ECSTACY | BL | MIZO

CHAPTER - 4

*Hmuaka P.O.V*

Ei rawng te ka han bawl fel zawh hnu chuan chaw chu ka ei nghal a.
Kham khawp ka ei zawh chuan ram vah ka tum deuh a vangin chaw chu tam tham ve tak ka fun a,
Mamawh tur dangte pawh chu buaipuiin ka in ak kim ta maw tihah chuan in a țang chuan ka chhuak zui ve nghal bawk a.

Chutia ka chhuak turin hmalam kan hawi chu ka phu țhelh a ni.
Ka inbula thingkung nghen chhan ngei mai chuan Chala chu a lo ding vang mai a,
Min lo la en vung vung mai leh nghal.

Min en dan reu reu chuan min ti  zam deuh a ni chêk ang chu ka thin chu a phu rang kher mai.
Amah chu ka melh ve ta ran a.
Ni e, han en chian hi chuan Chala hi chu hmelțha pawl a ni ka ti lo thei lo,
Nula ho ten an sawi zin ber pawl a ni pawh hi a awm lo hran lo.
Kei a tan pawh hmelțha tak a ni miau a ni.

Ka en reng lai pawh chu rawn harh chhuakin ka aw chu ka han thian halh a,
" Chala chu enge ni ta? He lam lamah te enge I rawn tih dawn le?".
Ka han tih chuan a thing nghen lai ațang chuan ding ngil pangai in,
"Ram vah ka tum a."
A han ti deuh tawp a, a ngawi leh hmak.

"Aw a ni maw? Hei kei pawh ramvak tura chhuah ka lo tum me-".
Tia ka sawi lai chu min lo pawt chat a,
"Ram vak dun ang hmiang?".
A han ti leh tawp ringawt a.
Ka chhan ve leh hma chuan ram lam panin a kal zui nghal ta daih mai.

A ngaihna hre lo tak chuan ka ding ta reng ringawt a.
Chala chuan a hnung chu zui mai ka tum lo tih a hria a ni ta ve ang, ding halh chunga rawn hawi letin,
"Min kalpui duh lo em ni?".
A ti leh phawng mai a.

Ka dinna hmun ațang a che chhuak ve in a lam chu ka pan ta a.
"Lalfapa ramvah puina hun remchang te chu tunge bawl pel duh ang le?".
Uang deuh tak chung chuan ka han ti phei mial mial a,
Nui deuh suk chung chuan kan inzui ve mai bawk.

Thui pawh kan kal hma chuan enge mawni ngaituah chhuak thut in Chala lam chu kan hawi a,
"Chala, hei Zoțhuama hi ka hmu hauh lo mai a, a lo kal ve dawn lo em ni?".
Ka ti ngawt ta pek a,
Ani lah taka, Chala leh Zoțhuama hi chu țhianțha tak an ni a. Ram vah ni khuaah te pawh hian hmuh dun tur an awm ve reng zel bawk a ni.

Amah lah chuan min chhan pawh tum lo ang hrimin a kal chak sauh zawk a.
Keipawh chuan min chhan a tum lem lo tih chu hrethiam nghal in ka um phei ve nghal mai bawk a.

Eng em em sawi tawh ta lem lo chuan ramhnuai chu kan lut ta thuai a.
Kan kalna lai hi a hnawm deuh a,
Chuta karah hnahthel tla te an nal zuk hlawm leh ta nghal,kal dim deuh chu a ngai ve khawp mai.

Chutia tawlhtlu lo tura kan kal chu lo fimkhur kim theih reng ni bik hek lo le,
Hnahthel tla nal zet chu rap pial palhin ka ding fel leh hman silo chu ka tlu dawn ta mai a.
Chu veleh Chala chu rawn che chhuak vatin ka banah chu a rawn vuan chat a,
A lamah chuan ka tlu tur chu min pawt phei leh nghal vatin a awmah chuan ka bei ta thlawp mai a.
A kut chuan nget takin min kuah tlat bawk a.

Tawlhthlu tur lek si kha tia inbuaipui vak.
In lo ti mai thei, mahse khatiang khan min rawn chelh vat lo se zawng kan thlang lawkah chuan ka lum thla vawng vawng tawh ngei ang.
Ni e, a awih êm a ni.

Ramhnuai a pasalțha ve ve hetia inhnaih em em mai a han inkuah ngawt mai chu a dan a dang hle a ni.
A thin chu a phu rang phian leh ta nghal
Mahse kei a thin phu pangai em em bik vak lo chu Chala pawh chuan a hre ve thei ngei ang.

Rei vaklo chutia che chang lo a kan ding dun vang vang chu ka hrawk kan thian ri kalh a,
Ding țhat tum chuan Chala awm a ka kut nghah chu ka han la sawn deuh a,
A awm ngheng renga ka awm pawh chu ding ngil deuhin Chala mitah tak chuan ka han en chho deuh zawk a.
Kei ai chuan a kum naupang hret mahse a sang phian leh nghal.

Harh chhuak deuh zawk ang hrimin Chala chuan min vawnna pawh chu a thlah vat a,
Min hnung chhawn chuan a dik ta daih zui.
Keipawh chu ding țha in ka va en a,
A beng sen deuh halh chu ka hmuh hmaih lo.
Kan lalfapa tê pawh hi a hmel a pa ang run aiin a duhawm phian.....
'...............enga?......aw ni dawn tak, mipa te pawh hi duhawm thei vek alawm kan nih le, lalfapa duhawm ka ti ru pawh hi thil pangai a ni alawm......ni lawm ni?'

" Fimkhur deuh tawh la".
Tia min rawn biak leh takah chuan ka thil ngaihtuah lai pawh chu min rawn pawt chat a.
Nui suk chung chuan,
"Ni e, ka tlu tur min rawn chhan a, ka lawm e".
Tiin ka lo chhang ve vat.
Rawn hawi ta lem chuang lo chuan a lu a bu nghat a,a beng sen deuh hlar pawh chu a la sen reng mai.

'A ni te reuh hi-'

Nui suk chunga lu thing deuh har har chung chuan Chala kal mek chu ka zui ve ta a.
"Vawiin chu kan lo lamah I kal ang hmiang?".
Tiin beisei nei deuh hian lo hawi letin min en kur mai a,
"Nang berin I tih te chuan kal mai zel e".
Ka han tih chuan a hlim sawt a ni tih hriat tak hian a khi suk a, hmuh a nuam hle......
'...............immmmm, mi hlim hmel te chu hmuh a nuam alawm, eng dang vang ani lo e.....'

*bruh, a bottom gay in denial* pfft-

°•°•°•°•°•°•°•°•°•°•°•°•°•°•°•°•°•°•°•°•°•°•°

A/n : daily a up kan tum teh reng nen kan up țha thei meuh lo a ni e.

Mahse Sunday hi chu awl ve țhin chu kan tum a.
A ai ah Monday a piangin chapter pahnih emaw chapter thui deuh hlekin kan rawn up țhin zawk ang

Writer :
Sangsangi (SangsangiFanai7)
Awmawmi ( meh)
          

°•°•°•°•°•°•°•°•°•°•°•°•°•°•°•°•°•°•°•°•°•°•°