ثم ماذا !
ثم يؤديك الذي كنت تخشى عليه من الأذى💔
لمن تجي تنومي اتغطي كويس و ما تشربي مويه بارده براك عارفاها بتعمل ليك شنو ، و ما تقعدي ساي للناس اشتغلي ليهم في البيت و ساعديهم و اعتبريه زي بيتك ، و أوعك تباري لي بنات الجامعه ديل م̷ـــِْن الجامعه للبيت و م̷ـــِْن البيت للجامعه لٱ تمشي يمين لٱ تمشي شمال و أول ما تحتاجي حاجه اتصلي علي عارفه خالك ما بقصر مـڼـڱ لكن ما صّـْْ(☑)ـْْحّ نعصر عليهو هو برضو عندو مسؤوليات و ....
- على فكره دا نفس الكلام القلتيه لي المره الفاتت 🤣
قالت لي و ان شاء •اللّـہ̣̥ المره الفاتت سمعتي كلامي 😏 عارفه راسك يابس هسي تسمعيه بجاي و تطلعيه بيجاي.
قلت ليها خلاص يا أمي ما كل مَـرّھٌ تذكروني بالعملتو مش في النهايه ما مشيت الجنوب؟ ! 🙂.
- كما جابوك كان مشيتي ، لَـگِنْ المره دي ولا تفكري تمشي جاي ولا جاي ، تقري قرايتك و تجي راجعه.
خلاص خلاص يا أم....
- السلام عليكم
عاينت للزول السلم علينا لقيتو حيدر ، أمي قالت ليهو و ۈعـْليگمٌ ٱلسّلٱمّ ګيِّفِّګ يا ولدي ان شاء الله طيب ؟ قال ليها كويس الحمدلله انتي كيف؟ قالت ليهو نحمد •اللّـہ̣̥
عاين لي قال لي يلا بعد دا...
طبعا انا و أمي كنا واقفين جنب باب الشارع و كلام أمي دا كلو قالتو لي جنب الباب ، أمي قالت ليهو أي امشوا بعد دا عشان تصلوا بدري
طبعا ما عرفت اقول شنو ، اتفقت مع عدنان انو هو يوصلني و أمي ما عارفاني كلمتو لأني ما قلت ليها ح امشي مع عدنان هي مسبقا قالت لي حتمشي مع حيدر فلما تعرف اني قلت لعدنان يمشي معاي أكيد حتقعد تسألني ليه عملت كدا و ليه ما عايزا حيدر يمشي معاي و ..وووو ، بقيت أتلفت على أمل انو عدنان يجي ، أمي قالت لي بتعايني وين انتي؟ ما ماشه ولا شنو؟ قبل ما ارد حيدر شال الشنطه و مشى ختاها في عربيتو و ركب و أشر لي عشان اجي، أمي قالت لي يلا امشي و ان شاء •اللّـہ̣̥ تصلوا بالسلامه، ودعتها و غصب عني مشيت ركبت معاه بس قعدت ورا، قال لي ليه راكبه هناك؟ قلت ليهو كدا مرتاحه و لْـۆ عندك مشڱلھِ بنزل ليك م̷ـــِْن عربيتك و بشوف زول غيرك ، ما رد علي و اتحرك ، كنت مضايقه شديد أولا م̷ـــِْن وجودي مع حيدر و م̷ـــِْن عدنان لْـۆ كان جا قبل حيدر كان حيمشي معاي و زي ما اتفقنا نمشي لقرية () و نعرف معلومات عن أبوي عسى و لعل نلقى لينا معلومه توصلنا ليهو ، هسي اعمل شنو يا رَبّـ❤ـيٌ ؟ امشي براي تاني؟ الجامعه الأسبوع الجاي و لآزٍمٍ قبل ما تفتح أكون عرفت حاجه عن أبوي ، يا ريت لْـۆ جا معاي عدنان عشان يقدر يساعدني
طق طق ..
رفعت راسي ، عاينت ليهو و ما اتكلمت معاهو ، قال لي سرحانه وين؟ بتفكري في شنو؟ ملاحظ ليك م̷ـــِْن قبيل شارده بعيد !
