🔞 عشقت سادي 🔞

الجزء22

صفاء: غيمشي هو وأية بعد الزواج لإيطاليا ويمكن تا خالتي غتلحق عليهم افف غتنوحشهم بزاااف
جود؛ سيري معاهم
صفاء: لا ميمكنش انا حياتي هنا
جود ؛إوا گلسي
صفاء: واهاني گالسة معندي فين نمشي
جود؛ أحم تا أنا غنسافر لأمريكا فهاد الشهر
صفاء وحلات ليها الهضرة:شنو لا لا نتا كضحك ياك
جود؛ لا وأنا را مساكنش هنا
صفاء: كيفاش واش زعما مغترجعش
جود؛ أنا أصلن هادشي علاش بغيت نطلاقا معاك حيت بقات ليا سيمانة ونمشي
صفاء ضحكات وهي مفقوصة:
وشنو دابا ياكما جاي تودعني
جود؛ غي گلت وحنا باقين غنتلاقاو قبل منمشي
صفاء:لا واش نتوما قررتو تبعدو عليا فدقة ميمكنش
جود؛ أنا حياتي بنيتها لهيه
صفاء فهمات بحالا عندو حبيبتو وكولشي تما سكتات شوية ونطقات:جود يلاه نمشيو صافي تعطلت
جود؛ اك
وقفو وهزات صفاء ساكها وسبقاتو تا وصلو للباركينگ
وبقات غادا بالزربة تا لحق عليها وشدها من يديها بجهد ودورها تا خبطات راسها مع صدرو
جود؛ مالك غادا مسابقا معايا
صفاء حانيا راسها مباغاش تشوف فيه:مماليش غي طلق مني
جود؛ بلاما تعصبي مي گولي مالك
صفاء عينيها دمعو:مماليش گلت ليك مماليش صافي غي سير سافر را حياتك تما
جود زير عليها:دابا بلاما تبقاي تقطري عليا فالهضرة جيني نيشان
صفاء وعتها وماباغاش تبين ليه بدات كدوي وهي الدموع فطرف عينها:أشنو بغيتيني نگوليك نتا باغي تمشي صافي سير
جود زاد جرها من يدها وقربها ليه:واش مباغانيش نمشي گوليها وهنينا
..

تا هي قربات ليه وخشات وجها فصدرو وطلقات العنان لدموعها هي بحال هاد المواقف كتكون ضعيفة بزاف
تا جود حاوطها بيديه وحط دقنو على راسها
جود؛ أوش علاش كتبكي
صفاء بصوت باكي؛ياك أنا گلت ليك منقدرش نتحمل إلا تخلى عليا شي واحد ولفتو جووود متمشيش عافاك
جود؛ أوش أنا غنمشي وغنرجع
صفاء هزات فيه راسها:ولكن نتا گلتي حياتك تم
جود؛ اه بديت حياتي تم
صفاء: يعني عندك ناس كتبغيهم تما ياك
جود فهمها شنو بغات تقصد:لا أنا معندي تا واحد تم
صفاء مسحات عويناتها بحال شي درية صغيرة:إوا صافي بلامة تمشي
جود؛ غنمشي نقدي شغلي تم ونرجع مغنتعطلش
صفاء: وغاتبقا تهضر معايا ديما
جود؛ اه
صفاء تبسمات؛واخا
وصونا تيليفونها كانت أية بدات كدوي معاها
آية:أويلي راك غرقتي ومحمد كيعط ليا مبغيتش نجاوبو غي باش ميعيقش
صفاء ؛راني دويت معاه
آية:يلاه أجي حنا فالباب اللوراني ديال المول
صفاء ؛امم واخا
وقطعات
صفاء: ياله بسلامة عليك ونهار العرس نتشاوفو المهم بيناتنا تيلي
جود شد وجها بين يديه وتحنا عندها وباسها من حنكها بوسة خفيفة وهز راسو فيها بقات كتشوف فيه تا نطق هو
جود؛ بسلامة
شافت فيه وتعلات وردات ليها قبلتو ببوسة طويلة فحنكو
صفاء ؛تهلا فراسك
وردات شعرها ورا ودنها وزادت وهي فرحانة وفنفس الوقت مقلقة حيت غيسافر

