ديل بقو يتونسو وانا قاعدة وبعاين ليهم..ومحمد اصلا كلامو قليل..
مؤمن:شنو يا نااانوو ياا
نان: اها خير عايز شنو؟!
مؤمن ضحك: تعجبييني لمن تفهميني..المهم القعدة دى ناقصة جبنة زاابطة كدا..وطبعا مف غيرك بزبطها لينا..
نان فكت يدها من احمد ووقفت وهي بتقول لي مؤمن:خلاص قايمة..افصل نفسك
مؤمن ضحك:كويس ي نان نتفاهم بعد تجيبي الجبنة
وقفتا:دقيقة اجي معاك
نان:طيب
ومشينا علي المطبخ..طبعا لو طلعتا تلفوني طوالي ح تكون ظااهرة اني جيت عشان اعمل حاجة..بقيت اعاين لي نان وهي بتخت الجبنة في النار..
عاينت لي وقالت:اكلي حاجة
قلتا ليها:م نفسي والله
عاينت لي ورجعت تصوط الجبنة..بعد مساافة قالت لي:مالكم انتي ومحمد؟!
استغربتا طبعا..قلتا ليها: مالنا؟!
نان:الصباح رسلني اصحيك ومن ما جيتي م اتكلم معاك..متشاكلين؟!
اتنهدتا وانا بحرك راسي نظام اي
نان وهي بتطلع في الكبابي:ليه مالكم؟!
رفعتا راسي للسقف عشان افكر في موضوع اقول ليها اتشاكلنا فيهو
نان:محتاج تفكير للدرجة دى؟!
عاينتا ليها:م كدا..بس بحاول القى كلمة توصف سبب الشكلة
نان: اهاا
انا: سوء تفهام
نان:ومحمد كورك فيك صح؟!
جوة نفسي قلتا ليها ي ريييت
قلتا ليها: تؤ..انا الهجتا فيهو
نان رفعت حواجبها باستغراب وقالت:وهو سكت ليك
حركتا راسي نظام اي
نان: غريبة..لكين حاولي م تكرريها
تلفوني هززا..رفعتو لقيتها سحر
قلتا لي نان: دي بت عمي..ثواني
نان حركت لي راسها وهي بترص الكبابي في الصينية
اول ما رديت
سحر: مأب الحققيييي..فهد عرف انك طلعتي مع ناس جوو وهسي شكلو جاي يجيبك
طيرتا عيوني بي خلعة: شنوووو؟!
نان عاينت لي..
ابتسمتا بالغصب وقلتا لي سحر: عليييك الله؟!..متين الكلام دا؟!
سحر:م عارفة قبل شوية كان هنا وهاايج شديد ع فكرة
بعلتا ريقي وانا بعاين لي نان بتشيل الصينية
نان:ارح عشان جبنتك م تبرد
حركتا ليها راسي بمعني جاية جاية
اول ما طلعت
قلتا لي سحر: سسسجججججم ي سحر والوراهو شنو؟!
سحر: م عارفة ي مأب م عارفة
انا: سجمى ي سحر..ح يجيني يعني؟!
سحر:م عارفة والله غايتو قال لي نتفاهم لمن اجيب مأب واجي هنا
بعلتا ريقي وانا الدموع بدت تتجمع في عيوني..
سخر سكتت مسااافة بعدها قالت:دقيقة..فهد شكلو م عارفك في الجبل لأنو م جاب سيرة الجبل
ارتحتا شوية كدا وقلتا ليها:بس اوعاا توريهو انا وين وانا بحاول ارجع خلال اليوم دا
سحر:فهد فاير شديد ي مأب..م ظنيت اقدر ادس منو مدة طويلة
انا:م مدة طويلة انا بحاول ارجع الليلة
سحر:تمام
مأب:طيب ي سحر..يلا
سحر: يلاا
قفلتا منها وانا جسمي كلو جارى مووية وقلبي بضرب..فهد لو لحقني هنا احتمال يحصل قتل وضرب عدييل..
اتنهدتا وطلعتا ليهم..محمد بعاين لي لمن جيت قعدتا..
نان مدت لي الجبنة:بردت
شلتها منها وبقت اشرب فيها وانا سااكتة..ح اعمل شنو؟! واقول ليهم شنو عشان نرجع الليلة؟!..
في الخرطووم..
في القسم..
خاتي التلفون في اضانو وبمشي وبجي..واشرف قاعد بعاين ليهو..
فهد: الوو ي سحر
سحر: ايوة ي فهد
فهد: مأب وين هسى؟!
سحر:م عارفة انا
فهد كورك: سحرر م تجنيني..مأب مشت وين؟!
سحر: م عارفاها ي فعد م ورتني ماشين وين
اشرف اشر ليهو نظام اقفل التلفون
فهد: تمام ي سحر..حسابنا لمن نتلاقا
وقفل الخط..
فهد لي اشرف: اهاا
اشرف:فهد اولا اهدا عشان بي عصبيتك دي ح تروح العملناهو كلو..وبطل تدق لي مأب لأنو ح يكشوفها والخطر عليها ح يكون اكتر.. واصلا في كل الحالات الوينكد خلص وع الاغلب ح يرجعو المسا
فهد كورك: وانا ح استناهم لي المسا؟!
