هو أبوي باع بيتنا لشنو؟
_ حسب الكلام القالو لي الراجل الإشترى البيت انو كان داير م̷ـــِْن أبوك مبلغ كبير و اتفق معاهو إنو في حالة ما قدر يرجع ليهو القروش حيكتب ليهو البيت بإسمو و اظنو أبوك ما قدر يرجع ليهو المبلغ عشان كدا أداهو البيت
قلت ليها و الحصل شنو بعد داك؟ اختفى بعد الما باغ البيت؟
_ انتي الليله مالك بتكتري في الأسئله دي كدا ما زمان ما حصل سألتيني عن حاجه ، المهم أبوك ما قال لزول انو كتب البيت بإسم زول تاني، كان ليهو فتره بقول لي عايز يسافر البلد عمل مشروع هناك و حصل ليهو فيهو مشاكل و بقوا كل يوم يتصلوا عليهو عشان كدا حيمشي يحلها
قلت ليها طيب لمن قام ماشي كلمك؟
_ أي كلمني و كان مستعجل سافر م̷ـــِْن الصباح ،، و سبحان •اللّـہ̣̥ السرقه حصلت في نفس الًيَوُمًِ ، و لما عماتك شكوا في أبوك قلت ليهم انو سافر و ما سرق حاجه لَـگِنْ ما صدقني و نشرن الخبر و قالوا أبوك سرق إلا اعمامك ديل الصدقوا گلآمَيےّ و في نفس الًيَوُمًِ اتصلو عليهو بس التلفون كان مغلق و لحدي الًيَوُمًِ التاني كان مغلق و دا الخلى عماتك يتمادن و يأكدن موضوع السرقه ، والله اعمامك ديل مشوا لحدي البلد و فتشوا عليهو و ما خلوا قريه قريبه أو بعيده إلا و مشوا ليها لَـگِنْ ما لقوا ليهو أثر و م̷ـــِْن الًيَوُمًِ داك ما لقينا منو خبر ....
اثناء ونستنا انا و أمي سمعنا صوت باب الشارع ، كنت ماشه افتحو لَـگِنْ أبوي سبقني و فتحو و سمعناهو بسلم على رجال بحراره كدا و بقول ليهم اتفضلوا اتفضلوا ، طبعا الضيف كان عبد المنعم جد سجده و توسل و معاهو رجال زي4 انفار كدا و فردوس خالتهن، و هن أول ما شافن جدهن و خالتهن جرن ليهم و سلمن عليهم ، جدي فضلهم جوا كلنا مشينا سلمنا عليهم و عملنا ليهم الشاي شويه كدا و اعمامي كلهم جوا و جابوا معاهم خروف و ضبحوا ليهم ، حبوبه قالت لي أمشي كلمي عماتك عشان يجن و يشتغلن معانا و لْـۆ جوا اتنين بس ما مشڱلھِ ، و نادي معاك ناس إبتهال ، قلت ليها طيب ، لبست التوب و دخلت بباب النص لقيت عمتو هاجر بتكوي في تيابها كلمتها و قالت لي سمح قلت ليها تسابيح و سلمى وين؟ قال لي مشوا بيت صحبة سلمى قلت ليها اهااا ،، ختت المكويه و شالت توبها و مشت عاينت مسافه و تاني شلت المكوه و بقيت أكوي ليها في التياب قلت أخلصهم سرعه سرعه و امشي أكلم الباقي ، اصلا هم كانوا 5 كويت اربعه و باقي ليـّۓ واحد بعد شويه سمعت صوت حيدر و هو بقول أمي يا أمي ، جا داخل و اتفاجأ لما شافني ، قال لي كيفك؟ قلت ليهو ټمـٱمـ الحمدلله
ناس أمي و باقي الجماعه ديل مشوا وين؟
قلت ليهو أمك في بيتنا و سلمى و تسابيح مشوا بيت صحبتهم و بالمناسبه لْـۆ ما فطرت امشي بيتنا اعمامي كلهم هناك
قال لي ليه في شنو هناك؟
