باقي الطريق كان عادي..وصلنا الجبل زي الساعة 12 كدا..
طبعا محمد سايق لحدي هناك..بدو ينزلو..
محمد نزل ولفا جا فتح لي الباب وشال شنطتي بتاعة الضهر..
ناديتو:محمد
اتلفت وجا خطوة علي..بقيت ملصقة مع العربية وهو قريب مني
سألتو:ح نقعد وين؟!
محمد:اجرنا بيت
رفعتا حواجبي الاتنين وبعلتا ريقي بخووف
ختا يدو في كتفي وقال لي:م تخافي..انا معاك
قلبي بدا يدق..كدا يداب خوفني
زحيت خطوة عشان انزل يدو من كتفي وحركتا ليهو راسي نظام طيب..
مرر يدو من كتفي لحدي كف يدي ومسكني
وقال:نمشي؟!
حركتا ليهو راسي نظام اي..مشينا علي باب البيت وانا مع كل خطوة قلبي بضرب..دا شنو العملتو في نفسي دا؟! ح اقعد 3 في بيت م بعرفو مع ناس م بعرفهم..ناس مدمنييين..سحر كلامها صح..
عاينتا لمحمد..عادة المفروض وجودو يطمني..بس بعد كلام خالد ومسكتو هسي لي دي خوفتني..
طبعا البيت بسيييط..فيهو غرفتين ومطبخ وفي قطية كدا شكل راكوبة..والحمامات في نهاية الحوش..
نان قعدت في الراكوبة وهي بتقول:بيت حضران لكين
مؤمن ضحك:اجرتو انا كيف م يكون حضران؟!
محمد قال ليهو:هوي انا سامعاك
مؤمن عاين ليهو وضحك:ما انا وانت واحد ولا كيف؟!
محمد:لا..قايل نفسك مأب؟!
ديل ضحكو
مؤمن كورك:لي الله..هوي البحر قرييب بقوم بغرق نفسي والله
نان ضربتو وهي بتضحك
ابتسمتا..شكلها بتريييدو يخ..هو زاتو بالجد يتراد..شافع بس..
اسيا طبعا كان تعبانة شديد وشكلها مصدعة لأنو خالد دخلها جوة وجا شال حبوب كدا من شنطة محمد ودخل ليها..
احمد راقد وبعاين لي نان..ونان ومؤمن قاعدين في سرير وانا ومحمد قاعدين في سرير..
مؤمن:ح ناكل ولا ننتظر اسيا تصحا؟!
احمد:انتو جعانين؟!
مؤمن:انا عن نفسي جعان
نان:وانا برضو
محمد عاين لي:انتي جعانة؟!
حركتا ليهو راسي نظام لا لا..بالجد م كنتا جعانة + حاسة بي طماام كدا عارفين احساس تكونو خايفيين من حاجة لمن نفسكم مسدودة؟!..
