يوم الجمعة صحيت متأخرة..اتوضيت صليت ونزلتا تحت لقيت ابوي وسحر داقيين الونسة..
قلتا ليها:سحرر هوي مالك بتخلطي ابوي..هسي انا قعد اخلط ابوك؟!
ضحكت:ابوي لو لميتي فيهو اخلطيهو طوالي
ضحكنا وقعدتا معاهم..شوية كدا وريتا ختت الفطور ونادت فهد..
فطرنا وكدا وبابا طلع ينوم شوية قبل الصلاة..
انا طوالي قلتا اطلع فوق مف داعي اتغزا بين فهد وسحر بس
فهد:مأب
اتلفتا عاينت ليهو..
فهد:تعالي اقعدي هنا
عاينتا مساافة..كأن مؤشر لي علي جنبو
مشيت قعدتا..
قلتا ليهو:اهاا
فهد عاين لي سحر بعداك قال لي:انا لمن رسلتك لي جوو وشلتو رسلتك لأني وثقتا فيك واعتبرتك زولة كبيرة وواعية..ولمن ضربتك ضربتك لأنك خنتي الثقة دي..واصلا دي اقلا ردة فعل لي واحد عرف انو اختو طالعة رحلة مع شلة مدمنين
عاينتا ليهو مسااافة
فهد:م ضربتك عبث..ضربتك من خوفي عليك وعتبي عليك
اتنهدتا وقلتا ليهو:انا اصلا طالعة معاهم عشانك وعشان تقدر تقبضهم بالجرم المشهود
فهد:اي عارف كدا..بس ما كان احسن تكلميني؟!
انا:متأكدة كنتا ح ترفض ي فهد
فهد:واحتمال م ارفض..ي مأب انا مستعد اخاطر بي ايا حاجة في سبيل اني اقبض محمد الفاضل واشوفو مجدوع في السجن زي الكلب
قلبي دقا..وملامحي اتغيرت..م اتحملتا كلامو عن محمد دا..
قلتا ليهو:انت مشكلتك معاهو شنو ي فهد؟!
فهد:مشكلتي مع غرورو وعدم مسؤليتو..القدرو شايلين شهاداتهم وماسكين شركات
انا:طيب احتمال حصلت ليهو ظروف خليتو كدا
فهد:م حصلت ليهو اياا ظروف..الود دا انا بعرفو من بدري..جنو مشاكل وعامل فيها خلااص ي دنيا مفيك الا انا
بعلتا ريقي..
فهد:والزياد عنادو وغطرستو اسم ابوهو دا..يخ المفروض لو الواحد فتح عيونو لقى نفسو عندو اسم زي دا وواسطات قدر دي يستغلها في حاجة مفيدة مش في الرمتلة وقلة الادب..عندو حاجات تلت ارباع شباب البلد دي ما لاقينها وبعد دا خارب البلد هو
عاينتا لي فهد مسااافة..مالو شايل من محمد كدا؟!
فهد:يخ مهما حكيت ليك م ح اقدر اوصل ليك كمية استهتارو وعدم مسؤليتو..بعدين م المفروض تعرفي معلومات زي دي عنو عشان ح تكرهيهو ودا م ح يكون في صالحك في الخطة
بعلتا ريقي..اكرهو؟!..هو انا بقدر اكرهو؟!..احتمال الناس ظالمنو وم بعرفوهو من قريب عشان كدا حاكمين عليهو بي الاستهتار وعدم المسؤلية او يمكن انا منحازة ليهو عشان بحبو..م عارفة..بس الشي الوحيد العارفاهو اني واقفة في صفو..لو ظالم او مظلوم انا معاهو..
فهد:المهم فكينا منو
عاينتا ليهو
فهد:سووري يخ
ابتسمتا ليهو..كدا اعتذر خلاص؟!
قلتا ليهو:انا زاتي سووري م المفروض اطول لساني
فهد:خشي حضن
ضحكتا وانا بحضنو..يخ الاخ الكبير دا قطعة من حنان الاب😪
فهد باس راسي مسااافة..
وقال:يلا بالمناسبة دي لازم نتطلع نتغدا برا
اتلفت علي سحر:ولا م كدا ي بيب
سحر ابتسمت ليهو
ضحكتا:اش اش اش..في تطورات من وراي
فهد ضحك
قلتا ليهو:م نفسك تحكي لي التفاصيل؟!
سحر ضحكت
فهد:جهزو نفسكم اصلي واجي اسوقكم..والتفاصيل في العربية
ضحكتا واتعلقتا في رقبتو:فدييييييت الحنييييين
ضحك:يلا فكيني عشان الحق الصلاة
وقام وهو بضحك..
عاينتا لي سحر:بيييب قال ليك
ضحكت:عويرة دي
ضحكتا وطلعتا معاها فوق..
