🔞 عشقت سادي 🔞

الجزء42

أما هو بقا واقف حدا دارهم شحال كيفكر وكسيرا نيشان للمقبرة موقفش دماغو على التفكير تا كان گالس حدا قبر مو
جود؛ مي توحشتك(تحنا حدا قبرها وجلس)
جود تنهد؛مي أنا عارفك مني حيت مكنجي عندك حتى كنكون معصب ولا شي واحد قلقني ولكن را نتي لي عندي ودابا أنا لي غالط ماشي بحال آخر مرة(تنهد)عقلتي آخر مرة جيت عندك كانت هاديك ال**بة،أمم سمحي ليا خسرت الهضرة حداك ولكن هي را بصح مكتسواش كان هامها غي الفلوس(ضحك بفقصة وهو كيتفكر)
فلاش باك
قـبـل 7 ســنــــوات🎈
كان ديك الساعة جود وأركان وحتى هدى يلاه هاجروا لأمريكا ويلاه كيكونو راسهم كانو كارين ب3 غي دار صغيرة كيمشي جود وأركان للخدمة وهي كتمشي للجامعة..كان كيتبعها شحال من مرة بحكم بدا يتغرم بيها وكل مرة كيتصدم شافها أول مرة مع واحد الولد متقربين من بعضياتهم ...تجرح ولكن قرر يخليها تعيش حياتها وميكونش عائق بالنسبة ليها...ولكن فاش شافها كل مرة مع واحد وكل مرة فطوموبيل فهم بلي تابعا غي الفلوس وبايعا لحمها رخيص حقد عليها ديال بصح وشحال من مرة قرر يجري عليها ولكن كدوز على وجه صفية وفاش ولا عندو الفلوس وأسس مجموعة من الشركات عاد ولات كدور بيه وولا هامها....تنهد مرة أخرى وهو كيلعبفتراب قبر مو..
جود؛ ولكن دابا جيت وأنا الظالم ولكن أمي نتيعارفاني ماباغيش نكون هكا أمي مبغيتشولكن هو لي عقدني(ضحك بإستهزاء) ولكن هو تحت التراب ومرتاح ومخليني كنخرج السم لي زرع فيا فالناس لي كنبغي ولي كيقرب ليا كيتحرق بالعافيا لي هو شعلها آممم أش باليك الوليدة نفكرك بشي يوم من الأيام لي عشناها
غمض عينيه وهو كيتفكر فاش كانت عندو 8 سنوات كان الليل وكانت الشتا بزااف كان جاي للدار وحوايجو موسخين بالخدمة فالسوق كيبيع الميكات وكيهز التقدية للعيالات باش

وكيهز التقدية للعيالات باش يجيب ماياكل هو والأم ديالو مع كيحل الباب كيشوف المنضر لي مولف تصدم فقط حيت باه زاد فيه هاد المرة...كان باه كيضرب مو بسنسلة ديال الموطور وباينا فيه سكران وهي كتغوت تحت منو لربي لي خلقها..جا جود كيجرو من رجلو باش يبعد وهو يطلق منو وداز ليه وهو كيضرب فيه وكيسب فيه
الأب؛جيتي البرهوش ووليتي باغي ضربني گاع ليوم نرد ليك ظهرك رطب من كرشك..
بقا كيضربو وهو عاطيه بالظهر وكيبكي عندو ياكل العصا أهون من أنو يشوف مو كتضرب ما وقف تا ولا ظهرو كامل دم وآثار داك النهار باقين فظهرو لحد الأن ومو كتشوف كبدتها كتشوا قدامها وماقاداش تنود بسبب العصا لي كلات
نورا:بعد ليا من ولدي غتقتلو وكيما عقدتيه الله ياخد فيك الحق أهئ ياربي حفظ ليا ولدي
الأب:هو أصلن باينا غيطلع ماشي راجل اللهم نقتلو دابا
جود؛ لا أنا راجل نتا لي ماشي راجل
الأب:ياك البرهوش هادي غا الضسارة ديال مك ولكن لقيتوني ممساليش خاصني نمشي نضبر على شي قح*ة تنشطني فهاد الليل أرا البرهوش نشوف شنو جبتي
هزو من كتفو وكيقلب فيه وخدا ليه فلوسو كاملين ولاحو فالأرض .
جود؛ لا فلوسي
الأب:دابا ولاو فلوسي
جود؛ عافاك أبابا راهوما باش غنشري لمي الدوا وناكلو عافاك فيا الجوع
وشدو من رجلو كيطلب فيه وباه ركلو برجلو تا وصل عند مو..
الأب:موتو گاع وسمع مانتا ولدي ما أنا باك وترجل شوية متبقاش طلب كي الولية ال*امل
وخبط عليهم الباب وخرج
عنقات نورا جود وبداو كيبكيو على الحگرة لي كيعيشهم فيها كل نهار
تنهد بتعب ومعاها هبطات دمعة حارة من عينو
جود؛بغيت نفكرك فشي نهار زوين ولكن مكاينش ...بغيت نسولك أمي واش أنا بحالو اه بصح أنا بحالو تا أنا ضربتها ولكن متقلقيش مني أنا عارفك كون كنتي عايشا كنتي غتغوتي عليا بزااف حيت حطيت يدي