قاعده ف اوضتها ماسكه صورته وافتكرته بعد ماعدا شهر من غير ما يتكلم معاها زى ما وعد كامل لكنه كان بيطمن عليها من بعيد ويعرف اخبارها من كامل
كامل:نا ليه حاسس ان أنا كوبرى
هلال: شو
كامل:ايوه بقى بدأت حصه الدبلجه
ضحك هلال وقاله: مش فاهم عليك
كامل: بلا فاهم عليا بلا ليه انت جاى امتى
هلال:شوف اى يوم وانا معاك
كامل: يبقى تمام اخر الاسبوع وأنا هقول لعمى والجاتوه تجيبه من العبد عشان سلوى بتحبه من العبد وكتر من الجاتوه بالشيكولاته
هلال: بس سمسمه بتحبه بالكريمه
كامل: بس سو بتحبه بالشيكولاته وبعدين احترم نفسك ايه سمسمه دى
هلال: مرتى وبدى ادلعها بالى يحلالى
كامل: لما تبقى مراتك ابقى دلعها براحتك
ضحط هلال: وبعدين قال بتوتر تفتكر هيوافقوا
كامل:ماتخافش أنا معاك
هلال:مابعرف كيف اشكر الصدفه اللى واقعتنى ف اخ متلك
كامل: ماتفكرنيش بدل ما اقوم أخلي وشك خريطه
هلال: اوعى تفكرنى ضعيف أنا سكتلك عشان انت ابن عم سميه وبعرف اد ايش بتحب سلوى
بصله كامل: أنا اسف
هلال:لا تتأسف نحنا خوات لو انا كنت بمكانك كنت بعمل متلك واكتر
كامل:سيبينك للتقيله
هلال:شو عم تقول
كامل:بكره هاعلمك بس المهم انا همشى دلوقتى عشان ابلغ عمى أن ف عريس متقدم لسميه
*************************************""*********
ف بيت الصفطى
خبط كاملل ولقى سميه وسلوى لوحدهم وكان لسه هيطلع لما سميه وسلوى نادوا عليه ف وقت واحد وقالوله الشهر خلص
كامل باستعباط:طب وايه المشكله مايخلص عايزين ايه مش فاهم
سلوى:كامل لو سمحت الشهر خلص
كامل:ايوه يعنى مستنيه القبض
سلوى بعصبية:استغفر الله العظيم يارب
سميه ادخلت عشان عارفه أن نقارهم مش هيخلص وقالت هلال قالك ايه
كامل:هلال مين لا مؤاخذه
سميه:هلال
كامل:قصدك هلال رمضان مش كنتى تقولى كنت جبت ياميش رمضان طب استأذن أنا عشان الحق اجيب الياميش
نفخت سميه بعصبية لكن سلوى شدت ايديه ودخلته جوه الشقه غصب عنه ودخلت سميه وراهم وقفلت الباب
كامل:انتى بتجرجرينى للرذيله وأنا بصراحه بحبها مادام معاكى ياقمر
سلوى:رذيله ايه
سميه:أنت بتقول ايه
كامل:انتو مين انا ايه اللى جابنى هنا
اتعصبت سميه ودخلت اوضتها وسلوى كانت ماشيه وراها لكنه مسكها من أيديها وقالها رايحه فين
سلوى:سيب أيدي لوسمحت عشان أنا مش طيقاك
كامل:طب ينفع الواد ابو عيون جريئه مايطاقش ده انا حتى قمر والبنات كلها بتجرى ورايا
سلوى:خليهم ينفعوك
كامل قرب منها وقالها بس انا مش عايز غيرك انت ياقمر
سلوى:طب امشى عشان مافيش حد هنا
كامل:انتى بتطردينى
سلوى:اه بطردك وماتجيش عندنا تانى وسابته ومشيت ولكنها وقفت لما قال هى كده طب أنا غلطان انى كنت جاى اقولكوا أن هلال جاى آخر الاسبوع وكنت جاى اقول لعمي بس يلا بقى مالكيش ف الطيب نصيب فتحت سميه الباب بسرعه استنى ياكامل