قلت ليهو جونا ضيوف و ضابحين ليهم و عشان ما تسألني منو ديل الناس الكان قاعد معاهم أبوي > عبد المنعم و فردوس و اظنك لاقيتو قبل كدا صّـْْ(☑)ـْْحّ ؟
قال لي أي لاقيتو و فردوس دي ذاتا لاقيتا كذا مَـرّھٌ اصلا هي الخلتني اشوف عمي و اتأكدت انو دا هو بعد ما شفتو
قلت ليهو لاقيتا وين؟ مشيت ليهم في البيت ولا شنو؟
قال لي ايوه مشيت ليهم و گلّمّتگُ قبل كدا ، بس ما لاقيتا في الًيَوُمًِ داك إلا بعد ما جات لاحقاني و قالت لي مش انت ولد عم مها، قلت ليها ايوه، قالت لي ما تستغرب متذكراك م̷ـــِْن أول مَـرّھٌ جيتنا فيها و سقتها بالغصب ، المهم قالت لي انا سمعت گلآمَگ. مع أبوي و حكت لي القصه كلها و قالت لي عشان تتأكد بكرا هو حيمشي سوق () و انا ذاتي ح اجي معاهو لاقينا هناك ، المهم البعديهو كلنا عارفنو....سكت مسافه و قال ليـّۓ :
_ طيب الجا معاهم منو تاني؟
4 رجال
_ صغار ولا كبار؟
اقول ليك رجاااال تقول لي صغار ولا كبار؟! + بتسأل ليه انت؟
_ قصدي هم شباب و رجال كبار يعنى قدر أعمامي
3 شباب و واحد كبير قدر العم عبدالمنعم + للمره التانيه بتسأل ليه؟
_ المهم رايك شنو تجي انَـỲǑŲـْتي و معاك ناس ابتهال و تقعدوا هنا؟
قلت ليهو ليه يعنى؟ ورانا شغل نحنا
_ شيلوا حاجاتكم و تعالوا اشتغلوا هنا و بتكونوا حرستوا لينا البيت بالمره
اهاااا م̷ـــِْن البدايه كان تقول انك عايز ليك زول يحرس ليكم بيتكم لٱ ټمـٱمـ والله 🙂
_ موافقه يعنى؟ طيب خليك هنا انا حمشي و انادي ليك ابتهال و باقي البنات
قلت ليهو أكيد انت ما جادي يا حيدر! كيف يعنى نخلي بيتنا و نقل شغلنا هنا و ليييه ؟
_ زي ما شايفه بيتكم حيكون زحمه
و يعنى !
_ المهم خليك هنا و انا بنادي ليك باقي البنات ټمـٱمـ.....
قال كلامو دا و كان حيطلع وقفت و قلت ليهو حيدر !
_ ايوه
أخدت نفس عميق و قلت ليهو ماف داعي لحركات دي كلها ، قصدك شنو م̷ـــِْن البتعمل فيهو دا؟ ليه في كل مَـرّھٌ لمن نتجاوز بعض و نمشي لقدام بترجعنا تاني لنقطة البدايه؟ دي شنو الدوامه الإنت رامينا فيها؟! خليك عارف اني ما بحب المعامله المبهمه دي خالص و العلاقات الما ليها مسميات دي برضو ما بحبها ، نحنا قبل كدا قلنا لبعض استوب و طوينا الصفحه ديك ف ماف داعي ترجعنا تاني و تخلينا ندور حولين اللاشي ، اتكلم مع منو ، امشي لمنو، اقيف مع منو دي حاجه ما بتخصك و ما عندك علاقه بي و اذا كانت تصرفاتك و حركاتك البتعملها دي كلها علشان خوف علي ك ابن عم فأحب اطمنك ، انا واعيه و عارفه نفسي بعمل في شنو و عارفه حدودي وين و رجاء ما تحسسني اني انسانه ما كويسه و شكوكك دي ما تلفها حوليني ، نحنا الإتنين ماف شي جامعنا فياريت تخلي حدود بيناتنا و ما ضروري تدخل في أي حاجه بتخصني ما عندك أي حق علي و يا ريت ما تفتكر انو گلآمَيےّ دا عتاب ليك و إياك تحس اني متحسسه م̷ـــِْن الموضوع المحسوم داك حبيت أوضح ليك و أخت نقاط على الحروف.
