ECSTACY | BL | MIZO

CHAPTER - 7

Zing ni chhuah hma si chuan Hmuaka chu a rawn harh riai riai a, men erawh a la meng mai lo thung. A rin ai daihin a mutui phian mai a.
A sir lam lung vung vung chu nghen țhat tumin a tawlh phei deuh a,

Chutia a insiam rem lai tak maiin a kawnga kuahtu awm, a tira a hriat lawk loh chuan rawn kuah nghet sauhin a lamah a pawt phei hrut a,
Hmuaka han harh chian zia mai chu,
Kuah bet tu awm lo se zawng a per tho dawrh ngei ang.

Meng kawk in amah hnaih taka mu chu a en kiau mai a,
Chuti taka kuah nghet tu chu tudang nilo in lalfapa Chala ngei kha a ni.

Che sawn leh ta mai lo chuan Chala tui taka mu lai chu a thlir ta renga,
A muhil hmel hahdam thlap mai chu a hmuhnawm duh khawp ang le.

A mithmul sei nalh tak te chu a lang chiang hle a, a hmui no chak te chu insi lo in a îtawm tawk chiah hian a kau a.
A hmai vang dik tak mai leh a hmel nem diai tak te chu-

Chala che deuh hrawt chuan Hmuaka chu a ngaihtuahna ata ti harh zawkin Chala'n a kawng a kuahna ata chu tal hrut hrut in, eng tin tin maw Chala ti harh lem lo chuan a tho chhuak thei hlauh mai a.
Hmai sa phat phat chung chuan an zing thlai hmeh tur zawng turin a inak chhuak ta daih a, in ben daih a tum a ni pah reng reng.

Ni chuan Chala hmaiah tak chuan a rawn en a, a muttui teh rêng nen.
Rum hlutin a meng ve ta a, Hmuaka mutna ruak deuh bal mai a hmuh chuan thawh phan pawh awm lo in a țhu chhuak a, a hawi rual rual mai.

A hmelah chuan a thlaphang a ni tih chu a hmuh theih.
Tho chhuakin Hmuaka ip awmna kha a va en a, a chaw fun chiah a lo awm bawk nen,
a lo haw san ta mai emaw tiin a rilru a ana ve deuh ani tur ani, a țhu ngawi ta vang vang a.

Rei pawh a liam hma chuan Hmuaka chu a rawn lang hlawl mai a, Chala chu in perh tho nghal ti tihin a pan vat a,
"Khawiah nge i kal? Ti nge min kaihthawh loh?".
Tiin thinrim deuh tak chuan alo zawt a, mahse a thinrim hauh silo. A mangan vang mai zawk a ni si.

Hmuaka chuan Chala chu chiang tak mai hian a en kiau mai a, a hmel a mangan na pawh chu a hmuh hmaih lo.
Hmuaka chu a inthiam lo deuh si, nuih za tel bawk si nen kuh der deuh dap dapin thlam chhungah chuan a han lut hmasa phawt a.

Chala pawh chuan alo zui ve zel.
A ipte khai lai a thlai vel chu phawrh in, Chala chu a nuih sâng a,
"Â....hei....kan thlai hmeh tur ka zawng e ka ti a. I la mu tui si a ka kaitho duh ta lo che a nih kha".
A han ti var var a, a nui hmel chuan Chala thinlung chu a hneh leh ta ngang ani ang, bu nghutin a hawi sawn daih a, a beng sen leh hlar pawh chu khaw engah chuan a hriat hle a ni.

Hmuaka chuan nuih sukin ei rawngbawl te a rawt a, lung muang tak chuan an bawl ve sawk sawk kha maw...

Hlim taka inkawm dun pah zelin tukțhuan an ei zawh meuh chuan ni chu a lo kang sang fû tawh a.
An ni pawh chu ramvak tur chuan an inzui chhuak leh der ta mai.

Tlai lam a lo nih chuan Chala te thlamah bawk chuan zanriahte an han ei leh a, ho zai an rel ve ta a.

*Hmuaka P.O.V*

Ka in bul vel kan thlen chuan Chala chu rawn țhu chawl tur leh thingpui inah ka sawm a, a ni lah chuan min hnial a hnekin a 'Aw' rang hle mai zawk a.
A phur hle emaw tih tur hian a nui deuh var var leh ta nghal.
'Chhiar i va han awl tak Chala'
Ti rilru neuh neuh a nui khi suk chungin kan inzui lut ve ta a.

Tap bulah chuan țhut tirin ka indah fel sawk sawk hnu chuan tui thei ang berin thingpui chu ka lum sak ta sawk sawk a.
Ka inchhung vel chu a en kual nasa ngang mai,
'Naupang pawi sawi lo te pawh i an hi le'
Ka nui chhuak țep a ni.

Inkawm pah zelin ,a țawng duh ve tawh hle a ni.
Ni e, Chala hi chu a țawng tam awm ka hre lo hrim hrim reng a.

Thingpui te chu thliin kan indun leh ta sar sar mai.
"Thingpui chu i lum thiam hle a ni".
Tiin a der chuan min fak ve ngei kha,
A fel țhin mange.

Chutia thingpui te kan inzawh hnu chuan haw turin a tho ta țial țial a,
"Anih kan haw tawh mai ange. Muttui le"
Ati a, mahse a hmel ah chuan a la haw hreh a ni tih chu ka hmu thei.
"Awle muttui aw".
Tih chuan ka thlah ve tak kha.

Ni e, muttui ti a kan inthlah pawh hi thil mak a ni hran lem lo a.
Tun ang hunah chuan mut chu la hun lo viau mahse tlangval dangte angin nula ka rim ve ngai lo tlat a ni.
A chhan chu engdang vang niloin ka dinhmun en hian tu nu leh pa in nge an makpa a tan min duh teh lul ang?
A chang chuan nula tih a tan a mawi lo pawh ni mahse Chawngi hian amah rim tu te kalsanin min rawn kawm hlim ve țhin a.
Keipawn a mawi lo tih vawi tam ka hrilh mahse ngaithla duh hek lo le,
Ka tan chuan a va hlu si em.

Sumhmun lam a pan ta țiah țiah a.
Keipawh chuan tap chu ti fai in ka che nghal sawk sawk a.

Chala chuan luhkapui a thlen hma chuan lo hawi letin,
"Hmuaka ,hei aw..ka dah a nia".
Tih pah chuan a vahrik khai lai pakhat chu luhkabul chhuatah chuan a dah a
'Leh' pawh ti hma in um hman lek lohin a tlan chhuak hmak zui.

Ka hamhaih ta lua ah ka ding ta reng a.
Vahrik chu ka melh ngawt ngawt a ni ber,
'Aw..a va han la naupang chhia tak em'
Tia lu thing chung leh nui khi vur vur chung chuan vahrik pawh chu ka dah țha ve ta vat a.

°•°•°•°•°•°•°•°•°•°•°•°•°•°•°•°•°•°•°•°•°•°•°•°