عشقي الألماسى ( قيد التعديل)

الحلقة الحادية عشر

الحلقة الحادية عشر،،،،،،،،،،،،
(علاقات❤❤)

اشرقت الشمس وبدأت خيوطها الذهبية تتسلل بخفة من نافذة غرفتها، كان والدها يقف أمام الفراش وينظر لها بحنية وابتسامة صغيرة تزين شفتيه.

ابراهيم بحنان: حبيبة قلبي! كبرتي وبقيتي عروسة زي القمر وشكلك هتعجزيني بدري، ربنا يحفظك ليا انتي واخواتك، انتي بنتي الأولي وليكي اكبر معزة فى قلبي يا هنودة.

قبل جبينها ثم استقام خارجا من الغرفة فى حين أن ابتسامة صغيرة شقت وجهها لتتنهد براحة وتكمل نومها.

ساعة واستيقظت هند بنشاط كبير، ذهبت إلى المرحاض وأخذت شاور سريع ثم ارتدت ملابسها التى كانت عبارة عن دريس باللون الاسود مع حزام باللون الابيض وخمار ابيض وصندل ابيض ثم خرجت واستأذنت من والدها ثم نزلت كى تذهب الى عملها.

ركبت سيارتها وبعد لحظات لاحظت أن هناك سيارة تتبعها ولكن هى الآن فى شكلها الحقيقي ولن تستطيع استخدام المسدس لحمايتها بسبب وجود المارة فى الطريق.

انطلقت سريعا حتى وصلت إلى منعطف طرق وكانت فى تلك الأثناء تتصل برعد
رعد: ايوا يا هند فى ايه؟
هند بتوتر: فى عربية بتلاحقنى وأنا دلوقتي بشكلى مش بالقناع
رعد بسرعة: أنا جاى حالا

استمرت بالقيادة بسرعة حتى وصلت إلى بداية مدينة القاهرة وحينها ظهر رعد بسيارته السوداء المفيمة وبدأ يسير باتجاه السيارة التى تلاحق هند

انحرف رعد بالسيارة لتقف أمام السيارة التي تلاحق هند منذ منزلها، فتح الباب وخرج فهد من السيارة وهو ينظر لرعد بتحفز وكأنه سرق شيئا عزيزا عليه.

رعد باستغراب: فهد!! وأنت ليه بتلاحق هند؟
فهد بتعجب: أنت اللي موجود هنا ليه؟ مش المفروض بتحمى اللؤلؤة؟
هند بتوتر: أنا اتصلت بيه لما شفتك بتلاحقنى
رعد بغضب: أنت ليه كنت بتلحقها كدا؟
فهد بعملية: أنا مكلف بحماية هند ومصطفى بسبب العملية الجديدة

نظرت هند لرعد بمعنى' اذا بدأ الامر '
رعد بجدية: أنت أهتم بمراقبة وحماية مصطفى لكن هند أنا مكلف بحمايتها
فهد باستغراب: ازاى وأنت مكلف بحماية اللؤلؤة؟
رعد بثبات: أنا مكلف بيهم هما الاتنين وكمان اللؤلؤة محصنة نفسها وصعب حد يوصلها لكن هند عرضة أكبر للخطر عشان كدا أنا بحميها

فهد برفع حاجب: ممكن انت تراقب مصطفى وانا ههتم بمراقبة وحماية هند
هند بجدية: لء أنا عايزة رعد يكون مكلف بحمايتى ومش حد تانى
فهد بتعجب: وليه هو بالذات؟
هند ببرود: عشان أخويا
فهد بتتنيحة: نعم!! اخوكى منين انتى معندكيش غير اخين بس

هند: رعد يكون أخويا فى الرضاعة يا فهد
فهد بفهم: تمام خلاص، آسف للازعاج أنا هروح لمصطفى
هند برجاء: راقبه واحميه كويس ولو بروحك يا فهد
فهد بابتسامة: أكيد يا هند مع السلامة
رعد: مع السلامة
___________________________________________