م نمتا لحدي الصباح..تاني يوم قمتا جهزتا وكدا ومشيت الجامعة..م لاقيت محمد قبل الامتحان..
دخلتا امتحنتا وطبعا م فهمتا شي للامتحان لأني م قارية..
طلعتا من الامتحان وفطرتا وكدا..عاينتا لي تلفوني..م لقيت مكالمة من محمد..اتنهدتا وطلعتا علي البيت..لأنو ممتحنين بكرة طوالي..التلاتة امتحانات الاوائل ديل م عندنا قاب..
اول ما وصلتا البيت نمتتتا..لأني امبارح مساهرة..
صحيت المغرب جرري علي التلفون متوقعة القى مكالمة من محمد بس م لقيت..
صليت واكلتا وكدا وبديت اقرا وانا خاتة التلفون جنبي متوقعة في اي لحظة محمد يدق لي...
مرت ساعة واتنين وتلاتة وهو م دقا..لحدي الساعة 12 كدا قفلتا شيتاتي وختيت تلفوني في الشاحن ورقدتا...
في الجهة التانية..
في البلكونة..
عاين ليها وهي بتمسح تحت نخرتها بي سبابتها..
قال ليها:اها اعمل شنو؟!
عاينت ليهو:ولاا شي
سكت وم ردا ليها
نان:بتقدر تخليها كلو كلو؟!
حرك ليها راسو نظام لا لا
نان:طيب اتعامل معاها عاادي بس حاول انها م تعرف اي تفصيلة عنك
عاين ليها كدااا:صعبة
نان:م صعبة ي جوو..ياما في اولاد مربطين وحبيباتهم م بعرفو عنهم شي
اتنهد وم ردا ليها..
وهي رجعت تستنشق البدرة الخاتها في ضهر يدها..
انا بي جاي غلبني النوم😪😪 افكر طول الليل..لحدي اذان الصبح قمتا اتوضيت صليت ودعيت ربنا يطمني ويربط علي قلبي ويهدى محمد وكدا..
وقمتا نمتا ساعة بس سحر صحتني..جهزنا وطلعنا..
وبرضو زي امبارح..م لاقيت محمد ولا اتصل ولا منو خبر..
بعد الامتحان كان عندنا شرح لي مادة الامتحان البعدو..
شرحنا وكدا لحدي الساعة 2..
لمن جيت طالعة لقيت عربيتو وااقفة برا..معناها جا الجامعة..اتنهدتا ومشيت..
تاني يوم كان قاب..برضو عديتو كلو اعاين في التلفون..
التلاتة امتحانات البعدها عدت كدا اجي امتحن وم الاقي محمد ولا يدق لي..
يوم الامتحان القبل قبل الاخير..
لاقيتو وانا طالعة من الكافتريا..قلبي بقى ينطط رمشتا مرتين ورا بعض..اتوقعتو يتكلم بس هو عاين لي مساااافة ومشا..مشيت وانا موووجعة علي حالتو د م محمد الانا بعرفو..ملامحو بهتت ولمعة عيونو ديك بقت ماف😪💔
عدا اليوم عاادي ورجعتا البيت..
مساءً..
واقفة في المطبخ وماسكة تلفوني..
فكرتا ادق ليهو لأنو م فضل لينا كتير..كلها يومين وتاني م ح اشوفو تاني اتراجعتا..ليه ادق انا؟!..
اثناء ما بفكر كدا تلفوني دقا..رفعتو وكان هو..قربتا انطط..ابتسمتا وبقيت اعاين للتلفون كدااا..
رديت بعد مساافة ب:محمد
قال لي:انزلي لي تحت
ابتسامتي اختفت:هسي؟!
سكت وم ردا..
عاينتا للساعة في تلفوني لقيتها 8:15م..اووفف ح انزل كيف عمو لسه م جا وممكن يجي في اي وقت
قلتا ليهو:محمد صعب انزل ليك
محمد:اطلع ليك انا؟!
قلتا ليهو:لا لا لا طيب اديني ربع ساعة كدا
محمد:5 دقايق بس
انا:محمممدد
م ردا لي وقفل الخط..هوي د مالو بقى كعب كدا..ولا احتمال اصلا كعب بس انا م عرفتو..
جريت جري لي سحر قلتا ليها:انا نازلة لي محمد ولو زول سألك قولي ليهو مشت الدكان
سحر هاجت:محمد شنو تنزلي ليهو الساعة 8 ي بت انتي جنيتي؟!
ابتسمتا بي سخرية..هه هي م عارفاني نزلتا ليهو 3 ونص صباحا..
قلتا ليها:سحووور م ناقصاك انا
سحر:غبية..اسرعي طيب
انا بلبس في عبايتي:طيب طيب
خليت العباية مفتووحة ونزلتا..لقيتو موقف عربيتو بعيد شوية من البيت وبالجنبة كدا..حمدلله المرة دي شكلو هادي شوية..
مشيت ركبتا..
اول ما ركبتا جراني حضني..بقيت اعاين للسقف وم عارفة اسوى شنو..بقيت اخاف منو والله..
محمد حضني قووي:اشتقتا ليك
قلتا ليهو:وانا برضو
فكاني وبقى يعاين لي..
قلتا ليهو:تقاطعني 6 يوم عشان انا اخت فهد؟! ذنبي شنو انا؟!
محمد:م ذنبك شي..انا الم عارف اتصرف كيف مع الموضوع
قلتا ليهو:لو م واثق فيني..ممكن نخلي بعض
عاين لي سررريع:لا د م حل
ابتسمتا ونزلتا راسي..
محمد:م حنك انسينا من الموضوع شغالة الامتحانات كيف؟!
انا:حمدلله..انت كيف؟!
مسك يدي بي يدينو الاتنين:مشتاق ليك بس
ابتسمتا وبقيت اعاين ليهو..
محمد عاين لي في عيوني مساااااافة:مأب م تخذليني
كلمة م تخذليني دي طعتني في قلبي..
حركتا ليهو راسي نظام طيب وجريت يدي منو..
وانا بقول:لازم انزل بعد د
محمد:طيب
عاينتا ليهو مسااافة ونزلتا..وهو مشا..عارفاهو م عارف يعمل شنو لا قادر يبعد عني عديل ولا قادر يقرب وانا م قادرة اكذب وامثل اكتر من كدا خلاااص..دموعي بتفضحني بعد د..
