🔞 عشقت سادي 🔞

الجزء7

عشقت سادي🍺

تعريف🌸
"أركان العمراني 26سنة شريك جود فمعضم شركاتو شخصيتو مرحة وكيما كنقولو طاالقها تسرح وعاطيها غا البنات كيحتارم الجنس اللطيف ولكن فنفس الوقت صاارم وفاش كيوصل وقت الصح كيولي جدي وكيما قلت كابر هو وجود فنفس الميتم غير جود كبر منو بعام خرج قبل منو وفاش خرج تا أركان لقا جود كيتسناه وكونو راسهم براسهم وبقرايتهم وكيعتابرو لالة صفية الأم الروحية ديالهم "
بعدما طاح الليل 🌃
*عند صفاء*
بعدما تعشات دخلات دوشات وتخشات ففراشها دق عليها محمد:يمكن لي ندخل
صفاء:اه زيد
دخل وگلس حداها فالسرير
محمد:انا الصراحة خايف عليك ونتي راك أمانة عندي وبغيت نعرف واش نتي مرتاحة فهاد الخدمة لي باغا ديري لأول مرة
صفاء براسها كتخمم واش غتقد ديرها وتصبر لهاداك المتكبر ولكن إلا بينات لمحمد مغيبغيش يخليها تاتمشي تجرب
صفاء:لا أش كتگول را گلت لك فايت ليا شفت ديك المرى مسكينة وصراحة رتاحيت ليها
باسها محمد فجبهتها وقال:المهم تكوني مرتاحة ولا قلقاتك شي حاجة عنهم علميني وعطيني التوقيت نولي نديك ونجيبك
صفاء:اك تا يعطيوه ليا
وهزات يديه الكبيرة مقارنة معاها وحطاتها على خدها وقالت:كنحمد الله حيت عوضني بأخ بحالك
بقا معاها محمد تا نعسات عاد خرج
"عند جود"
بقا فالشركة گالس وكيشرب المشروب ديالو تا تفكر صفاء ملي كانت معانقا مع داك الراجل وشعلات فيه العافية مرة آخرة ولا باغي يعرف غي شكون هو
نسا هاد الشي وظهرات إبتسامة خفيفة على وجهو بعدما تفكر أنه غيبقا يشوفها كل نهار كمل مشروبو وهو حااير وكيدوي مع نفسو جود عندااك طيح فشي حاجة لي بعيدا علك و تندمك على النهار لي شفتيها فيه بعد صرااع كبير مع نفسو ناض مشا للدار باش يريح راسو شوية

🌞طلع الصباح على أبطالنا🌞
فاقت صفاء بكري وجدات راسها وساكها ليفيه داكشي لي غتحتاج فنهارها دالخدمة فطرات ودوصلها محمد للكلينيك خدات الأدوات لي غتحتاج ووگلسات كتسناهم يسيفطو الشيفور لي غيوصلها
فهاد الأوقات كان جود گالس مع جداتو هو وأركان كيطموها بلي غيجيبو ممرضة غتهلا فيها ومبقاوش غيخلوها بوحدها
جود:"همس فودن أركان"عندك غا تحذير واحد
أركان:وا عيقتي أصحبي فاللخر غنلقاوها غا شي شارفة
جود:اه تماما شارفة
صفية:أش كتوشوشو تما
اركان:لا والو الحاجة
جود:غنمشي نصيفط الشيفور باش يجيب الممرضة
مشا جود عطا اوامرو باش يجيبو صفاء
"عند صفاء"
تقادا صبر صفاء وبدات كتصب فجود فخاطرها
صفاء:أنا ديك المرة دقيقة دار ليا عليها الشوهة ولكن دابا باينة باغي يرد ليا الصرف الله يلگيها ليه حاس براسو تفو "وأخييرا بانت ليها الأوطو لي وصلاتها ديك المرة وهي تنوض وقفات قدامها حليها الشيفور الباب دخلات ونطقات
صفاء:الله اخويا را ساعة وأنا كنتسنا واش الطريق كانت عامرة
الشيفور:لا اختي را سي جود يلاه دابا 10 دقايق باش علمني وراني وصلت قبل الوقت
صفاء تأكدات بلي جود باغي غي يرد ليها الصرف
بعد 10 دقائق تماما وصلو
نزلات صفاء ودخلات للفيلا تلاقات مع الخدامة "زهرة"
زهرة:مرحبا أبنتي أري داك الساك نهزو علك
صفاء:لا غي خليه متقيلش غي يلاه معايا وصليني لبيت لالصة صفية را نسيت عليه
هبط جود وسمعها كدوي مع زهرة
جود:لا غي سيري لخدمتك أنا غنوصلها
صفاء:سلام سي جود مكنتش عارفة بلي كتعطي مواعيد مزورة
جود؛ومن بعد أنا حر
صفاء ملقات باش تجاوبو فضلات تسكت وتبعو
.

دخلات عند لالة صفية لقاتها متكية كي عادتها سافتها فرحاات بزاف فاش شافتها ورحبات بيها
صفية:دخلي أبنتي
دخلات صفاء سلمات عليها وجلسات حداها فالسرير
صفاء:كي وليتي شوية
صفية؛الحمد الله أبنتي ونتي
شافت فجود ليكان متكي على الباب وكيشوف فيهاشوفاتو وتروها
صافاء:الحمد الله
ووجهات كلامها لجود :وااش كاين فين نحط حوايجي ولا نخليهم غا فبيت الحاجة
جود كان ساهي فيها كيفاش كتحرك فمها تا فيقاتو بهضرتها
جود؛لا اه اه كاين هو لي مقابل مع بيت الحاجة
مشات صفاء ورتبات حوايجها وهي فرحانة من واحد الناحية حيت مغتبقاش مظطرة تلبس حوايج الممرضين غير حوايجها العادين كاافين خرجات ومشات عبرات للحاجة الطونسيون ودگات ليها البرى ديال لانسولين وهي كتشكر فيها حيت مكتحسش نهائيا بيها كيما كتقول ليها يديك حنينة
..