ECSTACY | BL | MIZO

CHAPTER - 9

Chutia a nula rimna a pianga Chala'n an zui zel takah chuan Hmuaka pawh chuan a kal chhan chu , Ropuii ni lovin amah a ni tih chu hre kar,
Mahse a hria tih chu lan chhuah tir a duh hlek lova.

Kar thum vel chutia an awm hnu chuan Hmuaka chuan an pahniha an ramkal lai chuan a rem chang bawk a tiin,
Ding deuh thut chung chuan Chala lam chu a hawi a, thawk han la deuh halh chung chuan,
" A..... Chala hei kan nula rim hi kar thum vel lai chu a lo thuhmun ta reng mai a , kei zawng ka lo kiang mai a nge" .
An han tih chuan Chala chu a meng rum kher mai . Ni e Hmuaka hian Ropuii a rim chhan chu hre mahse hria anga lang kha a duh tlat lo a ni.

"Engtia chutiang a han ngaihtuah leh sawi chhuak mai nge maw I nih chu le ".
Tih pah hian Chala chuan chik fê hian a han melh a ,Hmuaka chuan a en rei ngam lo ni ngei tur a ni Chala hnung a thingkung chu thil mawi ber emaw tih mai tur hian a melh reng mai a .

Ni e, Chala mit meng ling hlarh hi chu en rei a har in a hlauhawm ru phian si a ni.

Chutia Hmuaka'n a chhang dawn lo tih a hriat hnu chuan Chala pawh chuan kal zai a rel ta a , chumi ni chuan vawikhat mah an in be leh tawh lo chu a ni der mai .
Hmuaka chu a in a luh dawn pawh chuan hawi pawh a hawi let lova ,
Chala chuan en reng mahse hre lo derin, inthlah lem lo chuan a luh san ta daih a.
Ni e, a thil tih hi Chala tan țha tur a ni tlat , an lalfapa nun ti chhe tu nih chu a duh hauh lo .

A zanah chuan Chala chuan a nula rimna a Hmuaka lo lut tur chu a lo chang reng a mahse rawn luh tih a awm ta reng reng lo mai.
A lung chu a hnual deuh hlek ni tur a ni , midang zawng ai chuan a chhuak hma a , Zawlbuk pan mai ta lo chuan Hmuaka in lam chu han pan ding nghal vatin ,
A inkawt a thlen hma siin, a en reng lai chuan Hmuaka chu a lo chhuak a,

Chala chu thingkung phenah a per nawlh a Hmuaka Zawlbuk lam pan a kal chu a zui ru chu a ni ta der mai.
Hmuaka pawh Zawlbuk a bawh luh hnu lawk chuan Chala chu a lo bawk lut ve nghal mai bawka , an mit chu a han in melh zeuh a, Hmuaka chu hawi sawn pah chuan Chawia nen chuan an titi ta deih a .

Chala thin chuan a tuar leh ta pek lo ni ngei tur ani, lungawilo tih hriat tak mai hian an lam chu an pan chhur chhur ta mai le , Hmuaka chuan lo hmu vatin ,a mitmeng râng hlak mai a han hmuh rual chuan a thil tih tur chu a hre chiang khawp mai.

Ni e, kha mi kum khat liam ta, rei lo te chhung khan Chala thikthu chhiat dan kha a lo hre ve tawh miau si a,
Chala chuan a hmel hlemna leh hming hliauna tur a tih hma ngei chuan Hmuaka chu che chang vatin Chawia lam a tawlh deuh pah chuan Chala thinrim taka lo kal tan tan chu an bul a lo thlen chuan a pawt țhu deuh dawrh a .

Chala'n Hmuaka leh Chawia insi deuh chiai a an țhu ahan hmuh leh tak ngatah chuan a lung chu a la dam zan lo a ni ngei tur ani, rilru la dam lo tih hriat tak hian ding hluaiin a țhutna ah chuan Hmuaka chu pawt phei ta hrawk a, an in karah tak chuan a thu thur mai a le.

Chawia lah chuan an buai na chu lo hre hek lo
Midang lo be buai ve pah bawk nen thil thleng chu a lo hmu ve hauh lo mai bawk sia.
Chutia a țhiante a biak zawh chuan ,a bulah Hmuaka kha a la țhu reng emaw tiin kawm a rawn tum leh
Ava hawi thut chu Chala chuan nel awm loh fahran hian a lo melh kur mai a.

Chutia a hawi phei ruala Chala meng dur khup a han hmu thut mai chu,
A hrilh a hai si, a mit meng thip tak chu hlau tho bawk si nen a tih ngaihna a hre lo lutuk chu a nui lui deuh hak hak a.

Khawngaih thlak lam te pawh a pawl hial a ni.

Chawia hi Liana nen a in kawm ngaih tak mai,
Hnute hne tawp rual an nih ațang a in kawp chawt tawh hi an ni a
An fel mai bakah an pasaltha in an hawihhawm em em a , hei vang tak hi a ni ange Hmuaka pawh hian kawmnuam a tih bik em em ni.

