ခိုင် [ Khaing ]

{ဖော်ပြခြင်းမခံရသောအတိတ်တချို့ပေါင်းချုပ်}

" ကိုကို ၊ ဒီကလေးက ဘယ်သူလေးလည်း။"

" ကို့ညီရဲ့ သားလေးလေ ။ "

" ဘယ်လို ၊ ကိုကို့ညီက လူပျိုမဟုတ်ဘူးလား ၊ ကလေးက ဘယ်လိုဖြစ်ပြီး။ "

" ဟုတ်တယ် ၊ မတော်တဆသိလိုက်ရတာ။ သူတို့နှစ်ယောက်လုံးက မလိုချင်ကြဘူး ၊ သိတဲ့အချိန်လွန်သွားတော့ မွေးပြီးမှစွန့်ပစ်ဖို့လုပ်‌နေကြတာ‌လေ။ "

" မိဘမေတ္တာဆိုတာ သူတို့အတွက်မရှိဘူးထင်ပါရဲ့ ။ ကို ဘာမှစိတ်မပူနဲ့ ကျွန်မရဲ့သားအရင်းလေးလို စောင့်ရှောက်ပေးမယ် ။ ခိုင်လေးလည်း အဖော်ရတာပေါ့။"

" မေမေး!"

" ဟာ ခိုင်! နိုးပြီးလား အသည်းလေး။"

" ဟုတ်! "

" ဒါရေးက ဘာရေးရဲ၊"

ကိုကို့လက်ထဲက နီတာရဲလေးကို လက်ညိုးထိုးပြပြီး အသည်းယားသလိုလုပ်ကာ မေးသည်။

" သားညီလေးလေ၊ ညီလေးကို အနိုင်မကျင့်ရဘူး ၊ တူတူဆော့ပေးရမယ်နော်။"

" ဟုတ်! "

🔗🔗🔗

"မေမေရေးးး "

" ဟာ! မူကြိုကျောင်းသားကြီး ပြန်လာပြီလား ၊ ကိုကို အိမ်ထဲမှာကိုကို့ညီ ရောက်နေတယ်။ "

ကလေးကြိုပြီးပြန်လာတဲ့ ခင်ပွန်းသည်က ညီဆိုတဲ့စကားသံကြောင့် မျက်မှောင်များတွန့်ချိုးလာသည်။

" ကလေးကိုခေါ်ပြီး အိမ်ပေါ်တက်တော့။"

" နေပါဦး ၊ ကိုကြီးရာ ဒီကောင့်မျက်နှာ ကြည့်ပါရစေဦး။"

အိမ်ပေါ်တက်ရန်မှာတုန်းရှိသေး ထွက်ပေါ်လာတဲ့စကားသံကြောင့် ပိုစိတ်ရှုပ်လာသည် ။ ကလေးငယ်ကတော့ စိတ်ညစ်နေကြတဲ့မိဘနှစ်ပါးကြောင့် ဧည့်သည်ဆိုသူ ဦးလေးကြီးကို မကြည်ကြည့်လေသည်။

" ဟေ့ ၊ မင်းမျက်နှာကို ပြင်လိုက်နော် ၊ ကျွတ်စ် သောက်ချိုးကိုမပြေဘူး။"

" မင်းစကားပြောတာ ကြည့်ပြော! "

" ကို ကလေးရှေ့မှာ ရန်မဖြစ်ကြပါနဲ့။"

" မင်းငါ့ဆီ လာခဲ့!"

" မလာဖူး! "

အသက်ငါးနှစ်ထက် ပိုပြီးတတ်သိနားလည်လွယ်တဲ့ကလေးငယ်က မိဘတွေရဲ့မကြည်မလင်မျက်နှာကြောင့် ရှေ့ကလူကိုစိတ်ဆိုးလေသည်။