ECSTACY | BL | MIZO

CHAPTER - 15

Zing a lo nih chuan Liana te thian dun pawh chuan an lo in hmachhawp tawh ang in khua te chu an han bih chhiang deuh a , Mualchhuan khaw khan awm dan vel pawh an chhinchhiah ngal thlap mai a mahse chutih laiin Mualchhuan khua tlangval ho chu a hma ai khan an tam tlat a ni , an hmel hmuh ngai loh lah an tha hnem , mak an ti ang reng hle a , tih theih lah avang si.

Rilru nuam zan lo chuan ni chu an her liam ve chawt chu a ni ber , chutih rualin Zopui khua ho pawh tlangval sawm sarih (70) rual zet chuan Mualchhuan lam chu an rawn pan ve mek bawk a , an tha hnem deuh tak avang leh a hma a Chawia te lo awmna chu a him loh avangin a ai hla deuh hlekah awm hmun an khuar ta hlawm a.

Nau rilțam hun a nih chuan Zika pawh chu a ruk thei ang bera an khaw bihthlak atang a rawn paipawn chhuak lehin Mualchhuan khaw awmdan leh khan in nghah na lai vel te chu a han sawi dap dap a. Tin , Mualchhuan tlangval ho te zinglam ah an lo pun hluai dante chu a hrilh bawk.

Chala chuan lo hrethiam nghal vatin,
"Kan zuam sual ang tih a va hlauh awm ve aw , amaherawhchu , kan khua nula tiang ringawt a kal san zawng tih ngai a ni love , tin hetia ngampa taka kan khaw nula ngei an ruk hian kan khaw mite hi min tham lo hle tih a hriat a, thih leh thih kan ti a niang chu , zanah kan luh chhuah tan ang"
Khauh tak leh fiah tak chuan an ti chat chat a ,lal thisen kai zawng hai rual a ni lo. A awKa țang reng reng chuan thunei tu a nih a lang bik hle.

Zan alo nih a leng ho ar a lo khuan alh alh takah chuan Mualchhuan tlangval ho pawh chuan kham lo takin an nula rim run atang chuan Zawlbuk lam an pan hna hna hlawm a. Rei rial lo ah chuan mut zai an rel ta hlawm mai.
An mu chiang tawh ang tih vel lawkah an pasalțha Zakhawma chuan thawm hriat a nei tih hriat zet hian a rawn in perh tho thut a, tlangval ho pawh chuan chutia an pasalțha inperh tho thawm an hriat chuan rawn tho ve nghal in an rawn zawm ve nghal zat.

Chutia thawh tuma an han dah chhuah chuan leh , Zopui tlangval ho chuan an lo hual țhup tawh hi a lo ni. Hmuaka chu rawn țawng hmasa berin,
"A tu ber hi maw Zakhawma chu , rawn chhuak rawh le".
a han ti châm alh a , Zakhawma lah pasalțha ve tho ni ta fam chu a lo zam lo nasa , awm ti khauh vah hian a rawn pen chhuak a , chutah Hmuaka bawk chuan,
"Khawiah nge hmanni a in nula hruai kha in dah?".
An ti zawm nghal zat a. Zakhawma chuan tu khua nge an nih tih a hai ta bik lo.

Zakhawma chu an nui suk a Hmuaka chu melh kar chung chuan,
"Chu zawng ti nge amah in zawh mai loh".
Elhseh deuh tak chuan a han ti a , Chala'n chutiang a Hmuaka an han tawng khum chu a ngaithei lo nasa mai si,
In sum thei ta bik lo chuan,
"Chutia a nih a hnu , a harsa zawng leh nun hlauh tam zawngin ka ti a ni ang chu".
A ti chang ta fak mai , a aw chuan ngaihno bei na reng a nei lo. Hmuaka meuh pawh a țim sung sung thei hial a ni.

Chu veleh Zawlbuk bul vela in atang chuan tek kham phei a rawn per nghal zat. Zopui tlangval pakhat dar dinglamah chuan a tlum lut zuk mai a , pawi chu a khawi lo tih hriat tak hian a silai chu a lek kawi ve nghal zat a,Zopui tlangval ho lah nun chan zir reng reng a khawsa thin an nihna chu lo langin awm dan tur an hai mawlh lo , in phen na zawngin an darh nghal huk mai.

Chala chuan a bulah Hmuaka a awm lo a ni tih a hriat chuan a hlau thawng hle a , a piah an hawi chu leh Hmuaka leh Kapkima chu in si rial hian an lo tawm dun chu ni in.
An ral beih laite ai mah chuan a thil hmuh mawlh mai chuan a thisen a sausang tir zawk a ni ber.

A kawlhnam fawng chu nghet takin an hum a , Zothuama chuan a lo mit mei ve nghal vat a , nilo se zawng Chala chuan a thil tih lai pawh hrechiang lovin Hmuaka te lam chu a pan ngei ang le , enge a tih dawn lah hriat va ni suh , thil duhawm tak zawng a nih a rinawm hauh lo. Zopui tlangval ho in Chala hmel an han hmuh chuan Mualchhuan tlangval ho chu an leinat ru letling zawk hial a ni . Chala mitah chuan thinrimna bak hmuh tur a awm lo a ni ber , a hmai a dur khup nen , a thinbutut tawng baw tu nih chu a chak awm fahran lovang le.