كامل:كمان واقفه بتتصنتى أنا مااعرفتش اربى
سلوى:تعالى بس هنا وهاعملك كوبايه الشاى اللى انت بتحبها وكمان يلا هضحي، عندنا بسبوسه
سميه:بسبوسه ايه اللى من مقام كامل احنا هنجيب جاتوه
كامل:مصلحجيه منك ليها دلوقتى فعلا اقدر اقول ان أنا احسنت التربيه
ضحك التلاته وطلع كامل وسابهم لغايه ما عمه ييجى وف الوقت ده اخوهم محمود كان سامع كل حاجة وأول ما خلصوا كلام ولبس بسرعه ونزل عشان يقول لصاحبه اشرف السلاموني
أول ما وصل عند صاحبه حكاله واتجنن أشرف اول ماعرف
أن ف حد متقدملها ازاى حد يتجرأ ويبص لحاجه تخص اشرف السلاموني وبعدين بص لمحمود وقاله لو عايز الشراكه اللى مابينا تدوم جوازه اختك لازم تبوظ يأما كل فلوسك هتكون ملكى
روح محمود البيت وفضل يفكر يبوظ جوازة أخته بس هيقدر يعمل ده ازاي وخصوصا أن هو عارف أن ف مشاعر منها بعد ما سمع أخته بتتكلم مع سلوى لكن عقله غلب مشاعره مش معقول تعب سنينه يروح عشان جوازه وقرر يبوظ جوازتها
************************************************
خرجت من بحر ذكرياتها على صوت كامل وهو بيزعق
كامل:واضح أن انا دلعتك زياده عن اللزوم
اميره:يابابا
قاطعها كامل ف الكلام
بلا بابا بلا زفت انتوا اتخطتوا حددكوا ومابقاش حد عارف يلمكوا
أميرة: أنا آسفة بس أنا كنت تعبت والله
كامل:ماكنش ينفع ترمى الدبله من غير مااعرف هو أنا موت
اميره:بعد الشر عليك يابابا
كامل:بلا بعد الشر بلا زفت انتو خليتوا فيها بابا واحد رايح يتجوز من ورايا ويعلى صوته علياو التانيه رايحه تفسخ الخطوبه من غير ماتقولى ولا كأنى موجود
أدخلت سلوى :استنى ياكامل واهدى لازم نعرف هى عملت كده ليه
عيطت اميره :انا اسفه يابابا أنا ماكنتش اعرف ان لو عملت كده حضرتك هتزعل منى بس انا زهقت ماحدش حاسس بيا خدتها سلوى ف حضنها كل حاجه هتتصلح بس أهدى وفهمينا جت سميه وقالت هى اميره سابت ماجد
بصلها كامل وبعدين بص لاميره وقالها اسأليها اصل أنا مابقاش ليا لازمه
قربت سميه من أميره وقالتلها احكيلى إيه اللى حصل بدأت اميره تحكى كل اللى حصل واد ايه حاسه ان ماجد مش مهتم ولا بيحبها
ادخل كامل وقال بصوت عالى :ايه التفاهه دى تصدقى بالله هو خساره فيكى
كانت اميره لسه هترد لكن الباب خبط وكان ماجد
كامل:اهلا اهلا بالبيه
ماجد:أنا مش فاهم ايه اللى حصل أنا لقيتها فجأه بتقولى انى مش مهتم بيها كل ده عشان خاطر بزعقلها عشان الدكتور محمد
كامل:وأنت بتزعق ليه وبعدين مين دكتور محمد ده
اميره:يابابا ده دكتور ام شهد واحنا ف المستشفى شافنا وقف معانا يطمن ع حاله مامتها كتر خيره راجل محترم
ماجد بعصبية :المحترم بيعاكس ولا كأنى أنا واقف قرطاس لب أنا...