Leng haw ar chu a rawn khuang al al hnuah chuan tlangval dang nula rim ho pawh chu Zawlbukah chuan an rawn lut khawm hak hak a , an mu ta chu a ni der , Chala leh Hmuaka pawh chu in si Chet hian an mu ve ta a.

Hmuaka'n Chala hetia a pumpelh tum mahse theih chiah si loh hi kar hnih vel lai chu a lo ni ve tawh ta reng mai,
Ni e , Chala hian a pumpelh loh nan hian hma a la nasa bawk em a ni ,
A ni thluak țha fahran, mi tlanglawn thluak ai a fing fe a ni miau a le.

Amah Hmuaka pawn han fin khalh tum eng ang țhin mahse Chala hi chu a khum thei ngang lo chu a nih ber hi le.

Țum khat pawh Chala chuan Hmuaka chu lawm atan sawm tumin a inlamah a kal ,

Mahse Hmuaka in kawngkhar lo in dokalh ( hmanlai in chu a kawng khar hi a sir zawngin an hawng thin a , chu chu thing tum lianve deuh hian an do mai thin ) reng tawh chu a hmuh chuan a lung ni lo hle mai a nih kha ,
Thil a ngaihtuah muk ani tih hriat tak hian an lo lam chu a pan ve ta hnak hnak a, Hmuaka hmuh a chak ve teh reng nen.

A tukah chuan leh ,varția ah hian Hmuaka a chuan a kawngkhar do zo chu kaițena a han chhuk tur chuan a in bula thingkung ngheng ngei mai a Chala lo ding leh reng mai a han hmuh chuan a phu deuh zawk a , an hawi kual țhin,
Mahse a tan tlanchhiat a rem bawk si lo nen , lu kun chung chuan Chala lam a han pan a , Chala lah chuan a tlan mai a hlau chu a kutah lo man chawt in an lo lam chu a pan pui ta deih a.

Ni e, Hmuaka hian Chala hi pumpelh a tum pauh leh a hlawhchham let der țhin tiin sawi i la kan sawi sual kher lo ang.

Rilru kawm melh melh chung chuan an mutna hmunah chuan muhil thei silo in an meng duh ta reng a.

Chutih rualin Chawngi leh Tluangi pawh an inkar dinhmun chu tu ma hriat pui siloh hian a nghet ru phian tawh mai a.

A ni lah takah, Chawngpuii chu Chaltluangi te in a leng tur a insawi si hian an lo inrim ru ve reng tih chu tuman an hre miau lo a
Hriat theih turin awm ngai hek lo.

An ni pahnih pawh hi kum khat kal ta chhung khan an inkar ah induh na thuk tak a lo piang ve ta reng mai le. Inthup reng ngai chu a chang chuan hrehawn ti ve țhin hle mahse an inhmuh a an awm dun theih chhung chu an mahni tawk chuan an hlim a ni mai.

Midangte hmuhah chuan țhianțha tak, inzui reng thin hi an ang ber a
Mahse chutiang mai a ni lo tih chu nang leh kei hian kan hrechiang khawpin a rinawm.

Chawngpuii pawh chuan Tluangi nen a an chanchin chu Hmuaka hrilh han duh ve teh mahse Hmuaka ber lah hi ama buai hian a buai ve phian bawk nen, a chhan pawh kan ring thiam mai ang chu maw...
Hrilh ta bik lo chuan a inthup ve ta reng mai a ni.

Tu hriat pui loh hian an huan feh lai te hian inthlahlel tak chungin thlam ah an țhu ve vawng vawng thin a,
Ni e, hna thawh lai hun hi an mahni chauha midang mit mei veng lo a an awmdun theih hun kha ani miau a.
In lama tih rem lo, inkuah leh inkaih chu ti theiin nuam an ti ve em em a ni.

Mahse hmeichhia ve ve ni ta fam chu zan lamah rimtu an nei ve reng lo thei lo a.
Chawngpuii pawn U ang mai a alo en Hmuaka thu rawn angin amah rim a lo leng lut te pawh hi a lo be sawm ve vat thei ta a, Tluangi ber hi a ni ta mai buaithlak chu, inleng te biak a lo buai pui chu khawi lam,
Thil dang a tih dan daih loh leh a lo mut san hmiah hmiah zel mai si

Anu leh pa te pawn zilh ve viau mahse a u Chala ang maia lunglian ta nafam chu tih ngaihna an hre tawh bik lo chu a ni ta der.
A u Chala lah chuan zilh ve a hnekin amah zawk hi zilh ngaiin Hmuaka hnung a zui chawt mai bawk si

An nu leh pa te tih ngaihna hre lo pawh an nuih tâk tawp mai kha

An țhianho a kawppui nei lo ta ber chu Chala țhian kawm ber thin Zoțhuama chiah a ni ta.
Mahse a tan kawppui tur țha tak a rawn lang ve dawn ani tih hria se zawng a lawm ve viau awm e.

°•°•°•°•°•°•°•°•°•°•°•°•°•°•°•°•°•°•°•°•°•°•°•°

A/n : Chala nau Chaltluangi hi Tluangi' tih hlir a ziah kan tum tawh avangin min lo hriat sak ve dawn nia