وجدات ليهم الفطور سالا جود الدوش ديالو لقا حوايجو فوق السرير وحاطا حداهم تا الساك لي غيدي معاه بتاسم بحب كيعجبو بزاف الإهتمام ديال صفاء ليه....لبسهم كانو عبارة عن شوميز كحلة وسروال رمادي...رش ريحتو وخرج عندها لقا الفطور فوق الطبلة وهي گالسة كتشرب القهوة كي عادتها شافتو وقفات وضحكات ليه...
صفاء:جاوك زوينين
جود؛ امم
قربات ليه وحطات راسها قريب لعنقو كتشم ريحتو ونطقات بصوت مثير
صفاء: ريحتك زوينة كتعجبني بزاف
جود كيحاول ما أمكن يتحكم فراسو
جود؛:غي هي لي زوينة
صفاء هزات فيه راسها وضحات: تا أنا زوينة
جود ضحك تا هو:وشكون كذب عليك
صفاء بغنج: يااااك دابا أنا خايبة
جود؛أشنو غتبكي
صفاء: زيد زيد تفطر ولا عندك واحد الضحك باسل
جود عرفها تفقسات ضحك عليها وگلسو فطرو فجو زوين مليء بالحب كيف ديما....ووصل الوقت لي خاص جود يمشي فيه....وقف جود وتبعاتو صفاء.ناضت عندو بقات كتشوف فيه تا تلاحت عندو وعنقاتو بجهد....
صفاء: متغيبش عليا بزااف بقا ديما تعيط ليا
جود بدا كيدوز يديه على شعرها
جود؛ دغيا غنرجع غي تهلاي فراسك
صفاء: متبقاش مع هاديك بزاف
جود؛ شكون
صفاء:هاديك هدى
جود:متعمريش راسك بيها ماشي شي حاجة لي تستاهل
صفاء هزات راسها فيه وهي باقا معنقاه
صفاء:زعما
جود حرك ليها راسو ب آآه وهو كيشوف فعينيها
جود؛ أنا كنبغيك غي نتا
صفاء ضحكات:واخا تبغي شي وحدة أخرى غتبقا ديالي بوحدي
وتعلات باستو فعنقو وشمات ريحتو عن قرب وبعدات....شاف فيها جود ودور جود يديه على خصرها ولاحظ فمها لي باقي مجروح مبغاش يحكر عليها ٱكتفى بانه يبوس على راسها بوسة طويلة ....
📍تـّســريــع الأحــداتــــْــ📍
جود وصا صفاء باش تبقا فالدار تيسيفط ليها لي يجي يديها داكشي لي دارت....ودعاتو...غي مشا هو دخلات تجمع حوايجها باش تمشي وهي الدموع فعينيها بدات كتوحشو من دابا...جا ليها الشيفور وصلها لدار خالتها وعلماتو باش يتسناها....دغيا طلعات سلمات عليها لقات بنت عم محمد باقا لقاتها سبة نيت باش تغيب عليها تاني جمعات الحوايج لي غيخسوها وعلماتها بلي غتقابل جدات جود معارضاتهاش....مشات صفاء عند لالة صفية(جدات جود) وفطريقها هضرات مع فاتي بدات كتعاود ليها ....تا وصلات ..
إستقبلاتها زهرة الخدامة وطلعات عند صفية لي فرحات بيها بقات كتهضر هي وياها تا داها النعاس خلاتها وناضت..قادات حوايجها فالبيت ديالها تا وصل الليل........
عيطات ل جود دغيا جوبها....
صفاء:السلام إيمتا وصلتي
جود؛ يلاه دخلت للدار
صفاء: اه مزيان وكي وصلتي بعدا
جود؛ الحمد الله بيخير ونتي كي بقيتي
صفاء:الحمد الله
📍بعد 14 يوم📍
دازت هاد زوج سيمانات روتينية فالصباح صفاء كتقابل لالة صفية وفالليل عاد كتهضر مع جود بحكم هو كتكون عندو الخدمة بزاااف ...وكتبقا دوي معاه تا يديها النعاس..... ولات تنعس فبيتو وتلبس ليه حوايجو بكترت متوحشاتو .....توحشو بعضياتهم...وهاد الأيام دازت عندهم طويلة......
أنت تقرأ
🔞 عشقت سادي 🔞
Mystery / Thriller🦋قصة مكتملة🦋 قصة بقلم:صفاء الإدريسي👑 بعنوان: 🔞عــشــــــقـــت ســــــــــــادي 🔞 تتــضــمـن كـل مـن: 🍻 الرومانسية💕،، العشق💜، هوس💉 🔞🔞🔞سفالة بجرعة زائدة 🔞🔞🔞 ، 💔💔حزن💔بـكـاء💔❌تعذيب❌....... قــرائـة ممتعة🌸