اميره :لأ ياحبيبى كيس جوافه
ماجد:انتى بتشتمينى
اميره:لأانا بعرفك بس
ماجد:يعنى بتغلطى فيا
اميره:أحسبها زى ماتحسبها
كامل وسميه وسلوى مصدومين من اللى بيحصل كانت سلوى هتدخل لكن كامل شاورلها بلأ
ماجد:انتى عايزانى اسيبه يعاكسك وأنا واقف
اميره:قال يعنى انت مهتم
ماجد:ايه موضوع مهتم ومش مهتم اللى انتى ماسكالى فيها الايام دى
اميره:يعنى انت مش حاسس ان أنت مش مهتم بيا ولا كأننا مخطوبين
ماجد:أنا مش فاهم مين اللى حط ف دماغك الموضوع ده ده انتى ناقص تدخلى ف اسطوانه أن الاهتمام مابيطلبش
اميره:هو كان بيطلب وأنا ماعرفش
ماجد: لا والله ماعرفش
شاورت أميره على باباها وقالت:عندك الراجل الكباره اللى هنا ده لغايه دلوقتى بيهتم بالمزه أمي وشوف بقى عندهم كام سنه
سلوى:قصدك ايه أن أنا كبيره
كامل لنفسه:يابنت الكلب فتحتى علينا اسطوانه مش هنخلص منها النهارده
سلوى:كامل يعنى انا كبيره
كامل:هتفضلي طول عمرك صغيرة ف نظرى ياقلبى وبعدين غمض عينيه لما قال كده وعرف أنه غلط لما قال في أنها صغيرة في نظره بس وقال بهمس: منك لله يا ماجد أنا غلطان أنى وافقتك ع موضوع الخطوبه ده ياريتنى كنت سبتهم يخطفوها بدل الصداع ده
أميره:شوفت ثبت المزه ازاى اتعلم ياحمار
ماجد:أنا حمار
اميره:يعنى أنت سبت كل اللى بقوله ومسكت في الكلمة دى
سلوى:يعنى ايه في نظرك انت بس، يعنى انا كبيره أنا كبرت خلاص قصدك كده
كامل :مش قصدى ياروحى
سلوى:روحك كان زمان خلاص راحت عليا أنا كبيره يا سمية
سميه:لأ طبعا كامل مش قصده
سلوى:طبعا لازم تدافعى ماهو ابن عمك واخوكى
سميه:يا حبيبتى والله ماكنش يقصد
ماجد:ياطنط عمى مايقصدش
كامل:ياسلوى أهدى
اميره:بقولك ايه انتبهلى أنا ماتوهش على الموضوع
ماجد:طب اتفضلى كملى بقيت الخناقه
اميره:طب بلاش بابا
ماجد:احسن اصل عينك وحشه الراجل ومراته اتخنقوا بسببك
اميره:ماشى هعديهالك شوف اخوك وهو مش مرتبط بالبت شهد بس ماستحملش الدكتور محمد يكلمها بشويه حنيه
ماجد:ايه ده انتى لاخظتى
أميرة:أنت كمان لاحظت
ماجد:اه طبعا أنا يخفى عليا حاجه زى كده
أميرة: بس تفتكر آسر بيحبها
شاور ماجد على دراعه وقال: اقطعه من هنا إن ما كان بيموت فيها
أميرة: بس مش باين عليه
سرح ماجد شوية وبعدين قال: نخليه يبان
أميرة: ازاي؟
مسكها ماجد من أيديها وقعدوا على كنبة الانتيرية: وقالها تعالي تعالي ده الموضوع يطول شرحه
قامت أميرة وقالت: لا مادام بقى الموضوع يطول شرحه اروح اعملنا كوبيتين شاي واجيب كيس الشيبسي والتسالي اللي انا مدكناهم واجي مشيت شوية وبعدين بصتله وقالت: أنت بتحب الشاي خفيف صح
ماجد: ولو تقيل نشربه منك يا عسل
ابتسمت أميرة بخجل وسابته ومشيت
كانت سلوى وسمية واقفين مذهولين من اللي بيحصل، وبعدين سمية قالت: مجانين زيك انتي وكامل زمان الايام بتعيد نفسها يا سلوى
سلوى: زمان بس والله لهنكد عليه عيشته النهاردة
كامل: منك لله يا شيخة انتي وهو في ساعة واحدة يا سلوى والله ما أقصد
