حيدر !
أبدا ما اتفاهم و وقع ضرب في الصيدلي ، بقيت واقفه و مهجومه أول مَـرّھٌ اشوفو بالحاله دي و أول مَـرّھٌ يضرب زول بالطريقه دي حتى انا خفت منو و بقيت واقفه في الزاويه ببكي و بعاين
حيدر كفايه يا حيدر حتكتل الراحل
حيدر كفايه ياخ
مها اتكلمي معاهو انتي لْـۆ كتل الراجل حيورط نفسو ، مها بتكلم معاك انا ردي! ياخ الراجل حيموت
حيدر عليك •اللّـہ̣̥ كفايه سيب الراجل حتقتلو
في الوقت البتحاول فيهو عبير تمسك حيدر م̷ـــِْن الراجل انا كنت بعاين ليهم بس و للطريقه الوحشيه الضرب بيها حيدر الراجل ، كنت سامعه الكلام القالتو لي عبير بس ما قادره استوعبو للحظه حسيت عقلي وقف عن التفكير ، شوفة الدم السائل على الأرض فقدتني المنطق و دخلت فيني خوفه ، بعد لحظات حتى حركة ساكن اتجهت على حيدر بخطوات سريعه و كنت بقول ليهو و انا ببكي كفايه يا حيدر الراجل مات مات يا حيدر خلينا نطلع م̷ـــِْن هنا ،، بس كأنو ما سامعني مسكتو م̷ـــِْن يدو و بقيت أكرر ليهو في الكلام فجأه و م̷ـــِْن غير سابق انذار دفرني لحدي ما ضربت راسي مع الحيطه و رجع يضرب في الراجل ، ختيت يدي في جبهتي حسيت بسائل نازل م̷ـــِْن جبهتي و كان دم ،، عبير صرخت و قالت لي مها ! بعديها بقيت شايفه طشاش طشاش و شويه شويه بقيت ما شايفه شي.
أول ما فتحت عِنۋۋۋ♡̷̴̬̩̃̊نيّے ،، لقيت نفسي في غرفه باللون الأبيض ، و جنبي كانت في ممرضه ، ختيت يدي على راسي لأنو كان واجعني شديد و حسيتو تقيل ، في شاش كان ملفوف على راسي و في فراشه على يدي ، الممرضه انتبهت و جات قالت لي حاسه نفسك كيف؟
قلت ليها احسن شويه؟ و عاينت للباب ، قالت لي دقيقه طيب ، طلعت و دخلت لي خالي و ريم
الحمدلله على السلامه خوفتينا عليك يا بتي !! ريم قالت لي هسي كيف؟ في شي واجعك؟
قلت ليها لٱ ، انتوا القال ليكم منو؟
_اتصلت علي عبير م̷ـــِْن تلفون حيدر و گلمتِنيےّ بدوري كلمت أبوي و جينا ، الحصل شنو؟ لأنها ما فهمتنا حاجه بس قالت لي اسم المستشفى و أول ما وصلنا هي مشت ! حيدر وين؟ مش كنتوا سوا في المركز؟
=سلامات
اها بقيتي كيف؟
كانت الدكتوره > قلت ليها كويسه
خالي قال ليها طمنينا لعلو الضربه الفي راسها دي ما خطيره!
قالت ليهو لٱ ما خطيره دي ضربه خفيفه بس >
ريم قالت ليها طيب ليه فقدت وعيها دام الضربه خفيفه و سطحيه؟
قالت ليها هي كانت عيانه صّـْْ(☑)ـْْحّ ؟
ريم قالت ليها ايوه عيانه
قالت ليها بسسس عشان كدا ، مناعتها الضعيفه و الهبوط و الضغط الحصل ليها كان سبب في الإغماء دا > عاينت لي و قالت لي انتي خفتي من حاجه ولا شفتي حاجه خوفتك؟
هزيت ليها راسي و بس >
قالت لي المهم انتي هسي كويسه ، بس أخدي الأدويه الوصفناها ليك و حتبقي احسن .
لحدي ما طلعنا من المستشفى ما كان عِنـ.̷̷̸̷̐ـديّ علم حيدر وين؟ خفت شديد يكون الراجل داك مات ، كل ما اتذكر شكل الدم الكان على الأرض بتجيني رجفه ، خالي كان بعاين لي ساي عرفتو انو عايز يسألني بس شايف الوقت ما مناسب ،، دخلنا البيت و ريم سندتني لحدي ما دخلتني الغرفه و رقدتني على السرير ،، قلت ليها تلفوني وين؟ قالت لي هدا ليهو عايزا تضربي لمنو؟ قلت ليها جيبيهو بس ،، شلتو و اتصلت على حيدر بس الرقم كان مغلق ، قعدت في نص السرير و كررت الإتصال عدة مرات و برضو مغلق ، خفت شديد و بقيت ببكي ، ريم قالت لي في شنو يا مها؟ قبيل ما جاوبتينا الحصل شنو هناك؟ سكت و ما رديت و هي فضلت تسأل قلت ليها و انا ببكي و صوتي رايح اضارب مع الصيدلي و سكت
قالت لي اضاربوا ليه؟ و الحصل شنو بعدها؟
قلت ليها ما عارفه لمن صحيت لقيت نفسي في المستشفى >>>
قالت لي طيب بتبكي لشنو؟ يعنى حيدر اتعوق أو حصلت ليهو حاجه؟
هزيت ليها راسي بمعنى لٱ
قالت لي الصيدلي طيب؟ اتعوق؟ ما رديت عليها ....قالت لي بس ما يكون كتلو! !
زدت زياده في البكي ،، قالت لي دي مصيبة شنو دي ،، ماشه أكلم ابوي قامت مِڼـّي و طوالي مشت لخالي .