برضو ما رديت عليهو، في كل مَـرّھٌ عيني تقع في عيونو بتذكر الرساله ديك بالجد ما قادره اتخيل عملتو دي مع روان، مجرد التفكير فيها بخليني اقرف منو 💔
لمن ما رديت عليهو قال لي عاذرك انا ،، أكيد زعلانه و مضايقه مني عشان ما خليت حبيب القلب يمشي معاك 😒
قلت ليهو بإستغراب ڼـعمًـْ ؟!
قال لي ما تعملي لي نفسك ما فاهمه و غمز لي ، قلت ليهو بضيق قصدك شنو؟ و بتتكلم عن منو انت ؟
قال لي عدنان في غيرو؟ شايفكم صحبه شديد في الفتره الآخيره دي و واضح انك مضايقه عشان ما مشى معاك .
قلت ليهو اها في شنو يعنى ؟ و انت مدام عارف اني عايزا عدنان يمشي معاي بتتحشر ليه؟
قال لي ما عِنـ.̷̷̸̷̐ـديّ بيكم شغله، أمك هي القالت لي أوصلك ما قالت لعدنان ،، و انتي وقت ميته عليهو و عايزاه يسافر معاك ليه ما كلمتي امك ؟
قلت ليهو يعنى انت مجبور تسمع كلام أمي؟ فيها حاجه لْـۆ اعتذرت منـِْهـ♡̨̐ـِْا و قلت ليها خلي عدنان يمشي معاها؟
- م̷ـــِْن بين كل الناس اختارتني انا عشان امشي معاك و ما بقدر اكسر بخاطرها و اقول ليها معليش شوفي زول غيري 😊
قلت ليهو بالله!
مش المَـرّھٌ الفاتت برضو طلبت مـڼـڱ توصلني؟ و انت عملت شنو؟ مش طلبت م̷ـــِْن توفيق يمشي معاي !؟ هسي الجد شنو يعنى؟
- عشان المره الفاتت كسرت بخاطرها و ما لبيت ليها طلبها ما عايز اكررها تاني ، معليش يا زوله ح تستحمليني لحدي ما نصل حتى لْـۆ كان غصبا عنك .
بعد قال كلامو دا سكته و ما ردت عليهو تاني ، ما عايزا اتناقش معاهو كتير .
عاين لي بالمرآيه ، شكلو كان منتظر رد مِڼـّي بس أبدا ما اتكلمت معاه تاني و كل ما يفتح موضوع بطنشو و بعمل نفسي ما سامعه حاجه ، لْـۆ كان زول غيرو يمكن ما كنت ح ازعل منو للدرجه دي ، يوم خلاني و خطب روان و حرق قلبي زعلت منو شديد و مع ذلك كنت بحترمو ، صّـْْ(☑)ـْْحّ ما كنت بظهر ليهو الحاجه دي بس انا م̷ـــِْن جواي كنت بحترمو شديد و بشوف انسان فاهم و واعي و يمكن دا الحاجه الكانت بتشدني و تجذبني ليهو و تخليني احبو أكتر و أكتر بس هسي اتلاشى كل الإحترام دا بالجد ما قادره استوعب كيف حيدر الإنسان الفاهم و الواعي بعمل عمله زي دي و مع بت خالتو ، انسان زي دا ما بنفع خالص ، سلوك واحد منو خلاني اتراجع مية خطوه لورا و اراجع مشاعري و اسأل نفسي ، هل ح ارضى احب انسان زيو و اقدر اعيش معاه و بعد معرفتي بحقيقتو؟ انسان لٱ احترم خالتو لٱ راجلها لٱ خاف •اللّـہ̣̥ في بت خالتو هل ح يخاف •اللّـہ̣̥ فيني؟ هل ما حيكرر عملتو دي تاني؟ و ليه ما حيكررها و هو ما باين عليهو ذره م̷ـــِْن الخجل يعنى كأنو معامل حاجه و عايش عُاَدّيَےّ 💔
