انا تلك هي...
انا تلك المحاربة التي مهما واجهت ستستمر لن تتوقف ولن تستسلم لن تحني رأسها ،
انا تلك هي الأنثى التي تخشى الحب وتبحث عنه انا تلك التي تبحث عن سفينة النجاة في منتصف بحر أحلامها العميق والواسع وتؤمن أنها ستجد تلك السفينة مهما طال الزمن...
بالنسبة الطول البارت الصراحة بنات اني مبتدئة وبديت القصة واني ما عندي ولا متابع فيعني هاي قدرتي حاليا يجوز من احترف بالكتابة اكثر واتعود عليها راح ازيد من طول البارت يعني اني هسة اتعب من اكتب ٨٠٠ كلمة مثلا و دا اوصلها لل ١٦٠٠ مو سهل هذا الشي بالنسبة اليه فطبيعي بعد مدة ان شاء الله اتطور ويصير عندي قابلية اكتب اكثر وبالنسبة للاحداث هم نفس السبب هاي قدراتي البسيطة 😅😅 والتنزيل راح يكون ان شاء الله كل يومين بس احيانا ممكن ما الحگ او يصير عندي ضرف فتنزل كل ٣ ايام ، اعرف مقصرة البارت قصير واحداث قليلة ومدة التنزيل طويلة بس يا بنات الكتابة مو شغل يعني مو مهنة هي موهبة عندي ودا احاول اطورها خاصة انو اني طالبة جامعية تخصصي طب عام وانتو تعرفون شگد صعب هذا التخصص يعني اني مو دا اكتب بوقت فراغي لان اني فعلياً ما عندي وقت فراغ بس اتجهت للكتابة بسبب الافراط بالتفكير اللي عندي وگلتلكم موهبة وشي لكيت نفسي بي. اتمنى انو تشجعوني وتوگفون وياي وتكونون خوات الي وصديقات مو مجرد متابعات اني محتاجة دعمكم وهم اللي ميعجبها التنزيل والقصة بشكل عام عادي ما عندي مشكلة والله بالنهاية هي آراء وكل من حر برأيه
