ECSTACY | BL | MIZO

CHAPTER - 16

⚠️Trigger warning⚠️
*Gore
*Violence

Chutia Chala ho a an khaw tlangval chhuak ta te chu Zopui khaw mite chuan an ngaihtuah tlang hle a , an khaw tlangval te hi chakin ral beih thiam tak ni hlawm mahse an thinlungah chuan ngaih ngam theih lohna hi a awm tlat hlawm si a ni.

Chalthangi pawh chuan a u Chala leh Hmuaka chu a ngaihtuah bang thei lo a ni ber ,
Chawngpui lah a bang chuang lo , Chali ai mah mah chuan Hmuaka chu a inhliamna lutuk ang tih mawlh chu a ni a ngaih tuah.

An pahniha an han awm dun ve chang te pawh hian eng dang mah an inkarah sawi tur a awm lo a ni ber , an ka an han ang dek dek a, an u leh an thiante hlir mai bak sawi tur an hre mawlh lo.
An tih theih awm chhun lah dawhthei leh beisei tak a bei nge sei run dung tih ang mai a lo nghah chawt mai chu a ni si.
Ni e, rilru chu a kal thui ve duh ngei ang le

Khuantevik (hei hi zing hma tak sawi na a ni) bawr vel a nih tawh a , Zohniangi zawng hmeichhia tih vang a zuam emaw cho emaw ngawt chi a nih loh zia lah a lang nghal der mai,  an insual lai mit tla lek lo a thlir thuap tu te pawh chuan Zohniangi inmal beih thiam zia chu an hre chiang tawlh tawlh a ni ber mai.

Atir chuan Chawngzika ngei pawh chuan a tha a hmang tha duh lo hle kha ania mahse tunah zet zawng a tha pui a hmang tak meuh meuh a ni tih chu a hriat hle.

Zohniangi chuan mipa angin taksa sang leh ban, duh ang taka chem vei nan a sei tha tak te a nei ve lo a , thahrui lah hmeichhia ni ta fam chu mipa te nen chuan an inneih tam hleih a ni tih chu a dik meuh mai amaherawhchu a taksa tetna te chu a hmang tangkai thiam hle mai a , a che rangin a in tha zo bawk nen ,
Chawngzika, pasaltha in ti ve ngat tan pawn khawih fuh chu har tak a ni.

An in bum an in bum kawi hnu chuan Zohniangi chuan a ning ta deuh ni tur a ni a bul hnaia kawlhnam lo let reng chu lak zeuh pah in Chawngzika kaihza tak mai chu an tai thler khawk mai, 
A tai fuh ngang ni tur a ni Chawngzika chu a thu hnawp a , mahse Zohniangi chu tah chuan a tawp mai lo , a hma a thing thi chu mi satliah ni lovin a unau pa hnuk chhat tu a ni tlat.
A u Bela melh kiau chung chuan,
"Khai le ka u ,kan unau hi mi mai mai kan nih loh zia leh kan thusawi te kan tih mai mai loh zia chu han hriat tir teh ang ".
Tiin a han nui suk a, pasaltha hnuk chhat tur lai ni mahse a nui mawi ngei mai.
Mahse lo en thuap tu tlangval thenkhatte chuan chutia pawisawi lo taka a han nui seng seng thei te chu an rap ti tih deuh tlat mai.

Bela pawh chu nui deuh hak chung chuan a kawlhnam nen chuan a rawn kal phei zui ve ta nghal zat a,
"Pasaltha , ahma a ka lo sawi tawh ang in , I thih hnu pawh a thlamuang a awm lo turin , thihna chu ka han pe ang che ".
A rawn ti deuh sap a , a kawlhnam chu a han lek kang a , a lu chu a la ngei dawn a nih hi tia an thlir thup lai chuan a lu ni lovin a ban ding lam chu a tla hnawk a , Chawngzika chuan thil thleng chu a ran em avang chuan na pawh chu a hre mai lova ,
a ding lam zang deuh halh chu a han en chu a hmaa a ban awm thin chu , a dar bula thisen lo pit chhuak zet zet chuan a thlak a han hmuh chuan , a na tih hriatna chu a rawn thawk tha kher mai . A ha chang a seh a , a thlan fim hi a tla zawih zawih mai a ni.

Mualchhuan ho tlangvalte chuan chhan duh viau mahse an in tam hleih tawh em avang leh zawng zik bul dan ang mai an nih tawh avang chuan che tur an awm tawh bik silo.
Inthiam lo leh in seh ru teuh chung chuan an thlir ta thup mai.

