شاف فيها مطول سموريتها كتاخد العقل وعاد جسمها رياضي بإمتياز وكرشها لي مشدودة علاش لا وهي مدمنة على شي حاجة سميتها الرياضة.. قاس كرشها بشويا لقاها قاصحة
ضحك وقال:امم قوية
وجبد من الساك تيشرت كحل مفضفض وسروال سيرڤيط گري تا هو مفضفض...
لبسهم ليها وقادها مزيان فبلاصتها وغطاها...
دخل دوش دغيا...خرج لاوي عليه فوطا وتفكر نهار شافتو صفاء هكاك وسهات فيه ضحك ونشف شعرو ولبس شورط كحل فقط....وتخشا حدا صفاء.....وجرها لحضنو وباس على راسها ونعس...
كانت الساعة كتشير 1زوالا
بدات كتحل عينيها بشوية و كتستوعب راسها فين...بغات تحرك لقات راسها مشدودا ومعندها فين تحرك هزات راسها بان ليها جود باقي ناعس ومضور يديه على خصرها بحالا غتهرب شافت فيه وظهرات على ثغرها إبتسامة جميلة... حنات راسها بان ليها صدرو عاري حدا وجها حطات يديها عليه وتحسسات عضلاتو كانو قاصحين بزاف بتاسمات لا إراديا...
ولكن دغيا ختافات ديك الإبتسامة فاش شافت حوايجها..
""صفاء مع راسها:ولكن كيفاش ياك كنت لابسة قفطاني ولكن بلاتي هادو را حوايجي أش جابهم هنا أش هادشي واش كنحلم تاني بسم الله الرحمان الرحيم.. وقرصات راسها كتأكد واش حلم...
أويلي سيد هاوا مكسل حدايا أشمن حلم ولا نبگ أويلي وشكون لبسني ويلي على فضيحة غنتصطا افف""...
بقات كتفكر تا ضرها راسها ساست من دماغها گاع الأفكار الخايبة كترت التفكير تدرها فراسها...
شافت فجود وسهات فملامحو غي من وجهو كيبان جدي و"حرش" وهادي أكثر حاجة كتعجبها فيه كتبان فيه الراجل لي تقدر تعول عليه وتحط عليه الراس وتعيش معاه فأمان ويقدريعوض ليها نقص الي عندها
حطات يديها على خدو وبدات كتأملو كثر وكتبتاسم....تا بدات كتهضر بلاما تحس
صفاء بصوت حنين:شحال كتكون زوين ونتا ناعس (وبدات كتحرك يديها على خدو) زوين بزااف (تعلات بشوية وباستو فلحيتو قريب لفمو)....
كان جود كيسمع كولشي... غا باستو غفلها وقلبها تحتو تاقفزات..
جود بصوت باح بسبب النعاس؛امم عاارف راسي زوين
صفاء ضحكات:هه شكار راسو عاد داز من هنا
جود؛ لا را سمعتك نتي لي گلتيها
صفاء: إوا ماشي غا لي گلتها خاصك تيقها
جود؛ أهااه هي كتكدبي عليا
صفاء ضحكات: هه غي شوية
جود؛امم ودابا غتگري
صفاء: باش غنگر
جود بدا كيرها فكرشها وهي كضحك بجهد
صفاء وهي كتموت بالضحك: صافي عافاك غنمووت غنموت
جود كيضحك عليها؛ يااله گريي گولي واش كتبغيني هاا !!
صفاء صافي تشتات بالضحك تابداو كيهبطو ليها الدموع: وااه كنبغيك كنبغيك غي زگاا
جود حيد يديه وشاف فيها
جود؛ يلاه بوسيني كيما درتي قبيلا باش منبقاش نهرك
صفاء باقا كضحك:غي متعاودش واخا فين نبوسك؟
جود شار بيدو على خدو:هنا
صفاء ببتسامة:أرى
قرب ليها جود وعطاها حنكو وهي شدات راسو بيديها ودوراتو وطبعات قبلة حنينة وخفيفة على فمو...
صفاء كتشوف فيه بنظرة مخلطة بين الخجل والحب:هنا حسن
جود ضحك؛دابا نتي لي جبدتيني
صفاء: علا...
قاطعها بقبلة سخونة على فمها بقا كيجبد ليها شفتيها بجهد دورات يديها على عنقو مقرباه ليها وكتحاول تجاوب معاه ووخا كان كيوعتها كتحاول تصبر....
📞قاطعهم صوت تيليفون جود لي كيصوني
بعد عليها وهز تيليفونو
وصفاء متبعاه أش كيدير وكتحس فنفس الوقت بالخجل والفرحة والفراشات كيلعبو فكرشها كانت كضحك تا سمعات هضرتو لي قلقاتها...
كانت كضحك تا سمعات هضرتو لي قلقاتها....
جود وهو كيهضر فالتيليفون وعاطيها بالظهر.
جود؛ اه... غي وجد الوراق لي خاص ندي.... امم.... بقات 3 أيام عارف غي قطع ليا البيي ديال الطيارة....وتيليفوني غنخليه طافي هاد الأيام....لا تال نهار نبغي نمشي وجيبهم ليا للمطار....إلا كانت شي حاجة ضرورية سيفطها ليا فالإيميل ديالي....""وقطع""
غير قطع حس بيدين صفاء محاوطينو من صدرو ورجليه دوراتهم على خصرو من اللور بحالا باغاه يهزها....
لاح التيلي على السرير وحط يديه على يديها....وهي خشات راسها فعنقو
صفاء بقلق:مغتعطلش ياك
جود؛ لا ماشي بزاف
صفاء بدلع:شحال
جود؛ 3سيمانات
صفاء مصدومة:شناوا كتفلا عليا
جود؛ كنت غنگلس شهر
صفاء: ياك غي خدمة غتقديها وترجع
يتبع
أنت تقرأ
🔞 عشقت سادي 🔞
Mystery / Thriller🦋قصة مكتملة🦋 قصة بقلم:صفاء الإدريسي👑 بعنوان: 🔞عــشــــــقـــت ســــــــــــادي 🔞 تتــضــمـن كـل مـن: 🍻 الرومانسية💕،، العشق💜، هوس💉 🔞🔞🔞سفالة بجرعة زائدة 🔞🔞🔞 ، 💔💔حزن💔بـكـاء💔❌تعذيب❌....... قــرائـة ممتعة🌸
