Chutia an in ho tam takah chuan an țawng pawh chu a kal tluang ve sâwt ta hle a.
Chala kha chu in tam ve thawkhat viau mahse han rui chhia em em chu a ni lo.
Rohmuaka ve thung erawh chu a thle bui bui reng tawh mai a,chutia a han rui chhe țan ta chu Chawngi darah chuan a lo tih țhin dan angin a lu chu a han nghat deuh ta tawp mai a,
Amah meuh pawn a lu chu rit a ti deuh ni tur a ni.
Chutia a lu a han dah chu Chala ngaihdan a ni vak lo nge ni,
Rohmuaka ban chu la in a lamah chuan a han pawt deuh dawr a.
Chawngi kha harh fim țha deuh chu ni nghe nghe se zawng Chala chet dan chu mak a ti ve khawp ang.
Mahse harh fim ta bik lo chu Chaltluangi nen chuan lam hote zawm tur chuan an inzui phei leh ta mai si a.
Kha tia an kal daih tâk si ah chuan Chala chuan Rohmuaka chu a han melh a,
Rohmuaka lah a rui chu a lo bu lâp lâp mai sia, a han nuih suk a,engtak chu a rilruah awm ang maw,
Rohmuaka hi chuan Chala lung hi chu a dum viau a ni e.
Chala țhianțha tak mai Zoțhuama pawh chu pai deuh chap chap chung chuan Chala leh Rohmuaka ding dunna lam chu rawn thleng ve in....nui hap hap chung chuan,
" Chala,kha I va la harh vang ve a....awhaw haw kan Rohmuaka pawh chu kha, a ding hlei thei meuh lo chu a ni kha".
A han tih chuan Chala chuan Rohmuaka chu a han melh a.
Alo in zolo deuh chu niin. Alo âwn nasa hman mai, a lo tlu lek lek chu niin.
Chala chuan a kawnga dawm vat chung chuan a awm nghen tirin a kuah ti tih chu a ni mai a.
Zoțhuam a pawh a lo meng phawk hman nasa hle.
Mahse a țhianpa hi chu a hrechiang ve tawk a,
Chala tana Rohmuaka hlut zia pawh chu amah bak hian an hriatsak lo nghe nghe a ni.
Ni e, an naupan deuh lai, Kum riat (8) vel an la ni ang tihah hian Chala hian Rohmuaka hi a ngaisang ru thei hle a.
A mize țha takte, a nun mawi tak si te..... I sawi duah lo mai teh ang,
Ngaihsan tlak hi chu a ni alawm le.
Rohmuaka retheihna leh nu leh pa a neih tawh lohna chuan Chala chu a tibuai pha lo ve khawp mai kan ti thei ang.
Zoțhuama hnena a sawi zin dan em em ah chuan a hriat theih mai awm e
A ngaihsan țanna han ngaihtuah dawn chuan,
Chala têt leh zual deuh lai, kum ruk (6) anih lai kan ti thei mai ang chu,
A leng chhuak tur chu ui kawlh hian seh tum in a veh ta mai a.
Rohmuaka, Chala aia kum khat (1) vel lek a upa, chuan lo hmu in ui kawlh chu eng tin tin maw chuan a hnawt bo thei hlauh mai a
Chala lam chu pan vatin hliam a neih leh neih lo te en sak thlapin a thlah ta thlap bawk a,
Ni e, naupan lai hi chuan englam pawh ni se
Min chhan tu tawh phawt chu kan ngaisang ve vek awm e.
Chuta chin ațang chuan Rohmuaka chu Chalthanga rilruah chuan a chambang lo thei lo a ni kan ti thei awm e.
Mahse,han ti mai teh ang, khatia Chala a rawn sei lena, a rilru te a han puitlin chhoh țan takah chuan Rohmuaka a ngaihsanna chu inngaihsanna pangai awzawng a nilo tih a rawn hrethiam chho țan a.
A awm khawp mai, han ngaihtuah chiang dawn ta ila.
Zawlbuk naupangho ten pasalțha te ramchhuak an zui te pawh hian Chala chu Rohmuaka bulah chuan a kal chak thei hle a,
Zoțhuama chuan a lo hriatthiam pui a ni ve tak ang Rohmuak bul an han hnaih deuh te hian Chala chu a han nam lui leh țhin a.
