقاه جاهز ،، قلت ليهو حاضر ، طبعا أمي ما اتكلمت معاي و اساسا ما عاينت ليـّۓ و انا أبدا ما حاولت اتكلم معاها كلامها القالتو ليـّۓ لسه ما راح عن بالي ، دخلت المطبخ و بديت اعمل في الشاي ، عاينت للعين بتاعة البتجاز لقيت نارها واطيه بس المويه بدت تسخن و انا ما كنت قايله البراد سخن شديد ، مسكتو بيدي عشان أنقلو للعين التانيه ، لقيتو سخن شديد و حرقني ما قدرت امسكو و طوالي وقع مِڼـّي و المويه إدفقت في رجلي ، صرخت و قعدت في اقرب كرسي و بقيت ماسكه رجلي ، أمي جات جاريه و قالت ليـّۓ مالك ، عاينت للبراد الواقع و ليـ رجلي الماسكاها فهمت إنو البراد إندفق فيني ، مشت جابت مويه بارده و كبتها ليـّۓ في رجلي ، قالت ليـّۓ مية مَـرّھٌ قلت ليك انتبهي و خلي بالك ، گلآمَيےّ دا بتسمعيهو بجاي و بطلعيه بجاي ، قلت ليها فجأه وقع مِڼـّي 😭 قالت ليـّۓ خلاص ما تقعدي تتبكي ، كبت ليـّۓ المويه كلها في رجلي و قالت ليـّۓ واجعاك شديد؟ قلت ليها لٱ، وقفت علـّۓ. حيلي و رفعت البراد عشان أعمل الشاي ، قالت ليـّۓ خليه بعملو انا ، قلت ليها المويه السخنه اندفقت في رجلي ما في يديني ، قالت ليـّۓ لْـۆ بتسمعي الكلام و بتخلي قوة الراس دي كان مشيتي عديل ، قلت ليها و هسي انا بتلولو في مشيتي ما برضو بمشي عديل 😂 ضربتني ضربه خفيفه في راسي و قالت ليـّۓ بطلي ظرااافه و امشي صًلّيےّ ،، اتوضيت و صليت و قعدته في المصلايه و اتذكرت إنو الجامعه حتفتح بعد اسبوعين و أمي مستحيل تخليني اسافر الأبيض تاني و انا ذاتي ما ح اقدر افاتحها في الموضوع دا ، معناها ما ح اقرا الجامعه ،، قمت م̷ـــِْن المصلايه و قعدت في السرير ،، أمي عملت الشاي و كبت لجدي و ليـّۓ ، جاتني داخله و لقتني سرحانه بعيد ، ختت ليـّۓ الشاي و قالت ليـ اشربيه قبل يبرد و كانت طالعه فجأه وقفت و قالت لي ما ناسيه إنو الجامعه حتفتح بعد اسبوعين ، رفعت راسي و عاينت ليها، قالت ليـّۓ جهزي نفسك عشان ترجعي الأسبوع الجاي ، قالت كلامها دا و طلعت ،، فرحت شديد و قعدت انطط ، قلت الحمدلله ح اكمل جامعتي ،، فتحت دولابي و بقيت أطلع في ملابسي الح اشيلا معاي ، بين الملابس دي كان في صور ، شلتهم و كانت زي نفس الصوره اللقيتا في بيت العم جلال و برضو الوش ما واضح ،، ختيت يديني في راسي و قلت انا كيف أنسى موضوع مهم زي دا ،، شلت الصور و طلعت بيهم برا عشان أحكي لأمي ،، لقيتهم الإتنين ما موجودين ،، فتشت البيت كلو بس ما لقيتهم ،، بعد شويه حبوبه جات جاريه و طوالي خشت جوه و مشت علـّۓ. دولابها لحقتها و قلت ليها في شنو يا حبوبه؟ قالت ليـّۓ جدك دا تعب و أمك و حيدر و عدنان جروا بيهو للدكتور ،، قلت ليها شنو؟ كيف يعنى؟ هسي كان قاعد مع أمي برا و بشربوا في الشاي و لييه أمي ما گلمتِنيےّ و قالت ليـّۓ إنهم طالعين علـّۓ. المستشفى ،، قالت ليـّۓ و هي بتلبس ما عارفه ، المهم انا و عماتك و ماشين نلحقهم ، أقفلي البيت دا كويس و امشي اقعدي مع بنات اعمامك ، قلت ليها انا ذاتي ماشه ، قالت ليـّۓ نحنا مستعجلين و طوالي طلعت و مشت مع عماتي ، طلعت وراها و طوالي علـّۓ. بيت عمي مصطفى لقيت بنات اعمامي كلهم مجتمعين هناك ، قلت لإبتهال جدي مالو الحصل عليهو شنو؟ نمارق قالت ليـّۓ مفروض نحنا نسألك السؤال دا مش انَــْتي قاعده معاهو في نفس البيت؟😒 ما اشتغلت بيها و عيوني كانت علـّۓ. ابتهال منتظره منـِْهـ̨̐ـِْا رد ، قالت ليـّۓ والله انا ذاتي ما كنت عارفه هسي جاتني سلمى دي في بيتنا و كلمت أمي ، سلمى قالت ليـّۓ حيدر ما فهمنا حاجه دخل مستعجل شال مفتاح عربيتو و طلع و هسي عدنان و توفيق و سفيان مشوا يلحقوه ،، يعنى ماف زول فاهم حاجه ، حتى اعمامي ما عارفين لأنو فجأه كدا جروا بيهو المستشفى.،، قلت ليها غريبه قبل شويه كان كويس و بشرب في الشاي و أمي ذاتا كانت معاه ، نمارق قالت "قبل شويه" يعنى ما حاليا ، هو الزول ممكن يموت في ثانيه وحده فما بالك بقبل شويه دي يا استاذه ، مرام ضربتها في راسها و قالت ليها بعيد الشر عنو ، رغد قالت ليهم اصلا نمارق دي بتتكلم برا راسها ساي ،،خليتهم بتكلموا و مشيت علـّۓ. البيت ، منى قالت ليـّۓ ماشه وين يا مها؟ قلت ليها ماشه البيت ، قالت ليـّۓ حتقعدي هناك براك ! و بليل كمان! ما بتخافي انَــْتي ؟قبل ما أرد عليها تسابيح قالت لينا انا عِنـ.̷̷̸̷̐ـديّ فكره ، مرام قالت ليها يلي هي شنو؟ قالت لينا عاينوا نحنا ما شاء •اللّـہ̣̥ كتار و بدل ما نتلم في بيت واحد احسن أي 3 أو اربعه يقعدوا في بيت واحد لحدي ما يجينا زول ، و بكدا بنكون متوزعين و عاملين حركه في البيوت ال5 بالإضافه لأننا كدا بنحرس حاجات بيوتنا ،، ابتهال قالت ليها فكره والله انا و مها و مرام حنقعد في بيت جدي و انتوا اتوزعوا علـّۓ. باقي البيوت ،، و فعلا اتوزعوا و خلينا الأبواب الفي النص فاتحه عشان نشوف بعض و نعرف الحاصل...بعد ما صلينا العشا ختينا سريرين في الحوش و قعدنا فيهم التلاته ،، بعد ساعة بالضبط سفيان و معز جوا راجعين م̷ـــِْن المستشفى لقونا متوزعين علـّۓ. البيوت كلها قلنا ليهم جدي بقى كيف و هو أصلا مالو ؟ سفيان قال ليـّۓ لحدي الآن ما عرفنا حاجه و دخلوه طوالي جينا راجعين عشان نشوفكم و هسي نحنا ح نرجع و حتجي حبوبه مع عماتي ،،و فعلا بعد شويه عماتي كلهم جوا و جوا معاهم اتنين م̷ـــِْن اعمامي لَـگِنْ أمي ما رجعت معاهم ،، وراهم طوالي جو معز و منتصر و أي وحده م̷ـــِْن البنات رجعت بيتهم إلا انا بيتنا كان فاضي سلمى قالت ليـّۓ تعالي نومي معانا ،، قلت ليها طيب رصينا سرايرنا و رقدنا في الحوش ، طول الليل كنت مقلقه و بتقلب يمين و شمال ، خايفه شديد علـّۓ. جدي معقوله يموت قبل ما يشوف ولدو ؟!...طردت الأفكار دي م̷ـــِْن راسي و بديت أدعي ليهو في سري لحدي ما نمت ....😴
”ألم يخبرك مظهري و نقصان وزني وتلك الحدائق السوداء تحت عيناي بأنّي حقاً متعبه ”؟💔.
يتبع......
