ECSTACY | BL | MIZO

CHAPTER - 8

A/n : kan fast forward huk mai si a
Min lo hrethiam mai dawn nia

°•°•°•°•°•°•°•°•°•°•°•°•°•°•°•°•°•°•°•°•°•°•°•°

*Kum khat hnuah chuan*

Chutia Chala leh Hmuaka te an in zui reng takah chuan , mipui te pawh chuan Hmuaka an hmuh dante chu an thlak ve hret hret a , a hma a biak pawh be ngai lo khan an bia an bia ve ta mai a , tlangval ho pawh chuan an kawm tlangnel thiam hlawm khawm mai , nula rim turte chuan an sawm nasa thin a.

Amaherawhchu , Hmuaka hian a mi chhiat zia hi a hai bik si lo nen , tu nu leh pa mahin an Fanute an pe duh dawn lo tih chu thil chiang sa a ni si .

Vawi tam an sawm a, an tur țhin takah chuan a ni pawh chu a inthiam ta lo deuh nge ni , zankhat chu le Chawngi tih lova an khua nula a alo ngainat leh biak tlangnel ve thin deuh ber,
An tet lai a a mit lo la em em thin tu Ropuii chu rim tur chuan a chhuak ve ta rawi mai a.

Chutia a lenna in tur ah a va thlen chuan Ropuii chuan la hi a lo kaih mawlh mawlh a,inleng dang te pawh chu a be pah reng bawk a,
Ropuiin Hmuaka lo leng lut a hmuh chuan a lo chhawn vat a , thingpui te a han thlit sawk sawk a , a la chu a han kaih chhunzawm nghal a.

Hmuaka a hmuh a, a mit a lawmna leh hlimna chu thup tum eng ang mahse tlangval dang ho tan hai rual a ni lo. Hmuaka chuan a la kaih lai te chu hlum sak in, hlim takin an titi hlawm a.

Chutih rual erawh chuan a han len luh a Ropuii awm dan leh mitmeng lo danglam dan kha a hre ve kur mai,
Mahse engah a tlak duh ta lo a ni.

*Chala P.O.V*

Ka nula rim zo kan in ka lut chu ka nu leh pa chu tap bulah chuan an lo titi tui hle mai a ,
Eng ang pawhin nula rim hi duh loin Hmuaka in lam a kal chak hle thin mah I la , lalfapa mahni khua nula zinga lungdumtu pawh nei lo tiin mahni mai ni lo ka pa leh kan khua mite mawng chu hlim ang mai ka ni dawn si.

An bula țhu pah chuan thingpui ka nuin min rawn pek chu in pahin an thusawi lai kan ngaithla ve chu ka thin a khei kher mai.

"Hmuaka pawh tlangval ho bulah a tlaktlum tawh khawp saw , zanin pawh khan hei , thiannu Dingi-te ina ka kal tur nen kan in tawk a , a ni Ropuii rim tur lo ni rengin. A hnu a ka hriat leh dan chuan Ropuii pawh hian a duh hmel riau a ni , la te anin hlum sak a ni awm e , ka lawmpui tak tak a ni , an fel dun si a an in kawp rem khawp mai ".
Hlim hmel tak maia ka nu in a sawi chuan ka thin chu a phu rang kher mai , ka sa up up mai hian ka hria a , hetiang em em a mi thik hi ka nei ngai pawn ka hre lo.
Chawngpuii tak ngial pawh kha thik hle țhin mah ila Hmuaka ber hian a rim țhin ka hriat loh miau a vangin ka hrethiam thei deuh ani mai a.

Mahse tun țum zet zawng hetiang taka thin rim hian ka la awm ngai lo ,
" Ni e , Hmuka hi chu mițha tak a ni a sin , atan nupui hmuhte chu a har vak lo tawp ang , Dawnga (Ropuii pa) pawh sawn a duh hmel khawp kha ".
an ti chhiah chu Hmuaka hmuha zawh fiah ka chak kher mai , in hum ruh țeuh chung chuan ka mu ve ta a.

Atukah chuan Hmuaka leh Țhuama (Zoțhuama-Chlala thian tha tak) te nen chuan ram kan kal ho a Hmuka chu zawh duh viau mah ila ngawih ka chuh chu a ni der mai. Mahse a ruk a ka hriat loha nula a rim chuan ka thin chu na tak hian a khei tawp thei silo.