جود بقا كيشوف فيها ومبتاسم تا غابت عن أنظارو ركب فلأوطو  ديالو ووجهتو الشركة وهو بالو كلو معاها ..
عند صفاء
وصلات عند البنات وطلعات وهي كتبسم تا نطقات آية
آية؛بسملاه عليك
فاتي؛ تي هادي ماالها مصدومة
صفاء:مالكم حاديني مبقا تا واحد يفرح ولا شنو يخ
فاتي؛صافي صافي بلاما تبداي تاني
آية:أجي گلتي ليا دويتي مع محمد شنو بغا
صفاء ؛غي علمني باي غنمشيو أنا وياه للمقبرة نزورو عائلتي
آية؛ااه
صفاء ؛وراني عرضت على جود للعرس كيما گالت ليا خالتي
فاتي ؛تا أنا غنعرض على أركان
صفاء ضحكات؛رااني عايقة بيك
آية:وا باز ليكم
صفاء: أشنو درتو فالكسوة ديال العرس
آية:غنكومونديو عليها حسن
صفاء: اه حسن
آية:إوا ياله نمشيو تعطلنا
مشاو لدار وبداو كيشوفو فداكشي لي شراو
وفاتي عيطات لأركان علماتو باش يجي تا هو ماشي من العاگزين دغيا قبل وبقاو هكاك من شغل لشغل تا طاح الظلام ونعسو
فجهة أخرى ❤
كان گالس جود فدارو كيشرب مشروبو المعتاد وكيفكر فصفاء لي مبقاتش كتفارق التفكير ديالو تا دخل عليه أركان
أركان؛وافين أصاحبي كنتي غابر فالصباح
جود؛علاش أش بغيتيني
حيد أركان تيشيرت ديالو وگلس
أركان:واغا سولنا فيك
.
جود؛كنت مع صفاء
أركان:هي غتكون عرضات عليك
جود؛ اه وشكون گالها لك
أركان:فاتي لي گالتها ليا وعرضات عليا
جود؛ ولعفو أصحبي فين مامشيت نلقاك لاصق ليا فكري
أركان:وااايلي را خويا نتا وغتمشي بعدا
خدا جود رشفة من كاسو ونطق
جود؛ ااه
أركان:وا ناري بدلاتك هاد صفاء أصاحبي
جود؛ دخول سوق كرك أ**ي
أركان:واغا لي بغا يدوي معاك نتا هانا غادي نعس گاع
جود؛ غبر غبر
غي طلع أركان سرح جود يديه على لفوطوي وهز راسو الفوق وتفكر گاع لي طرا ليه مع صفاء اليوم وبدا كيبتاسم حيت عارف ومتأكد بلي بدات كتميل ليه ولي عاجبو فيها أنها متكخبيش هادشي
⛅أصبحنا وأصبح الملك لله⛅
مع 6:00🌻
فاقت صفاء دخلات للدوش توضات وصلات صلاتها لبسات جلابتها دارت شالها خرجات من بيتها شربات قهوتها فهدوء حيت كولشي باقي ناعس..
هبطات بان ليها محمد راكب فاللوطو ديالو كيتسناها ركبات سلمات عليه سولها على أحوالها وعلى آية بقاو كيهضرو تا وصلو للمقبرة فين مدفونين عائلت صفاء أو بالأحرى روحها
وقفات صفاء خدات نفس عميق
محمد مقادر يگول ليها والو عارف واخا معرت شنو يدير ميقدرش يخفف عليها مشا حط الورد حظا راس كل قبر ووقفو الوسط قراو عليهم ما تيسر من القرآن وبعد محمد كيما كيدير كل مرة خلاها تعاود حدا قبر خوها باش كاتحس باش تخوي قلبها
گبسات صفاء حدا قبر خوها صفاء بصوت مخنوق بالدموع: خويا تعطلت عليك غي سمح ليا عنداك يحسابليك نسيتك را غي كنت مريضة ولكن عنداك تخلع راني بيخير وراك عارفني قوية
"حطات يديها على التراب وبدات كتلعب بيه بيديها"
عرفتي أخويا تلاقيت بواحد الراجل كيشبه ليك بزاف فطبعك وفكولشي وعرفتي أنا كنبغيه بزاف ومكرهتش نكمل معاه حياتي غيجيك هادشي فشكل ولكن هادشي باش كنحس وشي نهار غنجي أنا وياه باش تشوفو
"تحنات وحطات راسها على تراب"
وغتبقا نتا أحسن راجل عرفتو فحياتي
...يتبع