واقف مش مستوعب اللي حكيته ومش قادر يتخيل أنها مرت بده كله من غير ما يكون موجود والأهم أن ازاي والده ووالدته يخبوا عليه حاجة زي كده
كانت بصة ليه عشان تشوف منه أي رد فعل وبعدين قطعت السكوت: جاسم
بصله بذهول: يعني عايزة تفهميني أن كلهم عارفين الا أنا
شكرية: هو انت مش مصدقني؟
جاسم: أنت مفكرة أن سكوتي ده معناه اني مش مصدقك أنا مصدوم فيكي
خافت شكرية وقربت منه: يعني انت فعلا مش مصدقني
جاسم بغضب: فعلا مش مصدقك
شكرية: تمام
كمل جاسم وقال: أنا فعلا مش مصدقك أن كل اللي حواليكي وثقتي فيهم الا أنا مش مصدقكم كلكم أن ماحدش فيكم فكر يقولي، وطبعا ماجد وآسر عارفين
هزت راسها من غير ما تجاوب، اتعصب جاسم اكتر ورمى الفازة اللي قدامه وقال بزعيق: للدرجة دي شيفاني قليل أو مش راجل اني ماقدرش أدافع عنك واخد حقك
شكرية: كنت خايفة عليك
ضحك بسخرية: خايفة عليا! لا أنا هخليكي تطمني على طول بس قبل ما اخرج من هنا مين الكلب اللي عمل فيكي كده
بصتله ومارديتش تقوله: بردوا مش عايزة تقولي تمام أنا هعرف بطريقتي بس من النهاردة كل واحد فينا في حاله ولحد آخر السنة هكون أثبت اني راجل يعتمد عليه واعرف أدافع عن بنت خالتي قبل مراتي وهجبلك حقك وبعدها مش هتشوفي وشي تاني
وبعدين سابها وخرج وهي قعدت على الأرض تعيط على كل حاجة بتحبها وبضيع منها لكن الاتنين ماكنوش واخدين بالهم من اللي كانت واقفة ورا الباب بتسمع كل حاجة وأول ما سمعت أنه خارج جريت على اوضتها وهي مش مستوعبة اللي سمعته
************************************************
ماسك في اخوه جامد بيحاول يهديه بعد ما كان هيموت الدكتور في ايديه
ماجد: خلاص يا وحش بقى فرهدتني
آسر بعصبية: وربنا ما هسيبه
ماجد: يا سيدي عنك ما سبته ايدي وجعتني، أهدى بقى
آسر: ما تسبني يا أخي هو أنا كنت قولتلك تمسك فيا
ماجد: ما أنا لو سبتك هتسفلته
آسر: وده اللي هيحصل سبني يا حيوان
أدخل محمد وهو بيمسح الدم اللي على وشه: أنا مش فاهم ايه اللي بيعصب في كلامي للدرجة دي
آسر: أنت مش شايف أن كلامك ده بيعصب أقولك أنت كلك على بعضك معصبني
محمد: ليه ده كله، هو حضرتك اول واحد يتقدم لأخته عريس مش فاهم
ده حتى اختك إنسانة مؤدبة وكيوت واي حد يتشرف انها تكون مراته ده كفاية رقتها
آسر: كيوت ورقيقة الاتنين في جملة واحدة وبعدين بص لشهد اللي واقفة قدام محمد عشان مايتهورش: رقيقة اشمعنى أنا اللي بشوف الدبش بس حسابك معايا بعدين وبعدين انتي اللي موقفك عنده تعالي هنا ده انتي هتشوفي أيام سودة
خرجت شهد عن سكوتها: شوف أنا كنت مستحمالك عشان انت مديري في الشغل غير كده مالكش حاجة عندي أنا أقف ماكان ما احب يا أبيه
آسر: بردوا أبيه بس يسبني الحيوان ده وانا هعرفك مين اللي هو أبيه
ماجد:ياعم أنا اللى أبيه وبعدين بص لشهد وقال ارحمينى أنا ايدى وجعتنى
اميره:دكتور محمد عايزاك ف كلمه لو سمحت بره
محمد:بصى أنا ماكنتش ناوى أخرج بس عشان خاطرك ياقمر حاضر
ماجد:تصدق بالله أنا كنت بحوش عنك لكن بعد يا قمر دي أنا بقى اللي مش هسيبك.. ابعد بقى يا آسر أنت عشان أنا اخلى أيامه زرقا
وجه كلامه لاميره :اركنى ع جنب عشان ماقلبش عليكى انتى ماشفتيش وشى التانى لغايه دلوقتى
اميره:أنا بقى عايزه اشوف وشك التانى
شهد حست أن الجو متوتر بين أميره وماجد وكانت لسه هتاخد محمد وتخرج بيه بره لما الباب اتفتح فجأه ودخلت بنت شقرا وعينيها زرقا وقالت آسر :How are you now? قلقتنى عليك كتير... ييي وكمان ماجد هون اشتقتلكم كتير وحضنت آسر وماجد
وماجد وشوشها انتى جيتى ف وقتك أما آسر بص ع شهد بعصبية لما خرجت مع الدكتور محمد بره وهو بيقول ماشى يا شهد حسابك تقل
************************************************
في بيت كامل الصفطى....
سلوى بتحاول تهدى كامل
سلوى :أهدى ياكامل
كامل: الكلب بيهددنى
سلوى :ايه اللى يوديك عنده
كامل : كنت بحاول اشوفه وهو مقهور بس ده جبروت وواضح أن حربنا طويله
سلوى:قالك ايه عصبك كده
كامل :الكلب بيهددنى بيكى هيعمل معاكى زى ماعمل ف سميه زمان
سلوى :هو عمل ايه في سمية زمان
أتردد سميه وبصت لكامل وهو شاور بدماغه إن هى تحكى
