مها مها يا بتي مالك؟ سرحانه وين؟
قلت ليهو لٱ لٱ ماف شي
_ قولي يا بتي سامعك انا
ياداب انتبهت و قلت بيني و بين نفسي : معقوله دا كلو كان خيال و ما حصل؟
_ يا بتي لْـۆ شايفه نفسك ما حتقدري تديني قرار هسي ما مشڱلھِ قدامك 3 أيام اقعدي مع نفسك و فكري كويس و كلو كلو ما تستعجلي في النهايه دي حياتك و مهما كان قرارك انا معاك فيهو .
جملة "انا معاك " دي حسستني بالدفئ و الإطمئنان ، اجمل احساس ممكن تحسو لمن زول يقيف معاك مهما كان قرارك و يدعمك فيهو و يكون ليك سند و خير عون جملتو دي كانت كفيله بإنها تحتويني و تعوضني و لْـۆ شويه عن حنانو و الفراغ الكنت حاساهو في غيابو > جملتو رجعتني لنقطة و لسؤال كان في بالي ، قلت ليهو و انا بطقطق في أصابعي : يا أبوي قول لي بصراحه العم عبد المنعم جا لشنو؟ عايزين يرجعوك صّـْْ(☑)ـْْحّ ؟ حترجع ليهم و تخلينا تاني صّـْْ(☑)ـْْحّ ؟
ضماني عليهو و قال لي لٱ والله جا عشان يسلم علي بس و يشوف بنات بتو ، مع انو گلآمَيےّ دا قلتو ليك قبل كدا لَـگِنْ ح أعيدو ليك تاني: لٱ اتذكرت أو لٱ انا قاعد معاكم انا ما بفوتكم وراي ، قدامنا عمر حنعيشو مع بعض حتى و لْـۆ ذاكرتي ما رجعتي لي ما مشڱلھِ المهم اننا مع بعض و بإذن •اللّـہ̣̥ ما بفرقنا إلا الموت
لمن قال كدا شديتو م̷ـــِْن قميصو و عيوني اتملت بالدموع قلت ليهو عليك •اللّـہ̣̥ يا أبوي ما تقول كدا ، ضحك و قال لي الموت علينا حق و كلنا حنموت ، قلت ليهو حتى ولو بس ما تقول كدا الفكره دي بترعبني ما عايزا أكون في مكان انَـت ما فيهو ، ضماني عليهو شديد و بقي يمسح لي على شعري .....
_ هسي يا بت الموضوع دا داير ليهو قعاد و تفكير قدر دا؟ ساي بتأبن السمح و تريدن المهانه
= والله يا بتي حيدر دا كلو كلو ما فيهو كلام ، كدي عيبيهو ليـّۓ !
قلت ليهم : أمي، حبوبه ، انا ما حاسه نفسي جاهزه لحاجه زي دي العرس دا شايفاهو بعيد و ما حاسه نفسي بقدر على مسؤوليه زي دي مجرد التفكير في العرس بخليني مقلقه و متوتره و حاسه بالخوف و ما مطمئنه
=احساسك دا احساس طبيعي أي بت مقبله على الزواج بتحس بالخوفه دا و القلق و التوتر ما بفارقها لحدي يوم العرس
_ كلنا مرينا بالمرحله دي و بالجرسه بتاعتك دي ، اتخطينا المرحله دي مع الزمن و اتأقلمنا و اتعودنا و العرس بقى لينا حاجه عاديه و طبيعيه عشان كدا ما تقلقي ساي نحنا وقت عرسونا كنا أصغر مـڼـڱ و ما فاهمين للعرس دا حاجه.
اها يا عمي قالت لي شنو؟ موافقه ولا لٱ؟
_ والله يا ولدي ما قالت حاجه عشان كدا أديتا 3 أيام تفكر فيها على راحتها و تديني قرارها ، العايز أقولو ليك انو قرارها مهما كان انا موافق عليه و ما ح أجبرها على أي حاجه
قلت ليهو گلآمَگ. زين العقل و انا ذاتي ما ح ارضى إنها تتغصب على حاجه هي ما عايزاها في النهايه دي حياتها و هي البتقرر عايزا تكون لمنو .....
أبدا ما اتوقعت انها ممكن تتردد و ما تقول لأبوها قرارها طوالي ، معقوله محتاجه 3 أيام عشان تتخذ قرار زي دا؟
مرات كتيره بحس إني ما قادر أفهمها ، ما قادر اعرف هي عايزا شنو بالضبط؟ عايزاني ولا لٱ؟ و ليه ترفض اصلا دامها بتحبني؟ ! دا الما قادر أفهمو