قلت گلآمَيےّ دا و انا بعاين ليهو بكل ثقه طبعا ملامح وشو اتغيرت و حسيتو اضايق شديد لمن عيونو حمرت
قال لي ما بتحبي العلاقات الما ليها مسميات صّـْْ(☑)ـْْحّ ؟
هزيت ليهو راسي بمعنى ايوه
قال لي ټمـٱمـ يا زوله و لمن العلاقه دي تتسمى أبقي قدر گلآمَگ دا ما انتي انسانه واعيه و فاهمه كل حرف بتقوليه و ما بتتكلمي ساي
قلت ليهو قصدك شنو؟
قال لي شوف يا بت الناس انا ذاتي فترا و اللف و الدوران دا ما بنفع معاي حتى العلاقات الما ليها مسميات معترف بيها ما بتنفع معاي
قال كلامو دا و طلع
ما اهتميت بكلامو دا كتير ، كويت آخر توب و مشيت كلمت باقي عماتي ، جيت راجعه البيت و أول ما دخلت لمحت حيدر واقف مع هنادي بت جيرانا طبعا البت دي لصقه و جنها تتلصق في أي زول لٱ بتخاف م̷ـــِْن زول لٱ بتحترم زول ، كانت خاته يدها في كتفو و بتضحك معاهو و كمان ما مقصر بتكلم معاها و ما عارفاهو بقول ليها شنو عشان تضحك الضحك دا كلو ، تضحك بلا سنون ان شاء •اللّـہ̣̥ ، طوالي مشيت المطبخ و لقيت ناس ابتهال هناك اتوقعتها حتتكلم عن اللصقه ديك بعد ما شافتها مع حيدر لَـگِنْ الغريبه ما قالت حاجه ، قلت ليها فلانه ديك الجابها شنو؟ قالت لي قصدك منو انتي؟ قالت ليها منو يعنى أكيد قصدي هنادي ، ضحكت و قالت لي أجي! جابها الجاب الناس دي كلها 🤣🤣🤣 قلت ليها لَـگِنْ دي صبيحه خاصه بالضيوف يعنى ذاتها ما لينا نحنا هي جايه لشنو قال؟ قالت لي البت جات مع عمتي فوزيه ندخل عمتي و نقول ليها انتي أرجعي يعنى؟ قلت ليها خلاص خلاص قفلي ، قالت لي انتي المضايقك شنو؟ قلت ليها شايفاني مضايقه هسي؟ و اضايق لشنو اساسا و يعنى شنو لْـۆ كانت واقفه مع السجم الإسمو حيدر داك ما الإتنين حله و لقت غطاها ، ضحكت بأعلى صوت و قالت لي مها استهدي بالله هسي في زول جاب سيرة حيدر؟ قلت ليها ما ضروري فاهمه سؤالك انا م̷ـــِْن البدايه ، قالت لي ركزي سؤالي كان المضايقك شنو ، لاحظي ليهو كويس هل فيهو اسم حيدر أو هنادي؟ 🤣🤣🤣 قلت ليها خلاص اقفلي السيره دي ، قالت لي غيرتي صّـْْ(☑)ـْْحّ ؟
احسن ليك تقفلي
اعترفي ياخ زعلتي لمن شفتيهم مع بعض مش؟ حيييييا انا م̷ـــِْن وجع القلبي 🤣 انتوا و حيدر احسن ليكم تعترفو بدل الحركات و الغيره دي كلها اتلموا مع بعض و غيروا على راحتكم 🤣🤣 قلت ليها ابتهال احسن تقفلي جردلك دا 😑 المهم كملنا شغلنا و الضيوف رجعوا و استمر الًيَوُمًِ إلى آخره ......