اشرف: م عندك خل غير كدا..اولا لي سلامة مأب وتانيا عشان الخطة تمشي زي ما مخططين ليها..وبعدين صدقني مأب ح تكون مشت عشان تجمع معلومات اكتر منهم
فهد عاين ليهو مسااااافة بعدها كوو ضرب المكتب بي رجلو..
في جهتي انا..
قلتا ليهم ارح نرجع الليلة واسيا ايدتني لأنها تعبت وكدا..خالد طبعا بس عشان يعارضني قال نقعد لي بكرة ومؤمن واحمد ونان قالو م عندهم مشكلة نرجع..
محمد م ادانا اي اقوال طلع وجا بدا يلملم في الحاجات..
بعد ساعتين كدا طلعنا..
الساعة كانت 4 وحاجة..
اول ما ركبنا رسلتا لي سحر
"سحر انا اتحركتا من الجبل..انتي الجو عندك كيف؟!"
ردت لي سرييع
"كويس انكم اتحركتو..فهد جبييل دقا سألني من مكانك وقلتا لي م عارفة لكين م صدقني وشكلو ح يجيني تاني بعد الشغل"
رسلتا ليها
"لحدي بعد شغلو انا بكون وصلتا"
رفعتا راسي لمن
سمعتا مؤمن بقول لي: في شنو؟!
عاينتا ليهو بي خلعة قايلاهو شاف الرسايل
مؤمن: بتتكلمي مع منو؟!
رمشتا مرتين ورا بعض.. معقول يكون حسا اني بتكلم مع سحر الهو بحبها؟!
قلتا ليهو: ولا زول.. بقلب في التلفون بس
مؤمن: امممم..شكلك متنشنة من الصباح
عاينتا لمحمد بعاين لينا بالمراية كأنو راجي الرد
قلتا لي مؤمن: م متشنة..مصدعة شوية بس
مؤمن: بت ميكي..م بتستحملي السفارى
ابتسمتا ليهو وم رديت..
محمد سايق واحمد جنبو وانا ومؤمن ونان وراهم وورا اسيا وخالد
في الخرطوم..
بعد المغرب..
سحر قاعدة جنب امهاوانا خاتة التلفون قدامها..
سمعت فهد بقول: سلام عليكم
بعلت ريقها وعاينت ليهو..
ام سحر: اهليين ي ولدي..اتفضل
فهد: يزيد فضلك ي خالتي..جاي مستعجل عشان اسوق سحر اوديها لي مأب في بيتنا
سحر قلبها بقى يضرب..
سألتو:هي مأب جات؟!
عاين ليها: لا لا..قررببت
عاين لي ام سحر وقال: وح تنزل في بيتنا هناك وقالت عشان م تنوم براها يجيبو ليها سحر
ام سخر ضحكت: غايتو البنات ديل
فهد عاين لي سحر: ارح اطلعي
بعلت ريقها وهي شايفة نظرة الغضب في عيونو
قالت ليهو: اجيب عبايتي واجي
وفت فت فت جرت لي فوق لبست عبايتها وهي يدينها برجفو..الليلة فهد بفرمهم هي ومأب
نزلت لقتو ماف سألت امها قالت ليها شال تلفونك وطلع العربية
بعلت ريقها وطلعت وراهو..
لقتو واقف جنب العربية
قالت ليهو: فهد انا..
فتح ليها الباب وقال: اركبي بس
ركبت وهي بتدعي انو عمها سيف الدين يكون في البيت عشان فهد م يستفرد بيهم هي ومأب..
م فتح خمشو معاها لحدي ما وصلو..
نزلت لقت عربية عمها ماف..سجمها الليلة..
دخلت وهو دخل وراها..لقت ريتا جات طالعة من المطبخ عشان تشوف الجا منو
ابتسمت وجاية تسلم عليها كدا
فهد كورك: ريتا امشي شوفي شغلك بي وين
ريتا اتخلعت ودخلت المطبخ..
فهد قعد في الكرسي وقال لي سحر: تعالي اقعدي هنا
قعدت في التربيزة قدامو زي ما قال ليها..
قال ليها:مأب وين؟!
قالت ليهو:معارفاها
فهد: سحر
سحر: هاا
فهد:مأب وين؟!
بعلت ريقها: م عارفاها هي م ورتني
فهد: مأب وووييين؟!
سحر خلااص بدت تهبط
قالت: فهد هي م ورتني
فهد نزل راسو مساااااافة..
سحر دار تبكي
فهد مدا ليها تلفونها..
وقال: دقي ليها
سحر مسكت التلفون ختت اصبعها محل البصمة ابت تفتح لأنها معرررقة..مسحتو في عبايتها وختتو تاني..دقت لي وختتو في اضانها..مساااافة بعدها قالت لي فهد:م بترد
فهد:دقي وافتحي الاسبيكر
دقت وفتحت الاسبيكر..
