ECSTACY | BL | MIZO

CHAPTER - 10

Hun leh ni te chu a in her liam zel a ,
a hma ang em em chuan Hmuaka chuan Chala chu pumpelh tawh lo mahse amah ngei mai hian , mi fapa,  chu a chhapa an lalfapa ngei mai kawng dik lo zawh tir tu nih chu a duh lovin a tum lo bur mai bawk si nen.
Chala hming chhiat na tur a nih ai chuan thih pawh a thlang zawk ngei ang,
A dem awm bik lo e. Kan tana mi pawimawh tak te chu an chhiat emaw an nat emaw kan phal lo vek ve in a rinawm.

Chutia Hmuaka ber pawhin pumpelh em em a tum tawh ta bik lo a ni tih a hriat te chuan Chala chu a lawm ngei mai.
Kha hun rei lo tê chhung ringawt pawha Hmuaka'n pumpelh a tum ni tih hriat taka a awm khan a lo na em em mai si a.

Mahse tunhnai ah a han biak sawm leh țhin takah chuan Chala pawh chu a hlim leh ta khawp mai le.
Hmuh a nuam țhin ngei mai le.

Tin, Tluangi leh Chawngpuii chanchin pawh kha Hmuaka chuan alo hriat sak ve tawh bawk a.
Chupawh Chawngpuii te feh haw lai, kalkawng hmun la fal si, mi kal loh lai taka țhian pangai aia inhnaih tak leh inhaw lo tih hriat tak mai a an awm lai chu Hmuaka lah ta pek chuan alo phawk hman thawt thawt chu lo niin.

Hmuaka meuh pawh chuan a thing phur lai chu a thlauh ri bur mai nghe nghe a nih kha.
Tluangi te pahnih pawh chutia an hnung deuh lawk a țanga thing la ri bur mai an hriat chuan phu deuh ulh chungin an hnung lam an hawi let ve vat a.

Hmuaka lah chu hmai sen âwt âwt chungin a thing thlauh chu alo khawm mek a, Tluangi te pahnih tak pawh chu an hmel ațang chuan an hrilh hai a ni tih pawh chu a hriat hle mai, che chang lo chuan Hmuaka, hmai sen tak chunga a thing char zung zung mai pawh chu an thlir ta reng ringawt a.

Hmuaka pawh chu a in chhar fel tawh hnu chuan Chawngpuii te lam hawi ngam tawh bik hek lo,
Hnuai lam bih chungin a han tlan tak tak mai chuh leh , hmuh hman pawh va ni suh.
Duh ai hma in an khua a thleng tâk daih kha mâw.

Chawngpuii te pahnih pawh chu hriat chhuah an ni ta tih inhre thiam nghal in an lai leh zak bawk si chu an sen ve ta tawn tawn mai.

Tluangi chuan Chawngpuii ban a kaih chiai pah chuan va melhin,
" Chawngpui, kha U Hmuaka khan min hmu palh ta hlauh mai si a, engtia tih chi nge ni ta ang? Mi dang te hi a hrilh darh mai lo ang maw? Ka hlauthawng tlat mai a".
Tiin hlauthawng tih hriat tak chuan a rilru chu a han sawi ta chap chap a.

Mahse Chawngpuii chuan thawveng tih hriat taka nui chungin a kut chu a vuan nghet sawt bawk a, a kut awl lam chuan Tluangi hmai a duat tih hriat taka chul heuh heuh pah chuan,
"Chali hlauthawng duh mah ta che, ni e kha, U Hmuaka chuan tum loh tak maiin min man chhuak chu a ni der mai a, mahse maw a ni hi ka hrechiang a, tin a kam a tam hek lo, midang a hrilh hauh lo ang tih ka hria ni. Chuvang chuan lungai duh reng reng suh. In thlen hunah kei ngei pawh hian ka lo sawi fiah pui ve leh bawk dawn lawm".
Ti a han țawng thlamuan pah chuan a chal chu dim dawih tak hian a han fawp zauh a.

Ni e, Tluangi hi Chawngpuii ai hian hmuh tham khawp in a tawi ve alh mai a. Mahse tawi chhe zawk zawk chu a ni bik lo.
Chawngi tana chal fawh nuam tawk lekin a tê mai a ni.
Chawngi lah pek chuan chu chu rem changah la in a chal chu fawh nuam a ti riau a, a fawh sak reng mai ni.

Chu mai bakah a chal a fawh sak hnu a Tluangi lai hmel mawlh chu ni hmuh nuam a ti chu.

Chutia Chawngpuii a han thlamuan zui takah leh Hmuaka ngei pawh a be zui dawn a ni tih a hriat chuan Tluangi pawh chu a thaw ve huai mai le.
Ti chuan inkai chiai chung chuan khua lam pan chuan an inzui ve leh ta nghal a.

Khua an thlen a an inthla fel hnu chuan Chawngpuii pawh chuan in lam a pan nghal vat a,
Alo beisei ruk ang ngeiin Hmuaka pawh chu an inah a lo țhu ve ta ran mai.
A thing phur te pawh indah vel nghal sawt sawt in a nu leh pa te pawh chu a han be ve nghal luam bawk a.