_ حييييا انا يا سلافه والله شوفتو الكل يوم دي واجعاني وجعه ! قلبي بقول لي امشي ذكريهو و خليه يعرف انو زمان سرقنا ولازم يرجع لينا قروشنا و دهبنا
= دا حتى لْـۆ اتذكر بنكر حطب يا هاجر ، الزي ديل لٱ عندهم دم لٱ إحساس و ما بعيده يكون متذكر و بستهبل علينا ساي و......
خليك قاعده يا عمه كلامكم كلو انا سمعتو ....تساااابيح يا تساااابيح
_ ايوه يا حيدر
قلت ليها امشي نادي اعمامك و عماتك كلهم عايزهم انا
خير يا حيدر في شنو جمعتنا ليه؟ ان شاء •اللّـہ̣̥ خير بس !
قلت ليهو خير خير يا عمي....سكت مساااافه و بعديها قلت ليهم مع انو القصه مرت عليها سنوات طويله و أظن اغلبكم نساها اذا ما كلكم ، عمي الطيب قال لي قصة شنو؟ قلت ليهو السرقه الحصلت لينا قبل سنوات و كانت المتهم الرئيسي و الأساسي فيها عمي "حولي" ،، أول ما قلت اسمو رفع راسو و عاين لي بإستغراب ،، أبوي قال لي يا حيدر الموضوع دا نحنا خلاص نسيناهو و ما عايزين نفتحو م̷ـــِْن جديد ، قلت ليهو في معلومه لآزٍمٍ تعرفوها، عمي ما هو السرق القروش دا والله و ما ليهو علاقه بالموضوع و اصلا ما عندو علم ،، أمي و عمتي سلافه بقوا يعاينوا لي بتشكيك و كلهم بقوا مترقبين للإسم الح اقولو ، عاينت لأمي و قلت ليها السرق القروش و الدهب هو متوكل راجل أختك يا أمي ،، كلهم كانوا بعاينوا لي بدهشه و عدم استيعاب ، أمي قالت لي شنو؟ انت مستوعب في الكلام البتقولو يا ولدي ولا بتخبط ساي، متوكل الواااحد دا راجل رضيه أختي لٱ لٱ ما بصدق والله ،، عمي الطيب قال لي و انت عرفت م̷ـــِْن وين؟ قلت ليهو قبل فتره لمن كنت في بيتو سمعتو قال الكلام دا بعضمة لسانو ، أبدا ما اتناقشت معاهو و ما حسستو اني سمعت حاجه و ما كنت عايز افتح الموضوع دا و أفضحو ، كنت قايل الموضوع دا خلاص اتقفل م̷ـــِْن زمان و ماف زول حيجيب سيرتو تاني ، عمي عباس قال لي منو الفتح الموضوع دا تاني و اتكلم فيهو؟ قلت ليهو ما مهم منو المهم كلكم عرفتوا الحقيقه و سوء التفاهم الكان حاصل هسي وضح ...... عمتي سلافه قالت لي بس الًيَوُمًِ داك متوكل دا كان موجود معانا في بيت العرس، عمي الطيب قال ليها لٱ انا خليتو هنا في البيت قال لي بصلي و بلحقكم و جاني بعد (3 ، 4) ساعات و انا اساسا كنت شاكي انو السرقنا دا واحد مننا و فينا عشان كدا ما فتحنا بلاغ حتى محمود أخوي دا قال لي انا شاكي في متوكل دا بس ما عِنـ.̷̷̸̷̐ـديّ دليل ، و عشان ما تحصل بيناتنا مشاكل و ندخل في مواجهات و اتهامات لبعض و نحنا ما عندنا دليل قفلنا الموضوع دا.....قلت ليهو حصل خير و ماف داعي واحد منكم يمشي و يتكلم معاهو .....عمي عباس قال لي خليناهو ل"الله"........
= وطي صوتك يا هاجر الأولاد قاعدين
_ ما بوطيه و خليهم يسمعوا كان سمعوا ، خليهم يعرفوا أبوهم السراق على حقيقتو .....كنت عارفه صّـْْ(☑)ـْْحّ ؟ عارفه انو راجلك سرقنا و أكل حقنا و ما اتكلمتي؟! كيف نفسك سمحت ليك تاكلي م̷ـــِْن قروش أختك السرقها راجلك؟ سبحان •اللّـہ̣̥ كنت بدعي ربنا يبارك ليك و يزيدكم بعد ما بقيتوا مقرشين و تاري دا كلو م̷ـــِْن قروشنا نحنا
= اعمل شنو يا هاجر؟ أفضحو يعنى و اقول ليكم راجلي سرق منكم؟ ما كان عِنـ.̷̷̸̷̐ـديّ خيار غير السكوت
_ ايوه كان تجي و تكلميني انا على الأقل ، هسي وينو راجلك الخايب الباطل و عديم الخوه
;- في شنو يا خالتي ؟ ليه أصواتكم دا عاليه كدا انتي و أمي؟
_ و كيف ما تكون عااااليه بعد ما عرفت انو أبوكم الخايب و عديم الفايده كان سارقنا م̷ـــِْن زمان و النعيم الإنتوا هسي فيهو دا كلو حقنا نحنا و انا الليله ما بتحرك م̷ـــِْن هنا إلا السراق أبوكم دا يجي و.........الخ
