تاني يوم صحيت بي حركة زول بجر في المخدة..فتحتا لقيتو محمد..صريت ليهو وشي..ابتسم
وقال لي:صباحوو ي جميل
قعدتا علي حيلي وانا ببتسم
وقلتا ليهو:يسعد صباحك
محمد:اها نمتي كويس؟!
حركتا ليهو راسي نظام اي وانا بقوم من السرير..رجع لورا
وقال لي:اجهزي عشان طالعين البحر
عاينتا ليهو:بحر من هسي؟!
محمد:اي..دار نصتاد وزي الوقت دا الموية بتكون راايقة
قلتا ليهو:تمام
محمد وهو بمشي علي الباب:راجينك برا
قلتا ليهو:طييييييب
فعلا مشيت صليت واتجهزتا..
لبستا بنطلون جينز ارزق فااتح وبلوزة سودا سادة اكمامها طواال والحجل طبعا وكفيت البنطلون ومعاهو شبشب قطع لونو اسود وشعري مسكتو بالمشبك..طلعتا لقيتهم كلهم في العريشة..
مؤمن صففر:اموووووووت في القوام الفرنسي
ضحكتا وقلتا ليهو:بتتددقاا
كلهم ضحكو
مؤمن عاين لمحمد:اوعا تفتكر اني بشاغلا لا سمح الله..انا بس بوريها انها حلوة وكدا
محمد:ي زووول؟!
كلهم ضحكو..
نان كانت لابسة بلوزة سودا برضو لكين بنطلونها ابيض..واسيا اصلا بتلبس الجيب شورت الوااسع دا..
بدو يطلعو..
محمد وقف بعييد مني وقال لي:نمشي؟!
عاينتا ليهو كداا..امبارح لمن قال لي نمشي دي كان واقف جنبي وماسك يدي..هسي مالو واقف بعيد..تاني اتذكرتا انو لمن صحاني كان بجر المخدة يعني م هبشني وبرضو وقف بعييد واتكلم معاي..
رفعتا ليهو حاجبي وقلتا:ومالك قال واقف بعيد كدا؟!
مؤمن كان في العريشة بشيل في حاجات الصيد وديل طلعو..
محمد قال لي:عشان في زول امبارح كان كاشي مني
مشيت عليهو خطوة وقلتا ليهو:م كاشة..قلتا ليك م متعودة بس
محمد:م فرقت
قلتا ليهو:فرقت..كاشة منك معناها م عايزاك تقرب مني وم متعودة يعني..رفعتا عيوني للسما وانا بفتش في كلمة توصل فهمي ليهو..
قلتا:يعني م ممانعة لكين م متعودة علي الوضع
ابتسم لمن فهم اني م بتضايق لمن يقرب مني..
جا علي خطوة وقال:وهسي اتعودتي علي الوضع ولا لسه؟!
قلتا ليهو:مدري