ما نطقتش سلوى وسابته ومشيت وكامل قال اشكوا اليك وبعدين نادى على سلوى وراح وراها بصت سمية على الكل وعينيها دمعت وقالت: الله يرحمك يا هلال وحشتني وحشتني أوي
************************************************
حاولت تتصل بيه كتير لكنه مش بيرد حاولت كتير مابيردش قامت من مكانها وغيرت هدومها ومسكت مفاتيح عربيتها وخرجت نزلت وقبل ماتخرج لقيته داخل بيطوح
شكريه:جاسم أنت كنت فين
جاسم:قوليلى هو مين
شكريه:أنت مش ف وعيك
جاسم:لدرجه دى خايفه عليه
شكريه:تصدق ان أنت غبى ومابتفهمش
جاسم:أنا غبى ومابفهمش عشان حبيتك كان لازم أعرف أن انتى عمرك ماهتشوفينى
شكريه:أنا عمرى ماشوفت غيرك
زقها جاسم وقال بكل غضب وهو بيطوح كدابه لو انتى بتحبينى ماكنتيش خبيتى عليا كنت اول واحد حكيتيلى وقولتيلى وأنا كنت هجبلك حقك كان هيقع جريت عليه شكريه عشان تلحقه بس وقفها بايديه وقالها: ماتلمسنيش
نزلت دموعها غصب عنها وقالت له: ليه بتعمل كده؟
جاسم: ليه انتي اللي عملتي فيا كل ده ليه؟
شكرية: طب قولي اللي يريحك
جاسم: سيبيني لوحدي
شكرية: عايزني أبعد
وقف مكانه بيطوح ومش قادر يرد مش عارف هو عايز ايه بس كل اللي عرفه في اللحظة دي أنه نفسه يرتاح بس يرتاح
شكرية: خلاص انا عرفت معنى سكوتك أنا همشى واتحركت ناحيه الباب عشان تخرج لكن ف حاجه وقفتها بصت، لقت جاسم واقع ع الأرض واتفاجأت باللي ماسك أيديها وبيقولها ماتمشيش واوعى تتنزلى عن جاسم حقك لازم يرجع
شكريه باندهاش:رانيا
************************************************
ف فيلا آسر
دخل ماجد لقى أسر قاعد وسمعه بيقول أنا هوريكي ياشهد الكلب
وبعدين بص قدامه لقى ماجد وواقف وبيضحك
آسر: أنت واقف عندك كده ليه يا حيوان
ماجد:مافيش حد ناوى يحترمنى شويه
أسر: أنت اصلا مهزء
ماجد:ماشى بس أنا كنت عايز منك بدله
أسر :ليه
ماجد:اصل بقيت ولى أمر ولازم أشرفها
آسر:ولى أمر مره واحده مين المعتوهه دى اه اكيد اميره
ماجد:لأ صاحبه أميرة
آسر:نعم ياخويا صاحبه مين قصدك شهد
ماجد:هو مافيش إلا شهد
آسر:ماتصيعش عليا وقولى ف ايه
ماجد:أبدا البنيه اترجيتنى اخدمها خدمه وأنا لازم اشرفها
آسر:اترجتك لأيه
ماجد:اصل الدكتور محمد رايح يتقدم لشهد وبما أن باباها متوفى فأنا هنول الشرف ده
آسر:خد البدله واخرج بره
ماجد: بس كده
آسر:اه ابقى بلغها موافقتى
ماجد:ماشى وخرج الموبايل رن ع أميره: أيوه يا شهد أنا ف الطريق ها محمد وصل ولا لسه
أميرة:محمد مين وشهد مين أنت مين
ماجد:اتأخرت عليكى أنا آسف ايه ده مافيش حد ف البيت إلا انتو حقك عليا ثوانى وهتلاقينى عندك
أميرة:أنت اتجننت ولا ايه أنا ف بيت شهد
ماجد:طب مامتك فين خرجت هى واخوكى طب مش هتأخر مسافه السكه وأكون عندك وقفل المكالمه وبعدين بص لآسر وحط البدلة على الكرسي وقاله متشكرين مش هلحق اصل هما لوحدهم ف البيت وبعدين انت عارف أن الشيطان شاطر وسابه ومشى قام آسر من مكانه وهبد اللاب وقال بصوت مكتوم وهو بيجز ع سنانه:
لوحدكوا ماشى يا شهد نهارك اسود معايا النهارده واتجه ناحيه الدولاب وطلع اول حاجه قابلته ولبسها لكنه نسى حاجه مهمه عنوان شهد ايه.
