🔞 عشقت سادي 🔞

27

جود؛ راني قررت نبقا فالمغرب وميمكنش غي نجي ونگلس خاصني نحل شحال من مشكل تما باش منبقاش نمشي بزاف
صفاء: يعني غاتبقا تمشي تما ديما
جود؛ ماشي بزاف غي مرة فالعام را ماشي ساهلة شحال من عام وأنا تما ونجي فشهر نقرر نگلس ماشي شي حاجة لي ساهلة فهميني... (سكت شويا وبدا كيحرك يديه بشويا على يديها لي معنقة بيهم صدرو).... وهادشي كامل على قبلك

وهز يديها لي على صدرو وباسها بحنان

هي منبعد كلامو وهاد الحركة لي دار زادت خشات راسها فعنقو وزيرات....

صفاء بتكبر مصطنع:عارفاك كتبغيني

جود ضحك:تا أنا عارف

صفاءضحكات بشوية:امم

باستو فعنقو بشوية تاتبورش وقالت ....
صفاء بدلع: جودي هزني

جود بعد يديها لي على صدرو وحيد رجليها لي مدوراهم على كرشو وهي متبعاه أش كيدير بنضرات تعجب....
وقف و تقابل معاها وكيشوف فيها بدوك الشوفات ديال واش منيتك زعما...
جود؛ عاودي شنو گلتي
صفاء بتعجب:هزني مقادش بلا...(قاطعها)
جود؛لا لي قلتي قبل
صفاء: ااه جودي عجباتك ياك
جود؛ كيفاش هاد جودي تاني بلاما تعاوديها مرة أخرى غندير راسي دابا مسمعتكش
صفاء: مالك عادي
جود؛ صافي دويت معاك متعاوديهاش ونوضي نفطرو

خرج سبقها...

صفاء تابعاه كتغوت :جووووووود ماالك تقلقتي

جود؛ متقلقتش سيري غسلي وجهك را وليتي كي "الباندا" وأجي نفطرو
صفاء: كيفاش الباندا
جود؛ سيري شوفي وجهك فالمرايا..

صفاء دغيا مشات رجعات للبيت بان ليها باب ديال الدوش دخلات تا كتفاجئ براسها عينيها مدوريين بالكحل....

صفاء: افف على شوهة

وتحنات غسلات وجها بالصابون مزيان ونشفاتو جمعات شعرها كعكة مهملة الفوق وخرجات من الدوش....

وهي تلمح قفطانها مليوح فالأرض وگاع مقطع وحداه مقص قدات تفهم البلان ولكن بقا فيها قفطانها....

خرجات وهي معبسة وجها بحالا باغا تبكي..

صفاء: جود علاش قطعتي قفطاني حرام عليك

جود؛ نتي لي حرام عليك ساعة وأنا مدارب معاه مبغاش يتحيد مفهمتش علاش كتكفنو راسكم فداكشي...
صفاء: أجي وحوايجي منين جبتيهم
جود؛ نتي لي خليتيهم عندي
صفاء تذكرات:ااااه
جود؛ فالبيت كاينين حوايجك كاملين
صفاء: اه و...
جود عرفها باغا تگول شي حاجة
جود؛ دوي گولي شنو باغا
صفاء نسات راسها: وممرگتيش فاش حيدتي ليا حوايجي.. (وقربات ليه بجرأة) هاا دوي
جود بتحدي؛إلا بغيت نقدر نحيدهم ليك تا دابا(وبتاسم جنب)....
صفاء لاحت عليه بداكشي لي بقا من القفطان
صفاء:مكتحشمش يخخ
جود ضحك وقرب ليها جرها بيديه من عنقها مقربها ليه
جود؛ قرييب تولفي
صفاء علات فيه عويناتها: والله ما بقيتي كتحشم
جود؛ صافي يلاه زيدي نفطرو
صفاء: وفين هو هاد الفطور مبان ليا والو
جود شار بيدو للكوزينة:هاهي الكوزينة كاين كولشي وجدي لي بغيتي
عطاتو بظهرها فطريقها للكوزينة وقالت..
صفاء:شنو كيعجبك تاكل فالفطور
جود؛ حطي غا عصير وشي حاجة خفيفة
صفاءدارت عندو: ومالك على هاد التبعصيص كامل. قهوة كحلة قاديا الغرد
جود:شربيها نتي
صفاء؛ومالي غنتسناك
جود مجاوبهاش وگلس كيتسناها تجيب ليه يفطر
بعد 5 دقائق
حطات ليه هو عصير والبيض وصايبات لراسها قهوة سادة...
جود:دابا هادي باش غتفطري
صفاء:مولفا مولفا
جود:بحالا بايتا سكرانة
صفاء: بصاااحتي
سكتو شوية ونطقات صفاء..
صفاء:إيمتا غنمشيو
جود؛معدنا فين نمشيو
صفاء:وعلاش بعقلك را خالتي غتخلع عليا ومجاتش نخليها بوحدها

صفاء:وعلاش بعقلك را خالتي غتخلع عليا ومجاتش نخليها بوحدها
جود؛ گولي ليها بقيتي مع صاحبتك وهاد الوضع مغيطولش بزاف (وبتاسم ليها)
صفاء فهماتو وردات ليه الإبتسامة وقالت فراسها على الأقل دوز معاه هاد الأيام لي باقاين ليه قبل السفر
صفاء مع إبتسامة ؛واخا
ووقفات وهي هازا معاها الكاس لي فيه القهوة ديالها مشات للبيت كتقلب تا بان ليها تيليفونها فوق الكوافوز كزاتو وبدات كتسوني لخالتها
📞📞📞
خالتها:ألوو
صفاء:ألو صباح الخير
خالتها:الظهر هادا
صفاء: هه اه لباس
خديجة:الحمد الله فين بتي أبنتي
صفاء بتوتر:ها غي عند فاتي بقينا كتنتعاود تا داني النعاس عندها ويلي وعرفتي غي فقت لقيت الحرارة ديالها طالعة وكادوي غي بوحدها داكشي لاش قررت نبقا معاها تا تصح مغتقلقيش مني ياك(وعدات على شفايفها كتسنى جوابها).
خديجة: لا غي خليك معاها ونيت بنت عم محمد غتبقا عندنا شي يامات وغي بقاي تا تمشي هي مقادة على صداعكم
(صفاء وهاد بنت عم محمد مكيتحاملوش)
صفاء: اه نيت مفيا لي يشوفها را فالعرس كنت غنطير عليها
خديجة: صافي نتي بحالا باغا تخرجي ليها من التيليفون و إلا لقيت الوقت ندوز عندكم نشوف فاطمة الزهرة كي بقات أبنتي
صفاء ؛لا أويلي... زعما نخاف عليك تعاداي ونتي صحتك على قد الحال فهمتي أما أنا مولفة
ما خلات ليها فين تجاوب ودوات صفاء...

صفاء: ياله بسلامة تيليفوني غيطفا

غي قطعات تنفسات بإرتياح
...