نيران غياهب الانتقام

الجزء العاشر

لسوء حظك ..
أني أمرأةٌ لعزيمتها سبعة ارواح ..
كلما خذلها أحدهم ..
ازداد دافعها للنجاح ..

أنتَ لا ترى كم خليةً تنقسم حين أتألم ..
من كلِ خلية تنبت امرأةٌ جامحة ..
كلّهن ينهضن لصالحي ..

البارت العاشر
ليلى محمد
نيران غياهب الانتقام ..💚

-ررغد
حچيتها بتردد
رغد : عرفتچ مو خالية وسوالفچ مو طبيعية راح نشوف هسة منو اللي راح يخليچ هنا وخصوصاً الفهد يا ترا شراح يسوي بيچ من يدري دتاخذيلة صور
نزلت حتى تروح تگللهم لحكتها وسحبتها بقوة الغرفتي وسديت الباب دفعتني وهي تحاول تفتح الباب
رغد : لچ ابتعدي من هنا راح افضحچ ونخلص منچ 
بقت تدفع بيه واني واگفه عالباب الى ان دفعتني بقوة ابتعدت عنها بس قبل ما تطلع گلتلها
نار : واذا حچيت انچ مو بنية
وكفت بمكانها بصدمة من اللي گلته دارت وجهها عليه وهي تسد الباب بقوة
رغد : انتي شدتگولين
كتفت ايدي ورفعت حواجبي باستفزاز : واضح اللي دا اگوله طلعي گليلهم صورت الفهد واني اگوللهم انچ مو بنية والمسؤول عن هذا الشي عمار
فتحت عيونها بصدمة واتقدمت علي حتى تضربني كف بس لزمت ايدها قبل ما توصل وجهي : دير بالچ تفكرين مجرد تفكير بهذا الشي مو اني اللي انضرب وخصوصاً من وحده مثلچ
حچيتها واني اباوعلها من فوگ لي جوا بقرف
نزلت ايدها واني اسألها بابتسامة : ها شگلتي
رغد : چذب اللي دتگولي چذب
رفعت اچتافي واني اجاوبها : سمعتكم ذاك اليوم وشفتچ شلون دتتوسلين بي حتى يتزوجچ ويستر عليچ من الفضيحة باعي اني ما عندي نية أأذيچ الا اذا ضريتيني هنا المسألة تختلف
رغد : ما عندچ دليل
ابتسمت واني اجاوبها :انتي الدليل رغد
انصدمت من كلامي وفتحت عيونها بخوف
مشيت من يمها ورحت اشرب مي واني احچي : مجرد ما احچي هيچ راح يجبروچ تفحصين حتى يتأكدون ووگتها راح يبين كلشي وهيچ اني و انتي نخسر سوا
يعني عليه وعلى اعدائي
بلعت ريگها بتوتر وباوعتلي بحقد وهي تگول: انتي شيطان
رفعت حاجبي واني اجاوبها : من بعض ما عندكم ، رغودة سدي الباب من تطلعين واتذكري اي كلمة راح تگوليها تدفعين ثمنها حياتچ

گعدت عالسرير وجريت انفاسي براحة بعد ما طلعت من الغرفة مستحيل تسويها بعد ما هددتها ...

الفهد
واگف يشرب جگارة
الشيخ : بشنو دتفكر
دار علي ضيق عيونة وهو يسحب نفس من جگارتة : هاي البنية
الشيخ: اني هم مو مرتاح الها
الفهد : ليش سمحتلها تضل دامك مو مرتاحلها
الشيخ : بيها شي غريب خلاني اوافق واني معمي ما اعرف ليش وافقت
الفهد : يعني مو بس اني عندي هذا الشعور
الشيخ : خليت الحجية تحط عينها عليها نشوف شنو سالفتها
الفهد : مو بهالسهولة مبينة ذكية
الشيخ : بس مو اذكى مننا
الفهد : شتقصد
الشيخ : اكيد ما راح اگعد انتظر تسوي شي دزيت واحد ببغداد يدور عليها
الفهد : وشلگيت
الشيخ : هنا المصيبة ما لگيت شي الزلمة يگولي ماكو احد باسمها بالكلية اللي المفروض متخرجة منها
الفهد : وشراح تسوي
الشيخ : حالياً ما راح اسوي شي خلي ننتظرة متأكد راح يوصل الشي عن قريب
الفهد : الهلدرجة واثق بي
الشيخ بغموض: اكثر من ما تتصور
الفهد : زين تسوي عالعموم الشحنة بعد يومين راح تكون جاهزة كملت الاتصالات ويا الجماعة
الشيخ : كلشي جاهز
الفهد : زين