Zohniangi chuan a u diar atang chuan engtik lai pawh an thuhruk reng, hman hun an tih chauh a an lek chhuah thin, chemte nalh leh sin tak hi a rawn phawrh zan zan mai le , Chawngzika bulhnai ah chuan a han thu a,
" I hmei a min lak te I duh tih hei lei hmang hian I sawi vei ani tiraw?",
a tih pah chuan Chawngzika na tuar a awm ngaihna hre tawh lo chu a lei pawh dawh sakin a han tan sak leh pawp a leh ,tumah reng chu han pui a che chhuak ngam reng an awm si lo.

Zohniangi chuan Chawngzik a mit ah tak en vung vung chung chuan,
"I mit pawh hi pialralah chuan i mamawh kher lo ang" .
Tih paha a mit a han kher chhuah sak leh ngat mai phei chu,
Zopui tlangval te pawh chuan en hreawm an ti tawh kher mai. Mualchhuan tlangvalte pawh chu an ip chawih chawih a.

Chawngzika a chu an chhuah tawh dawn emaw an tih lai tak chuan, Bela chuan a kawl hnam, thisen in a bawlh senduk chur tawh chu lek chhuakin Chawngzika dul chu thih pui tham siloh hian an thai thler kawk mai a leh.
Chutah Chawngzika na ti lutuk tre duh si, lei nei tawh si lo chu a mit atang chuan a thisen a luang thla ngiai nguai a.

Thi phung mai a, a hrawk atanga a theih ang anga a rawn la au ve tawk tawk chu hmuh a nuam lo duh khawp mai,
A thisen te pawh chu a hak bawrh bawrh mai a ,
Chutah Bela chuan a dul thler kau duai atanga a ril chu thram chhuakin a Chawngzika ka ah ngei a han hnawh zui leh sak a.
Val upa lo thlir ve reng tu te pawh chuan rap zetin an en ha mai.

Rei vak lo ah chuan Chawngzika pawh chuan a na chu a tuar ta lo , pialral lam chu a pan ve ta a , Bela lo sawi tawh ang ngei in a thihna  khan a nghawng em a,
Pialral pawh chu nuam a ti thei lova , hlauhna hian a bual khat tup tup dawn ta chu a ni der mai .

Le, tunah zawng Zopui khua hoin an run chhan an ti ve dawn ta , lalmuala an awm lai chuan Mualchhuan lal chu Liana leh Chawia te chuan an rawn chhuah pui hna hna a , Hmuaka leh Kapkima te chu hrilh hai tih hriat tak hian an rawn kal a,
"Zakhawma kan hmu zo hauh lo mai"
  Hmuaka chuan a han ti a , an hawi hai hlawm khawp mai .

Zohniangi te pawh khan an unau pa ruang chu hlang ah an lo zalh vel diam tawh a , an khaw tlangval te ho nen chuan an in rawlh ve na tur a nilo tih hria in , kil khatah chuan dingin an lo thlir ve hlawm bawk a .

Chala chuan Mualchhuan lalpa lam chu a pan lai tak chuan a mit hian thil phe zeuh hi a hmu a , an va hawi chhiah chu Zakhawma chuan Hmuaka chu silai hian a lo tin reng hi niin ,
Chu chu a han hmuh chuan Chala chu Hmuaka lamah chuan a thei tawp a chakin a tlan nghal a.

Chutih lai chuan silai ri in a zui ve nghal zat bawk a ,Chala chu a tlu nghal ta tawp mai le.
Hmuaka'n chu chu a han hmuhin Zakhawma lamah chuan a lim phei nghal puat
Thinrim tawp khawk a tlan phei a ni bawk a
Zakhawma  in sa seng hma chuan a va nang chin nghal rup mai.

Thinrim hmai sen hlar hlar chung chuan Rohmuaka chuan Zakhawma inrin hman hma chuan a bekah a chem fawngin a chhu ta bur mai.
Zakhawma pawh chu a thidang der mai
Rohmuaka hian a thah nghal mai loh chhan hi Chala a kah vang hrim hrim chuan nasa taka sawisak phawt kha a duh vang a ni

Tlangval ho chuan Mualchhuan leh an mahni lo puitu tlangval te chu an lo phuar mek bawk a , Zakhawma pawh an rawn phuar nghal bawk, Chala lah che chang lo chuan a let reng mai si.