وقف قدام العربيه شويه وبعدين طلع الموبايل واتصل ع سكرتيرته وقالها قدامك دقيقتين ويكون عنوان شهد الشريف معايا وقفل السكه ف وشها
إنچى:هو مافيش حد هيحترمنى ف الشركه دى طب قول سلام الله يكون في عون اللى هتتجوزك وبعدين بصت قدامها لقت واحد طويل بشرته قمحاويه عينيه لونها عسلى جسمه رياضى قالت إنچي ف سرها هو في كده لكن ماكنتش تعرف أن صوتها عالي وصله وقال بابتسامه ف أحلى من كده بس انتي اللي مش بتبصي ف مرايات
بصت ف الأرض بخجل وهى بتعدل حجابها حضرتك عايز حاجه
الشاب :أنا كنت عايز بس لما شوفتك نسيت بصراحه
إنچي: ها
الشاب:قولي للي قفل السكة ف وشك لما ييجى إن السهره النهارده هتبقى أحلى لو اتجمعنا ف العوامه
إنچي: أنا مش فاهمه حاجه
الشاب:قوليله وهو هيفهم
وبعدين سابها وكان ماشي لكنه وقف لما قالت: هتمشى ع طول كده
ابتسم بحزن وقال: من مصلحتك ان أنا امشى ع طول وبعدين سابها ومشى
************************************************
في بيت شهد....
شهد: في ايه يا أميرة؟
أميرة باستغراب: والله مش فاهمة يا شهد بس ماجد في الطريق
شهد: طب تمام تفتكري في أمل
طبطت أميرة على ايد شهد وقالت: طول ما ربنا موجود الامل عمره ما يتقطع
حضنتها شهد: شكرغا انك معايا النهاردة يا أميرة بجد
أميرة: عيب يا شهد احنا اخوات
خبط الباب وجري خالد اخو شهد وفتح ودخل دكتور محمد
نادى خالد علي شهد: دكتور محمد اهلا وسهلا بحضرتك اتفضل
محمد: اهلا بيكي
شهد: اتفضل، ثانية واحدة أشوف ماما
محمد: أكيد بعدين بص لأميرة: اهلا بالقمر
أميرة بخجل: اهلا بحضرتك
شهد: عن اذنكم
فضلت أميرة واقفة لكن محمد بصلها وقالها: انتي عليكي فلوس ليا
أميرة: نعم!
محمد: هتفضلي واقفة
ضحكت أميرة: آسفة وبعدين قعدت واتكلمت: ممكن أسألك سؤال
محمد: أكيد
أميرة بصوت واطي: تفتكر في أمل فعلا ولا....
محمد: كل شيء بيد الله بس احنا هنحاول
في الوقت ده قاطعهم صوت: أنا اتأخرت فعلا
بصت أميرة للصوت وشافت ماجد اللي بيقرب منها وشدها من أيديها وقعد هو مكانها وخلاها تعد جنبه ابتسم محمد على اللي حصل وبعدين قال: باشمهندس ماجد أهلا بيك تاني
ماجد: ندخل في المهم بقى
أول ما قال الكلمة دي دخل آسر من باب الشقة وكانت شهد خارجة وفي أيديها حاجة ساقعة للموجودين
شهد بإبتسامة: اتفضل يا دكتور محمد
وهو دكتور محمد بس اللي هيتفضل
بصت شهد وراها: آسر أقصد باشمهندس آسر حضرتك بتعمل ايه هنا
آسر وهو بيدخل وبيبصلها ببرود: كنت جاي اعشوف ماجد عشان نسيت معاه حاجة مهمة بس بما أن القاعدة حلوة فأنا قررت أعد معاكم
قام محمد وقال: لا أنا مش جاي أقعد وبعدين وجه كلامه لشهد: مامتك فين يا شهد
شاورت شهد ناحية أوضة مامتها وقالتله اتفضل من هنا
استغرب آسر وكان على وشك يتكلم لكن وقفه ماجد: ما تتكلمش
ومشي وراهم ودخلوا لاقوا الدكتور محمد بيكشف على والدة شهد لأن حالتها بدأت تتأخر وماكنتش قادرة تروح المستشفى بص آسر لماجد بعصبية: كنت بتستغفلني
ماجد: عيب يا man ماتقولش كده
آسر: والمفروض أقول ايه
ماجد: قول اني كنت بحاول احركك شوية وماتنكرش أنه نفع
آسر: حسابك معايا
ماجد: يا عم روح اتملح في برميل ملح
آسر: ماشي يا ماجد أنا نبقى نشوف مين فينا اللي هيتملح
بصت مامة شهد للي واقفين وقالت: مين دول يا شهد
شهد: ده يا ماما ماجد خطيب أميرة أصر يجي النهاردة عشان يطمن على حضرتك هو وأميرة وده سكتت ثانية وقالت باشمهندس آسر صاحب الشركة اللي بشتغل فيها وأخو ماجد الكبير
ابتسمت مامة شهد: اهلا بيكوا ما تأخذونيش لولا الملامة كنت قومت رحبت بيكم كلكم بس زي ما انتوا شايفين
آسر: ولا يهم حضرتك المهم تقوملنا بالسلامة
ماجد بخفة دمه: ما تخافيش يا ماما أنا هضايفهم واضايف نفسي واتمنى خدمتى تعجبكم
ابتسم الجميع وخرجوا وسابوها عشان ترتاح ومحمد قال لشهد: بصي يا شهد أنا كان نفسي اطمنك لكن..