Rohmuaka pawh chuan Chala pawh chu lo be vat zelin Chala pawn nuam a ti thei khawp mai,
Chutih rual erawh chuan Chala lai ve nasa thei lutuk chu a duh ang pawn Rohmuaka chu be țha thei lo in a kal hrang leh nge nge țhin.
Zoțhuama hian fiam nan a hman sak ve leh ziah zui.
Nghal hi chu a nghal ve a ni.
Tin, kan hriat țheuh angin Chawngpuii hi Rohmuaka țhianțha neih chhun leh a kawm tak tak awm chhun a ni a.
An inkawm bik nasa hle bawk,
Chala lah ta pek chuan lungawi fahran lo tih hriat tak hian an infiam bik te chu a lo thlir leh vung vung zel a.
A len leh deuh hnu phei chuan Chawngpuii chu a lo thik țhin hle tih a inhre chhuak leh hnuhnawh a,
Chupawh Zoțhuama bawk chuan lo man thiam leh in, Chala'n Chawngpuii a thik țhin tih chu a thik tu ngei Chala bulah chuan a han sawifiah chawp leh țhin chu a ni mai sia,
Aw a va han hahthlak tak em, kan lalfapa hi chu a thikthu a chhe deuh hlek chu a ni e.
Chutiang chuan Chala chuan Rohmuaka chu lo ngaina chho zelin a rawn duh țan ta hle a. A mitmeng ațang pawh chuan a enchik tu tan phei chuan hai rual a ni lo.
Zan in hlimawm takah pawh hian hetia Chala awm dan leh chet dan hi kan hrethiam țan thei mai awm e.
Chala chuan Rohmuaka rui tle bâng bâng chu han kuah nghet deuh pah chuan Zoțhuama chu a han melh a,
"Țhiana, hei nanga pawh chu I rui hle mai si a, Zawlbuk lamah Rohmuaka nen hian kal ta mai ila.....Pawi I ti hran lo ang chu maw?".
Tiin Zoțhuama zu no tlak leh lai tak chu a zawt a.
Zoțhuama pawh chuan a rem tih thu leh chawlh hahdam a duh ve tawh thu in a lo chhang mai a.
Tichuan Chala chuan Rohmuaka ding țha vak thei tawh lo chu a kawnga vuan chung zel chuan a ban chu a nghawngah a han kuai a,
An hnung lawk a Zoțhuama pai deuh vut vut nen chuan Zawlbuk lam chu an pan ta chhât chhât a.
Kalkawngah te chuan Rohmuaka chu a inpal tlu palh ang tih hlau takin a fimkhur pui hle a,
Zoțhuama pawh lei charah chuan a han inbawh thlu leh zâk zâk țhin a.
Chutia Chala leh Rohmuaka inbuaipui lai chu lo thlir reng tu a awm a ni tih reng an hre der silo.
Zawlbuk an thlen chuan Rohmuaka chu luh puiin buan zawl rem laiah chuan a han mut a.
Zoțhuama bawhbel ațanga rawn lut zo chiah pawh chu mutna remah chuan a mut tir ve sawk sawk a.
Chutia Zoțhuama abuaipui zawhah chuan Rohmuaka lam chu pan lehin a bulah chuan a han țhu ta than mai a.
°•°•°•°•°•°•°•°•°•°•°•°•°•°•°•°•°•°•°•°•°•°•°•°
A/n : tih thleng kha ni leh phawt se
Ziah sual palh leh sentence awmze awmlo te pawh a awm a nih chuan min hrethiam hram mai dawn nia
YOU ARE READING
ECSTACY | BL | MIZO
Fanfiction" Mahse nang ni chu pasalțha ve ve in ni si a......pasalțha in a pasalțhat pui a nei thei dawn em ni?" °•°•°•°•°•°•°•°•°•°•°•°•°•° Pasalțha in a pasalțhat pui a duh tlat mai si a, Engtin nge an awm tak ang le? An in hmangaihna hian par a chhuah the...
