و إذا التقينا والعيونُ روامقٌ
صَمتِ اللّسانُ وطرفُها يتكلّمُ
تشكو فأفهمُ ما تقولُ بطرفِها
و يردُّ طرفي مثلَ ذاكَ فتفهمُ
البارت التاسع
ليلى محمد
نيران غياهب الانتقام ..❤️
بعد ما چان راح يهاجمني الحيوان جرني واحد من ايدي وگام يركض بيه و الحيوان يركض خلفنا اخر شي ختلنا خلف شجرة من الشجر الموجود چان ظهري عالشجرة وجسمة محاوطني انفاسي دا اجرهم بصعوبة من الركض والخوف دار وجهة عليه بعد ما اتأكد انو الحيوان ابتعد عننا التقت عيوننا انفاسنا اختلطت سوا حسيت داتنفس هواه المكان ظلمة كلش بس ضوا القمر ضرب بعينة فتحت عيوني بصدمة هي نفسها ذيچ النظرة واللمعة هذا العمق بعيونة ما شايفته بحياتي
منو هذا .
-ضيعناه
حچاها بصوت حاد طلعني من افكاري رجع كمل وهو يتأمل وجهي
- مدري احنا الضعنا
اتوترت من كلامة دفعتة مني
نار : ششكرا انقذت حياتي
اتقدم باتجاهي رجعت راسي لي ورا بحركة لا ارادية خلة ايدة عالشجرة يم راسي
- انتي منو
نار : اانت منو
رفع حاجبة وهو يباوعلي بحدة وجهة يادوب مبين من الضلمة ، لزم زندي وضغط علي بقوة
- من اسألج سؤال تجاوبين مو تردين بسؤال
لزمت ايدي احاول افكها من ايده وحچيت بوجع
نار: ااي شهالهمجية عوف ايدي دا اگولك عوفها
اقترب من وجهي وخله عيونة بعيوني بتحدي
- واذا ما عفتها
نار :اصرخ والم عليك الناس كلها
- سويها
استغربت جوابه : شنو
بابتسامة خبيثة : سويها اذا انتي بنت امچ و ابوچ
رفعت اصبعي بوجهة : دير بالك تتجاوز تره كلش زودتها
لزم ايدي الي رفعت بيها اصبعي ولواها خلف ضهري ودار وجهي باتجاه الشجرة بقوة واقترب من اذني يشاورني
-مو اني اللي ينرفع اصبع بوجهه وينحچي ويا بهالطريقة
دست على رجلة بقوة وحاولت ادفعة مع انه مبين ضخم بس گدرت ادفعه شوي عني
درت وجهي علي وجاوبته : ومو اني اللي انلزم واتهدد بهالطريقة
مشيت من يمة لزم ايدي بقوة وهو يگول: ديري بالچ اذا هالمرة الفهد انقذچ مرة اللخ ممكن هو اللي يهجم عليچ
حسيت انفاسي تخربطت واتوترت من الحچاه يعني هذا الفهد ...!
فلتت ايدي منه ومشيت بسرعة راجعة للبيت الخوف احسه مسيطر عليه وايديه دترجف من التوتر طلعت الغرفتي عالسريع وبمجرد ما دخلت قفلت الباب وگعدت ورا عالارض بتعب خليت ايدي على گلبي نبضاته تقرا الف حاسة حتى ضغطي ارتفع شنو اللي صار قبل شوية يعني هسة شنو انكشفت لو شراح اسوي هسة
گمت من مكاني ومشيت بالغرفة رايحة راجعة بتوتر
اشرد خلص و اكتفي باللي حصلت علي بس لا همه محتاجين الاكثر ما اگدر انسحب هسة بسهولة ما اگدر
گلتها وضربت ايدي عالسرير بقوة
نار بحزم : خلص راح اضل هنا واكمل اللي اجيت علمودة ما راح استسلم بهالسهولة وخاصة الك يالفهد ...
الخميس
الساعة 8:00 صباحاً
گعدت من النوم بصعوبة بعد تعب ليلة البارحة والخوف والتوتر احس لحد الان الرجفة بيه اتفاجأت بي ما چنت متوقعة راح يطلعلي بهيچ مكان اكيد هسة هو شاك بيه لان شراح يطلع بنية بهيچ وكت بالليل الامور بدت تصير اصعب علي باوعت لي فوگ ودعيت من گلبي
نار : يا رب سهلها
گمت مكاني صليت وبدلت ملابسي ولبست حجابي
باوعت عالمراية بعد ما كملت اللمسات الاخيرة على وجهي متعودة اخلي مكياج بسيط دائما
نار : نارة اليوم راح يكون صعب خصوصا اذا چان الفهد موجود وما راح ، لازم تعرفين اسمه الحقيقي وتاخذين صورة اله
صفنت شوية هاي شلون راح اخذها ينرادلي معجزة اليوم طبعا صور البارحة دزيتهم من رجعت النقيب سجاد و ما حچيتلة عن اللي صار هسة يگضيها علية محاضرة شطولها اذا ما جبرني ارجع اعرف اللي دا اسوي خطر بس مستحيل اتراجع بعد ما وصلت هاي المرحلة هذا حلمي وحلم وسام من سنين
خنگتني العبرة من اتذكرت مسحت دمعتي اللي نزلت وجريت نفس عميق وطلعت من الغرفة ...
YOU ARE READING
نيران غياهب الانتقام
Actionانا تلك هي... انا تلك المحاربة التي مهما واجهت ستستمر لن تتوقف ولن تستسلم لن تحني رأسها ، انا تلك هي الأنثى التي تخشى الحب وتبحث عنه انا تلك التي تبحث عن سفينة النجاة في منتصف بحر أحلامها العميق والواسع وتؤمن أنها ستجد تلك السفينة مهما طال الزمن...