كانت شهد هتقع وقرب آسر عشان يلحقها لكن محمد كان أسرع ومسك أيديها: انتي كويسة
قرب آسر منهم وشد أيده: اه كويسة وياريت تدخل في الموضوع
ما قدرتش شهد تتكلم لكن فقدت وعيها لما قال: مامتك محتاجة عملية مش بتتعمل غير برا مصر ولو ماعملتهاش في أقرب وقت يبقى....
ماكملش كلامه لما لاقها وقعت بين ايدين آسر
آسر بخوف: شهد
***********************************************
بعد أسبوع في شركة آسر
شهد: هتشل يا أميرة خلاص
أميرة: ليه عمل ايه تاني
شهد: لا هو السؤال الصح انك تقولي ماعملش ايه تاني
ضحكت أميرة وقالت: مصر يخليني طول الوقت حواليه
أميرة: يعني بيحبك
شهد: ما تعصبنيش يا أميرة حب ايه وزفت ايه هو في واحد عاقل يقول لسكرتيرته لو عايزة مامتك تعمل العملية لازم تتجوزيني وماتستنيش اجاوبك على أسئلة ايه الهبل ده
أميرة: يا ستي هيجاوبك بس الصبر
نفخت شهد: صبر ايه أنا مابقاش عندي ثم ايه شكله ده كمان
أميرة: لا بقى ده الا شكله ده قمر
شهد: ما هي دي المصيبة أنا أسمع أن المدير أقرع وبكرش وقصير فين الصلعة فين الكرش اركز في شغلي ازاي بس
ضحكت أميرة: يخربيت عقلك
شهد: واضح اني فقدته خلاص
قفلت شهد وهي بتفكر في آسر وشخصيته اللي فعلا أسرتها من اول مرة شافته فيها لكن ليه بيعمل كده
************************************************
في شركة السلاموني.....
يعني ايه يسحبوا مننا المشروع كده، يعني ايه؟
علي بعدم استيعاب: قالوا إن المونة بتاعتنا مغشوشة وكلها رملة
أشرف: وازاي يعرفوا حاجة زي كده
علي: مش عارف بس كل اللي اعرفه ان أسهم شركتنا نزلت النص بعد اللي حصل
أشرف: في ما بينا خاين ولازم نعرفه
علي: بس يا ترى مين؟
رن تليفون أشرف وجاله صوت أنثوي بيقول بثقة: تاني ضربة ليك يا سلاموني يا ترى مستعد للي جاي
أشرف: انتي مين
أنا عملك الاسود اللي هيطاردك العمر كله
#يتبع
ياترى مين اللي كان أشرف؟
وياترى مين اللي بينقل اخبار أشرف؟
وايه سر آسر أنه يطلب من شهد طلب زي ده؟
وياترى ماجد هيستمر مع أميرة ولا لا؟
وايه هدف رانيا من انها تقول لشكرية أنها ماتمشيش
وياترى محمود هيبوظ جوازة سمية وهلال وازاي
الكل يجاوب بقى على الأسئلة ويقولي ايه رأيه في الرواية لحد دلوقتي وإن شاء الله بعد أسبوع هطلع لايف نتكلم شوية في الرواية
سلام
#رحاب_قابيل
