جود ضحك تا ضرو فمو وبقا كيشووف فيها مطول عاد نطق؛امم ونتي لاش تعصبتي
صفاء؛هكااك
جود؛ امم ولا ياكما كتغيري
صفاء ؛هاا أنا علاش وعلامن غادي نغير انا اويلي
جود؛ إوا معرت
صفاء: هاد الحمارة هادي ضيعات ليا وقتي وعصباتني غي هكاك يخه وكملتيها نتا مخليتينيش نكمل شغلي
جود؛ صافي بقا ليك غا تبكي راك ضربتيها واهنينا الحگارة
صفاء: شتي على هاد الهضرة ومنگبيلا ونتا ضحك والله هاد المرة واخا نشوف شي وحدة باغا تغتاصبك مندويش
جود؛ دابا شي وحدة تغتاصبني أنا مالي سميتي زوبيدة
صفاء ؛زعما غا نتوما لي كتعرفو تغتاصبو هانتا كيما تحرشات بيك هادي ليوم غدا تغتاصبك شي وحدة أخرى
جود؛ يلاه صافي جمعي راسك ولينا فتخسار الهضرة
صفاء ؛إوا أنا غا گلت ليك
جود؛ صافي بدلي الموضوع فين نمشيو دابا
صفاء: معدنا فين نمشيو غنبقاو غي فالمول
جود؛ وعلاش
صفاء؛حيت كيما گلت ليك جينا نتقداو لآية وميمكنش يرجعو بلا بيا للدار ضروري خاص نرجع معاهم
جود؛ على نتي دابا قد هاكا باقا كتخافي من خالتك
صفاء: لا هادا ماشي خوف غي أنا هاكا تربيت كتجيني حشومة نخرج وميعرفوني فين مشيت بطبيعة الحال وتا ديك المرة فاش كنت غنخدم عندك فالدار بزز باش قنعتهم
جود؛زعما معمرك درتي شي علاقة
صفاء بغات تبان واعرة؛لا عادي كنديرهوم بغيتي نعرض عليك سمياتهم واخا معاقلاش على كولشي حيت كثار
جود هز حاجبو؛أهاااه كتار گلتي وشنو كنتو كديرو
صفاء: كيفاش زعما
جود؛ شنو كنتي كديري نتي ودوك صحابك
صفاءفهماتو؛ااه إوا داكشي حشومة نگولو ليك
جود؛اه مزيان
صفاء: إوا دابا غنبقاو گالسين هنا
جود؛ إلا باغا دوري سيري عند دوك صحابك لي معاقلاش على سمياتهم
صفاء ؛هاااء مالك مالك هاكا
جود مفقوص؛هبطي نمشيو
هبط وخبط عليها الباب عاد تبعاتو
صفاء: وامالك دغيا تگلبتي
جود؛ مماليش صافي هنينا
صفاء؛افف واخا فين غنمشيو دابا
جود؛ أنطلعو نشربو شي حاجة باش متخلعش عليك خالتك(وورك على هاد الجملة الأخيرة)
صفاء ؛ام واخا ومتبقاش تزرب فالمشية را رجليك طوال
جود؛ وعلاش متگوليش نتي لي رجلك قصار
صفاء ؛لا منسمحش لك أنا را طويلة غا نتا لي زايد فيه
جود؛ صافي زيدي وسكتي
طلعو للفوق كانو غيگلسو فواحد القهوة وهي تلاحظ صفاء بلي تا آية وفاتي گالسين بغات يمشيو من تم قبل ميشوفوهم حيت غيديرو ليها الشوهة
صفاء: لا لا جود معجبنيش هنا
جود وقف تقابل معاها وباينا فيه معصب:أجي نتي بحلا غتولي تسيريني
صفاء: لا لا غي هنا خايب عرفتي لهيه واحد القهوة زوينة
بزاف
جود؛ وباش عرفتيها زوينة كنتي كتجي ليها نتي ودوك صحابك
صفاء ؛لا كنت كنمشي ليها أنا وخويا (وحنات راسها وهزاتو دغيا وتبسمات)نمشيو
جود عارفها غترتاح تم:صافي يلاه
صفاء بفرحة:يلاااه
مشاو غا گلسو مقابلين مع بعضياتهم وهو يوصلها ميساج من عند آية
💬بقات ليك غا ساعتين💬 قراتو وتنهدات حيت مساخياش بجود
جود لاحظ التنهيدة لي دارت بعدما وثلها داك الميساج وسولها
جود؛شنو كاين
صفاء: والو غي آية كتفكرني بالوقت
قبل ميجاوبها وقف عليهم السيرڤور(نادل)
السيرڤور:أشنو تشربو أسيدس
جود؛ قهوة
صفاء: تا أنا بغيت قهوة كحلة وبلا سكار
جود كيدير فيها دوك شوفات ديال واش منيتك
السيرفور مستغرب:اه اه واخا
بعدما مشا دوا جود
جود بتعجب؛واش نتي متأكدة بلي بنت
صفاء: ها علاش مالي
جود؛ عمري شفت شي بنت طلبات قهوة كحلة تال دابا
صفاء؛اه هادوك لي كنتي كتخرج معاهم مكيشربوهاش
جود؛ اه تماما
صفاء مفقوصة:إوا أنا ماشي بحالهم
جود؛ دابا غا بيناتنا واش نتي غتقدي على قهوة مرة
صفاء؛را يوميا كنشربها
جود؛ اه دابا فهمت علاش كتعصبي دغيا
..
..
أنت تقرأ
🔞 عشقت سادي 🔞
Mystery / Thriller🦋قصة مكتملة🦋 قصة بقلم:صفاء الإدريسي👑 بعنوان: 🔞عــشــــــقـــت ســــــــــــادي 🔞 تتــضــمـن كـل مـن: 🍻 الرومانسية💕،، العشق💜، هوس💉 🔞🔞🔞سفالة بجرعة زائدة 🔞🔞🔞 ، 💔💔حزن💔بـكـاء💔❌تعذيب❌....... قــرائـة ممتعة🌸
