الحلقة العاشرة.....،،،،،،،،
(حقائق وحوادث)
بعد ساعات قليلة وصلت سيارة هند ورعد إلى منزل هند، صعد كلاهما الى المنزل، طرقت هند الباب وفتح لهما شقيقها عبدالرحمن
رعد بمزاح: بودى حبيبي الصغير
عبدالرحمن: يا رعد اخيرا نورتنا يا بنى عاش من شافك
رعد بغرور: مشاغل يا بنى وشهرة بقا والناس مش بتسيبنى فى حالى
عبده بضحك: أنت هتقلي على الشهرة بأمارة البت اللى حلقتلك صح وغمز فى نهاية جملته
رعد بلوية فم: أنت وصلت للمزة اللى حلقتلى كمان الله أكبر
هند بانزعاج: ممكن يعني نعدي يا أخ منك ليه ولا هبات على الباب
عبده: ادخلوا ادخل يا رعد لتقتلنا
دخلوا للداخل وبالطبع خرجت زينة من المطبخ لتلقي رعد
زينة بسعادة: أهلا وسهلا يا رعد يابنى عامل ايه؟
رعد بابتسامة: الحمد لله يا أمى، امممم وصلتنى أخبار غير مؤكدة عن عمايل مكرونة بالبشاميل فى البيت المصون الطاهر الشريف دا فهل اللي سمعته صح؟
زينة بضحكة: يوووه أنت لسه مبتحبش المكرونة
رعد بضحك: ولا أحب سيرتها حتى
هند: يا ماما سيبك منه اكلها أنا يا حبيبتى ولا تتعبي نفسك
زينة: بس يا بت أنا عملت النهاردة كل اللى بيحبه رعد
رعد: تسلم إيدك يا ست الكل
هند: اوك اسيبكم أنا بقا وادخل أغير هدومى سلام
رعد: تمام يا حبيبتى ادخلى
دخلت هند لغرفتها وابدلت ثيابها إلى عباءة منزلية خفيفة وربطت شعرها على هيئة ذيل حصان وخرجت كى تساعد والدتها فى إعداد الطعام
رعد بمزاح: أبت يا هند
هند بتركيز: ايوا يا رعد
رعد: عايز حتة من اللى فى ايدك
هند بخبث: حاضر يا غالى يا ابن الغالية
ابتلع رعد ريقه وقال: لا خلاص شكرا ماما زينة هتجيبلى روحى انتى وشعرك الاكرت دا
هند بتتنيحة: شعر اكرت ايه يا اخويا أنا شعرى دا ولا شعر ملكات العالم يابنى، أنا سلعة مستوردة وخطفونى تقريبا
زينة بمقاطعة: طب ادخلى يا مستوردة وكملى الكفتة بدل ما اخلى المستورد شبه المحلى
هند بضحك: لا خلاص شكرا سلام يا أبو الرعود
زينة: ربنا يصبرنى ويعوضنى فى خلفتى الهبلة ديه يارب
رعد بضحكة جذابة: هند دمها عسل فى البيت لكن بره سبحان الله متختلفش عن لوح الخشب
هند بصوت عالى: سامعاك لم لسانك
زينة بتحذير: بطلى تلميع اوكر يا حبيبتى
ضحكت هند على حديث والدتها وأكملت ما كانت تفعله.
___________________________________________
داخل غرفة مصطفي فى المشفي، يجلس على الفراش والحزن ملأ معالم وجهه، فى مقابله صديقه يوسف.
يوسف: يعنى هتخرج بكره خلاص؟
مصطفى: ايوا يا يوسف خلاص
يوسف بضيق: طب أنت ليه مضايق اوى كدا؟
مصطفى بكسرة: طلع خطيبها، رعد طلع خطيبها يا يوسف
يوسف بصدمة: اي؟ ازاى؟
مصطفى: زى الناس، أنا خلاص هنساها وهكمل وأعيش حياتى زى ما هى نست وعودها وعاشت حياتها
أنت تقرأ
عشقي الألماسى ( قيد التعديل)
Misterio / Suspensoفقط هو وجدها فى قاع محيط الحب تخبئها الصدف داخلها حتى عثر عليها فأصبحت هى لؤلؤته الثمينة. هى وجدت صائدها اخترق صفوفا وحارب كثيرا كى يصل لها، وجدت الطيبة تختبئ خلف قسمات وجهه الصارمة، وجدت قلبا ذهبيا خلف صدره اليابس فأصبح هو ألماسها. هو عشقها الألماس...
