Chala chuan be chak hle mahse sawi tur a van bawk nen a ngawi reng mai bawk si, Hmuaka zawk chuan biak hmasak angai tih hria in a aw a han thian kalh a.
Chala meialh thlir reng pawh chu rawn hawi chhuak nghal vatin Hmuaka mit ah tak chuan a en ta kalh a.
"In lo chu hei, a zau nuam bawk a. In thlai te pawh a țha hlawm khawp mai, in enkawl țha hle a ni ang chu maw?".
Tiin Hmuaka chuan a han zawt ve mai bawk a,
"Ni e, ka nu leh ka farnu hian lo enkawl hi nuam an ti phian a, an enkawl uluk khawp mai. Lo enkawl te I nei ve em?".
"Nei han ti chiah tur pawh a ni lem lo a, hei Chawngpuii pa Pu Zapa ber hian lo ințawm a ti tlat mai si a, Kan ințawm ta mai a ni".
Hmuaka'n a han tih leh chuan Chala chuan a inrin hma in,
"Chawngpuii hi I tan enge anih le?"
Tiin a zawt ta phawng mai. Teh thlawt mai a.
Hmuaka pawh chuan Chala chu a mit ah tak en in a nuih suk a, Chala lai leh ta si chu hawi sawnin a han thaw deuh huk a. A inben daih deuh hnu chuan Hmuaka chhanna chu a nghak tih hriat tak hian a va melh leh ta kalh mai.
"Chawngpuii hi chu ka tan chuan a pawimawh khawp mai, nang Chala, I nun a mi bik leh pawimawh tih deuh te I nei ve lo maw?".
Atir a Hmuaka chhan na chuan a lung chu ti awi lo viau mahse a zawhna chuan a ti lai leh rilru phian thung si.
Hmuaka chu en rei ngam leh ta lo chuan tap mei alh hluah hluah chu a thlir leh ta daih a.
"Immm, ka tan a pawimawh tih te chu pakhat ka nei ve alawm".
Chutia Chala'n a sawi zawh chuan a hmai chu a rawn sen leh nghal ta up up mai.
Mei alh țha bawk nen, an inhmu chiang thei phian leh ta nghal.
Hmuaka pawh chuan Chala hmai sen chhap pawh chu a lo thlir reng a,
A chhan ber hriat ni si loh hian amah ah chuan danglam a awm tih a inhre kar mai.
"Ani maw? Hei nula rim rual te I ni ve tawh a, zan tin han rim la chuan nangte chu tunge hnar phal teh lul ang che?".
Uang deuh tak chuan Hmuaka chuan a han ti a.
Chala pawh chuan Hmuaka thusawi chu ngaihtuah vang vang in,
'Zan tin rim ve ta zawk che ila min hnar angem?'
Ni e, a ngaihtuahna chu sawi chhuah a zawh a duh mahse Rohmuaka mawlh chuan amah chu a en dan a dang ang tih a hlau bawk si.
"Chutiang in an sawi ngai lo ê, kei te chu eng ka ni hleinem. Hmuaka, nang zawk hian rim lai te I nei lo em ni?"
Nia, Hmuaka hi chuan rim lai rêng a nei hauh lo.
A dinhmun hi a inhre chiang ve êm mai a, tu nula inah mah a chuang kai ve ngam lo a ni.
"Kei angte chuan rim tur pawh kan hmu zo ve lo a ni ê".
Tia Hmuaka chhanna chuan Chala chu a ti lungawi rilru hle.
Kan sawi tawh ang khan Chala hi chu Hmuaka lam hawiah chuan a fing ber lo ve bawk nen, chutia rim tur a neih loh te chu a chhan a hriat chak ai mah chuan rim lai anei ang tih mawlh chu a hlauh zawk ani tlat pek a.
Chawngpuii chu Hmuaka tan a pawimawh a ni tih pawh chu Chala chuan a rilru kilkhatah a dah ve reng a, a vei phian bawk.
Unau ang bak an ni tih hre tal se zawng a zia mai tur.
Ti ti chho zelin Chala pawn nuam a ti hah hah khawp mai, nui hmel a put sâng danah chuan a hriat hle.
Rohmuaka pawh chuan Chala han ti ti pui chu nuam a ti ve phian a ni ngei ang a nui suk reng mai.
Hmuaka'n a ramvah na a sa kah tur a veh laia a chet sual dan vel a sawi lai te chuan Chala chuan hmuhnawm ti tak in a lo thlir leh ta reng mai.
Hetiang anga awm reng theih hi a duhthusam a ni si.
He hun nuam tak pawh hi a thinlungah a hre reng ngei ang.
An awmna thlang lawkah chuan ri rek rek a awm reng a, mahse hetiang hi chu thil pangai tak a nih bakah pasalțha ta ve ve chu an dawih lo bawk a engah mah an tlak lem lo khawp mai.
Zan te a rei tawh lamah chuan Hmuaka chu a ham ta bai bai mai a, ani hi chu a mu hma thei phian mai a, mut pawh a awlsam hle a ni.
Chala chuan Hmuaka mut chu a chhuak a ni tih hria in mut a rawt ta a, Hmuaka pawh chuan lo rem ti ve vatin an mei tuah pawh chu an ti mit vat a.
Namthlak bulah chuan mu rem in van thiang mai chu an thlir thei chiang hle.
Vanlaizawlah chuan thla chu a eng bial kalh a, a eng țha in a mawi phian a ni.
Thla eng hnuai ah chuan pasalțha te pahnih chu an inhmu chiang thei kher mai.
Rei pawh an mut hma chuan Hmuaka chu a muhil leh ta der mai a.
Chala erawh chuan mut zai a la rel thei lo a ni chawk ang chu Hmuaka lamah chuan an tawlh deuh hrut a.
Ni e, thla eng hnuaiah chuan Hmuaka hmel chiang tak mai a lang chu a en ning thei lo a ni ber, a thlir ta reng a.
Chala mit meng ațang chuan Hmuaka a duh na chu rawn lang chhuakin a nem ngei mai.
Chala chuan a kut chu zawi muanga lek kangin Hmuaka hmai chu dim dawih tak mai hian a chul ta heuh heuh a,
A lung lawm a kim tak meuh ani,
Nui hmel a pu reng mai.
Tuna Chala hmel nelawm tak hi a hmu tu tan chuan hmuhnawm tur tak ani ngei ang.
A mitmeng nem tak leh a nui hmel mawi tak te chuan Hmuaka a duh zia an tarlangin a mawi hle ani.
Chala chuan Hmuaka chu tiharh hlau tak si in dim tak mai hian a kuah ta hle hle a.
An hmuhnawm dun tak zet a ni.
Thinlung hlim ru ver ver chung chuan Chala pawh chu a muhil ve ta a.
°•°•°•°•°•°•°•°•°•°•°•°•°•°•°•°•°•°•°•°•°•°•°•°
YOU ARE READING
ECSTACY | BL | MIZO
Fanfiction" Mahse nang ni chu pasalțha ve ve in ni si a......pasalțha in a pasalțhat pui a nei thei dawn em ni?" °•°•°•°•°•°•°•°•°•°•°•°•°•° Pasalțha in a pasalțhat pui a duh tlat mai si a, Engtin nge an awm tak ang le? An in hmangaihna hian par a chhuah the...