Tinge nula a rim thin tih chu min hrilh loh? , tinge ka awm reng lai in midang a va belh? , in nghahna tlakah min ngailo em ni ?.
Tih te chu ka in zawt nasa mai a .
Ni e, ka rilru ah a cham reng si a, ka ngaihtuah na chuan min hnem a hnekin ka rilru a tih hah belh mai zawk si.
Khua chu a lo tlai viau takah chuan ho zai kan rel ve ta a .

'Zanin zawng an duh ang ngawt chuan an awm lo tawp ang' tih rilru pu chung chuan thatho zet hian kan in lam chu ka pan ve ta a. Ka phur thar sawt mai le.

Ni e, an tum ang chuan ka awm tir hauh lo ang

*Hmuaka P.OV*

Ropuii-te in kan lut chhiah chu , ka meng phawk ngei mai , tap bulah chuan Chala chu țhuin , min chang emaw tih mai theih tur hian min lo melh kar mai , a mit ah chuan ka ngaih bel nge thinrim rukna a tel tlat hian ka hria,
Midang chuan hmu lo mahse kei chuan ka hmu thei tlat , kan awm dun zing vang nge ka tan chuan hriat a har lem lo.

Chala hi chu hrechiang in ti lo mah ila a mitmeng ațanga a rilru put hmang rawn lang țhin hi chu ka hmuh hmaih ngai lo miau a

Heti taka a mizia leh awmdan ka man thiam ta mai hi kum khat kan inkawm a kan inzui țhin a țang khan a chhan ka inman thiam der tawh si a. Mahse.......
Ngaituah lo zawk mai teh ang....

Liana leh Chawia-te chu ka ve melh a, ka nula rim atanga in kawm cho kan ni a , an fel dun khawp mai.
An ni chuan min lo ko a , an inkarah in zeh kan tum ngawt chu Chala chuan,
" Hmuaka ,he tah hian I țhutna ka lo hauh che , rawn phei rawh ".
Thu nei aw tak mai a arawn ti chu ka thian te pahnih pawh chuan mak an ti kher mai , amah chu ka va melh a,
a awka ațang leh mitmeng ling hlur ka va hmuh meuh chuan hnial chi a ni hauh tih ka hrethiam nghal mai a.
Ala nui lui sak zui, kher a chuan...

Zawi muang chuan ka va phei a ,a thutna min hual sak tia a sawi ka va thlen chuan Chala chuan ka banah vuanin min pawt țhu dawr a , a la thlah mai lo zui ,
A va han nuam lo em , nula ka rim ve tawh thu chu ka hrilh loh avangin a lungawi lo a ni tih chu mimawl tan lo chuan a hriat hle a ni .
Kei tak pawh ka inthiam lo hle mai , nidangah nula chungchang kan sawi ngai si lo nen Ropuii rim ka tum thu pawh ka sawi zui ta lo mai a, tin ka lo sawi theihnghilh ve țhin reng reng bawk a ni.

*3rd P.OV*

Chala chu tlangval dang ho chuan an huphurh ru hlom hle a ,
A ni lah tak a, tu nu leh pa in nge an lalfapa tan an fate phal lo teh lul ang ?.
Mahse an va hre lo tak em , chu an huphurh em em an lalfapa chuan an nula rim chu ni lovin a rim tu zing a mi Hmuaka chu a veng in , an inhnaih lutuk turte chu a dang a ni ber ang chu, midang chuan a thil tum chu hria se zawng atthlak an ti ve ngawt ang le.

A rawn rim ve țhin ațang chuan Hmuka pawn Ropuii la pawh chu a hlum sak thei ta lova ,
a chhan ber pawh chu, a hlum sak hmain Chala chuan chhuhsak zelin tlangval a hmuh hma sak sak bulah,
"Nangin han hlum sak rawh".
A tih khalh zel si, an in karah ațhu a inzep tlat bawk țhin bawk nen , an titi lah in a lo pawt chat zel si.

Chutia a tih zel țhin takah chuan Hmuaka pawhin Chala thiltum chu a man har lo khawp mai le,

Kum khat chhung khan alak a Chala rilru put hmang pawh kha a hre chhuak vat reng anih kha.
A hriat chhuah dan erawh chu kan la sawi ve țep turah ngai ila.

Tin, chu mai bakah Hmuaka pawh hian Chala hi țhian angin a la en em? Nge rilru dang a pu tawh zawk? Kan hre chawpchilh ve zel a ni ang chu.

°•°•°•°•°•°•°•°•°•°•°•°•°•°•°•°•°•°•°•°•°•°•°•°

A/n : cliffhanger hi chu a ngei awm ve khawp ani.

°•°•°•°•°•°•°•°•°•°•°•°•°•°•°•°•°•°•°•°•°•°•°•°