نيران غياهب الانتقام

البارت السادس

لا احد يستطيع هزيمتي اعلم كيف ادير لحظات ضعفي ووقت فراغي ، ان ابقى بنفس قوتي حتى ولو اجبرني كل شي على الانكسار
انا لا انكسر ...💙

البارت السادس
ليلى محمد🤎

بعد ما وكفت سيارات الجيب السودا ونزل منها الحرس السايق اجه وفتح الباب الخلفي للسيارة واللي نزل منها هو الشي اللي چنت خايفة منه
ضابط بالجيش العراقي برتبه عالية ...
هسة عرفت ليش امورهم سهلة ويزرعون ويخزنون ويبيعون بكيفهم ولا ببالهم حكومة ولا دولة طلعو حاطين الدولة بجيوبهم والاسوء انو باقي السيارات نزل منها ناس معگلة وهم ضباط وكلهم رتب وزلم عليها الحساب همة ذولة اللي كال عليهم الفهد خاينين حقه اللي يخون الرتبه والوطن لخاطر فلوس شتترجى منه يوفيلك !!
ابتسمت باستهزاء عاللي ديصير والله لافضحكم كلكم واگلبها جحيم عليكم قابل راح تضلون انتو المنتصرين قرب يومكم .
طلعت الكاميرا مالتي وبديت اصورهم واحد واحد
اتقدم الشيخ وخلفة الحاشية مالته تسالمو وواحد حضن الثاني واتحد الشياطين مع ابليس....
الشيخ : يا هلا وچثير الهلا نورت الديرة بزيارتكم
العقيد : منورة باهلها شيخ
شيخ حمد : منورة بيكم شيخ
كملو السلام ودخلو جوا صورت كلشي ووثقته فضيحتكم راح تكون على كل المواقع ...
سرحت شوية واني اتذكر حجي امي اللي ما راح من بالي

ناديا : بعد ما ابوكم عرف باللي ديسوو صعبو علي الشباب اللي دتروح بهالسم هذا اجه عليه مثل المجنون يكولي ولج ناديا ديموتون شبابنا الخاطر الفلوس دينهون الشعب العراقي ما ضل عدهم لا ذمة ولا ضمير
بعدها گاللي بحرگة گلب
...اني لازم اسوي شي مستحيل اضل كاعد واتفرج عليهم وهمة يضيعون شبابنا اذا سكتت اليوم باجر ابني يكبر ويوگع بهالمصيبة
ناديا : حقك والله بكل اللي دتكولة بس شلون راح تكدرلهم انت دتكول همة ديزرعو وبعدين ما عندك دليل
... حتى لو ما عندي اني اشتكي عليهم واسوي اللي عليه وهمة يروحون يفتشون ويشوفون
ناديا : اخاف يأذوك
... الله المعين توكلت علي
ناديا : ماشي اللي تشوفه صح سوي
بوكتها الليل كله ما غفت عيونة من الشي اللي عرفه انصدم وبس طلعت الشمس كام بدل شگد كتله اسويلك ريوگ اتريگ وبعدين اطلع بس هو چان مستعجل وبس يريد يبري ذمته كدام ربه يكولي شكد يمر وقت على سكوتي يثقل الذنب على ظهري اكثر
ناديا : بس ونزلت دموعها هي وتحجي الغصة ما خلتها تكدر تكمل
وسام : بس شنو يمة ما صدكو
ناديا : صدكو يوليدي وكالوله راح نتأكد واذا اضطر الامر نفتشهم ويتعاقبون بوكتها رجع لا هو فرحان لان سوه الشي الصح ولا هو زعلان لان اعتبر نفسه خان صديقة وضل هيج مهموم الى ان بعد يمكن تلث ايام ما طلع حتى من البيت دزو علي ومن رجع جان مصدوم ومقهور يگوللي لج ناديا الضابط صيح عليه يگولي دتشغل الامن ببلاغات كاذبة اطلع برة ومرة اللخ اذا اجيت راح اسجنك على احتيالك
بوكتها عرف ايديهم طويلة وناس واصلين
ونزلت دموعها اكثر وصوت شهگاتها لحد الان يرن باذني مع اني بوكتها جنت طفلة بس وعيت
وعيت عالقهر...
رجعت للواقع ومسحت دموعي اللي نزلت غصبن عني شكد احاول اكون قوية بس كلنا بشر ولحظات الضعف ما نگدر نقاومها من تجينا لو شگد ما چنا اقوياء ...
سمعت صوت طفل وراية معقولة !!
ياسين : هلا خالة شلونج
نار بتفاجئ : هلا بالحلو اني زينة انت شلونك شو ماكو ليش مدا اشوفك
ياسين : هم كتيلي حلو اسمي ياسين صيحيني باسمي
ضحكت على براءته
نار : زين يابة زين ياسين مثل ما يعجبك هسة گلي شجابك هنا
ياسين : اجيت مع ابوية دائما اجي هنا وياه
نار بتساؤل : ليش منو ابوك شسمه
ياسين : ابوية اسمه حسين يشتغل هنانه
اتذكرته ذاك اللي اخذ الكاميرا مني والله وابوك طلع موقعه مهم بس للاسف هيج طفل راح ينحرم من ابوه بسبب اجرامه باوعتلة بقهر ونزلت المستواه
نار : ماشي حبيبي روح كمل لعب بس لا تبتعد ولا تضل جوا الشمس ترا حارة كلش
ياسين : حاضر ، حجاها بابتسامه و راح بعدها
كمت واني اتأمله چم ضحية راح تروح نتيجة اللي دتسوو الله بس يعلم ...