🔞 عشقت سادي 🔞

الحزء5

⚡عشقت سادي⚡
صبح صباح جديد على أبطالنا
جود فاق دار روتينو الصباحي وشد الطريق لشركتو خدم شوية تا وصلو خبار بلي جداتو سخفات خلا كولشي ومشا عندها بعدما وساهم يسيفطو ليهم شي ممرضة
عند صفاء يلاه فاقت لقات راسها تعطلات دغيا ناضت ملقات تا واحد خالتها مشات عند العروسة محمد مشا للخدمة دغيا غسلات مشطات شعرها ومشات كتجري ركبات فموطورها باش توصل دغيا
بعدما وصلات لقا الدكتور إسماعيل واقف ليها فالباب دخلات مخلا ما سمعها
إسماعيل :هادشي مبغيتش نعاود نشوفو وكا عقوبة ليك غتمشي عند واحد المرا باش دگي ليها البرة وتعبري ليها طونسيو فدارها يلاه وجدي راسك
صفاء:اخر مرة ايتعاود هادشي صافي أنا غنمشي
إسماعيل:غيجي ليك الشيفور ديالهم باش يوسلك وجدي الأدوات لي غتحتاجي...
عند جود وصل الدار لقا جداتو مغيبة مبغاتش تفيق والممرضة باقا موسلاتش
جود:ولكن اش هادشي ساعة وماسيفطو تا وحدة تاتجي غندمها
بعد نصف ساعة وصلات الممرضة وناض جود باش يشبع فيها معيور مع غيحل لقا آخر واحد كان كيتوقع يكون تما
صفاء تصدمات ملي لقاتو تما:نتا اش كدير واش خدام هنا
جود:رانتي لي جايا تخدمي ولاش معطلة معندكش ذرة ديال المسؤولية
صفاء:سمح ليا أسي جود ولكن دابا نتا لي كتعطلني حيد من طريقي
ضربات فيه وزادت
شدها بجهد من يديها وخبطها مع الحيط وحاصرعا بيضيه
جود؛ملي نكون كندوي خاص تسنايني تا نكمل عاد تمشي سمعتي ولا مغيعجبك حال
صفاء كانت باغا ترد عليه ولكن غتخسر خدمتها إلا دوات وخوصوصا هي خاص توفي حق خالتها وتخليها فرحانة بيها داكشي لاش فضلات تحني راسها وتسكت
صفاء؛واخا دابا نقدر نمشي نكير خدمتي
جود تصدم حيت عارفها مكتسكتش ولكن دابا كتهمو غا جداتو صفية
"صفية الغاشي" مرة ضريفة فالتمنينات من عمرها مريضة بالسكار ومشلولة ..
ماشي جدات جود الحقيقية غير رباتو فالخيرية لي كان فيها وملي خرج وكون راسو رجع عندها وداها معاه حيت كانت كبرات فالعمر
دخلات صفاء عند لالة صفية دكات ليها البرا حيت لقات السكار طاح ليها من بعد ما فاقت عبرات ليها طونسيو وعطاتها مهدأ باش ترتاح خلاتها وخرجات من البيت لقات جود واقف فالباب طمناتو عليها وعطاتو وصفة الدوا لي خاصها كان جود خارج باش يجيب ليها الدوا ووقفاتو صفاء
صفاء:كيما كتعرف نتوما لي جبتوني ومكيدوزوش الطاكسيات من هنا
قاطعها جود:قولي شنو بغيتي بإختصار
صفاء:بغيتك توصلني معاك
جود:يلاه ركبي وبلا قوة الهضرة
ركبات صفاء وبقاو غاديت والصمت هو سيد الموقف تا نطقات صفاء ؛ماماك باينة فيها ضريفة وخاصها عناية كثيرة
شاف فيها جود مطول وقال
جود؛لا هي ماشي الأم ديالي
صفاء:وشكون
جود؛صافي راك وصلتي تقدري تهبطي
مدات ليه صفاء ورقة كانت عندها
صفاء:هادي نمرتي إلا طرات شي حاجة للالة صفية علمني
خداها جود وزاد مخلي العجاجة وراه

...