Mᴇᴍᴏʀɪᴇs Oɴᴇ: Hᴜɢ

11. little by little

Хормын төдийд хийсээд одох дурсамжийн хэлтэрхийнүүд...

Нэг нэгээрээ дотроос зулгаах мэт л сэтгэл өвтгөх аж...

_______________

Дурсамж өөрөө их сонин зүйл.

Үнэртэнэ. Сонсогдоно. Харагдана...

Түүнтэй хамт байхдаа сонсож байсан дуунууд түүнийг яваад өгсөн хойно үргэлж гунигтай хоосон мэдрэмж өгч орхидог.

Хаашаа ч харсан түүнтэй байсан дурсамж нүдний урдуур зурсхийн өнгөрдөгсөн.

Дурсамж...

Бутарсан ч эргээд нийлж орхино.

Мартсан мэт боловч сэтгэлийн мухарт нуугдсаар л байна.

Гэхдээ л бид бага багаар тэдгээр олон дурсамжуудыг дурсахгүйгээр амьдарч чаддаг.

2017 оны тавдугаар сарын арван найман.

Их сургуулийн амьдралд хөл тавиад аль хэдийн нэг жилийн хугацаа өнгөрчээ.

Бид найзуудаараа байнга уулзаж чадахгүй байгаа ч гэсэн төрсөн өдөр, баярт өдрүүдээ тохиолдуулж үргэлж уулзаж байгаа. Харин өнөөдөр... Бид найзуудаараа саяхан америкаас ирсэн манай эгчийн төрсөн өдөрт уригдсан юм.

Тэгээд одоо би яг юу өмсөх вэ гэж толгой гашилгаад зогсож байна.

Хэндээ ч таалагдах гээд байгаа юм? Эгчийнхээ төрсөн өдөрт явах гэж байж...