في الًيَوُمًِ التالي:
عاد حبوبه و أمي ديل م̷ـــِْن صحيت شايفاهم بتبسموا ، المشكله انهم بعاينوا لي و ببتسموا لمن شككوني في روحي ، بعد شويه أبوي ناداني و قال لي تعالي عايزك طبعا استغربت لبست التوب و مشيت ليهو ، قعدني جنبو و قال لي قبل أي شي انا ما حجبرك على أي حاجه و ما بخلي زول يغصبك على حاجه ، عاينت ليهو بإستفهام ، قال لي زي ما عارفه أي بت مصيرها تعرس و تخلي بيت أهلها و الزواج سنة الحياة ولا بد منو
خفت زياده و ضربات قلبي زادت معقوله أبوي عايز يعرس لي واحد م̷ـــِْن الناس الجوهو أمبارح؟ بقيت متوتره و ماسكه دموعي بالشده ، عاين لي و لقاني قربت أبكي ، قال لي زي ما قلت ليك ماف زول حيغصبك على حاجه المهم يا بتي أمبارح حيدر ولد عمك دا جا قعد معاي و قدام اعمامك كلهم طلب يدك ، قلت ليهو ما بديك رد إلا اشوف راي البت ، والله حيدر زول كويس و ما بترفض لَـگِنْ الموضوع برجع ليك انتي و اذا قلتي لٱ معناها لٱ، اها يا بتي قلتي شنو؟
بقيت منططه عِنۋۋۋ♡̷̴̬̩̃̊نيّے و بعاين لأبوي معقوله حيدر عملها و جا اتقدم لي؟ !
_قولي يا بتي سامعك انا و ما تخافي و ما تشيلي هم
نزلت راسي و ما قدرت أقول ليهو حاجه كل العملتو اني سكته، سكته و بس
قال لي افهم م̷ـــِْن سكوتك دا انك موافقه؟
تلقائيا لقيت نفسي بهز ليهو في راسي بمعنى ايوه
ضحك و قال لي برضو إلا اسمعها مـڼـڱ
ختيت يديني علي وشي و قلت ليهو موافقه يا أبوي موافقه ما تحرجني أكتر م̷ـــِْن كدا و قمت طالعه منو ، أبوي طوالي اتصل على اعمامي و كلمهم و حددوا يوم عشان يقعدوا فِيَھ و يحددوا يوم للعرس طبعا قالوا ما عايزين خطبه عرس طوالي ♥️
انعقد عقد الود بين قلبي وقلبها عقدا لا يحله ريب المنون ❤️
نعم قد قبلت .. بوافر الحب قالها قلبي حينها ❤️
تجملت يميني بخاتمه لأصبح أميرته, وانتقلت من ذمة أبي لذمته 💍♥️
وعقد قران قلبي على قلبه ❤️
ف ألبستها قلبي خاتم مودة وإجلال وثناء وألبستني قلبها تاج حب واستثناء ..❤️
رضيت بك قدرآ ❤️
الحب لمن أعز مقامنا ودخل بيوتنا وجعل حبنا حلالآ أمام الجميع 💍♥️
فإن الساعي إليك حلالآ لن يخونه دربه , وسيسوقه الله لعقر دارك مجرورا من قلبه ♥️♥️
قد أخترت قلبك البيت الذي يكون فيه اسمي الى الأبد وتكون عيناي وقلبي هناك كل الأيام💍♥️
مودة التجاني 🌻
~النهاية 💕
