بقاولبنات تيضحكو وخرجو فطرو وشدوايه بقاو تيديروليها الماسكات
بعدما سلاو الماسكات قرر يخرجو يختارو الكسوة ديال العروسة والحوايج لي غيلبسو تا هما ومعولين فينما بدلات آية يبدلو معاها بحال العريسات..
أما محمد سيمانة هادي وهو كيبات عند صاحبو
(للإشارة تا أية وفاتي ميتين والديهم يعني كلهم وحدانين كيعتابرو خديجة الأم الروحية ديالهم واخا معايشينش معاها )
صفاء: إوا ياله أخالتي نمشيو
خديجة:عرفتو شنو مفياش لي يمشي غير غتعصبوني وباقي تابعني الشغل غي سيرو أبنتي
آية:ولا عافاك را صفاء وفاتي غيحگرو عليا
قربات خديجة عند صفاء: شوفي أبنتي ديري لختك خاطرها راه فرحها هادا (وحطات يديها على خد صفاء) صافي نعول عليك
صفاء:صافي كوني هانية
فاتي: إوا يااله را تعطلنا
بدلو دغيا وهبطو ركبو فالأوطو ديال آية صفاء هزات تيليفونها لقات جود معيط ليها
صفاء؛اوووف تيليفوني صونا ومشتوش هادشي كامل بسبابكم
فاتي؛ وهاانتي على الكلبة
آية:هااء شكون بعدا
صفاء؛جـود شكون غيكون
فاتي بجهد؛آية وقفي الأوطو دغيياا
آية دغيا وقفات
آية&صفاء: مااالك أناري
فاتي دوات مع صفاء ؛شوفي زدتي فيه نتي مفهمناش شكون هاد جود وكيفاش جا ومنين ونتي وليتي مقابلاه غي هو ومبقيتي كتغاودي لينا والو (وشافت فآية) ياك أ آية
آية:ااه اه بصح
صفاء:(كتعيب فآية) اه اه بصح.
ونتي بعدا مدويش ومتگوليش كتخبي عليا
آية:هاااء وا صافي عافاك رانتي لي مكنتييش كتهضري معانا گاع ديك الفترة ملي بغيت نگولك وكنتي مبرزطة (قربات منها وعنقاتها) وصافي دابا عرسي مبقا ليه والو ونتي باقا مقلقة مني أختي سمحي ليا
صفاء:(بادلاتها العناق)ميمكنش نتقلق منك وكون علمتيني كنت غنفرح بزاااف حيت ولد خالتي غياخدك وغتبقاي قريبة مني
فاتي تلاحت عليهم:وصافي را غنبدا نغير
صفاء ؛وتا نتي لي كتحاسبي معايا ياكما بنت ليك ناعسة على ودني ومكنسمعكش كدوي مع أركان
فاتي تزنگات؛أويلي رااا غي أصدقاء وصافي وبلاما تبدلي الموضوع عاودي لينا على هاد جود ياالاه
آية:اه اه گولي
صفاء؛صافي صافي هاني غنعاود بلاتي أحم أحم
تقدات فالگلسة شدات خصلة من شعرها بدات كتلعب بيها وكتشوف الفوق
صفاء تنهدات؛دابا أنا شفتو فواحد العرس ياكو وضاربنا أنا وياه صافي رتاحيت ليه وتخيلو عاودت ليه شنو طاري ليا فظرف ساعة واخا هو كيبان غامض ومعندوش مع الهضرة بزاف
وهو لي خدمت عندو حيت جداتو مريضة وفاش مرضت متخلى عليا تا نهار إييه
🌻🌻أصـــــــبـــــــحــــــتــــ🌻🌻
وفهاد الشهر تبدل بزاف معايا ولا كيعيط ليا ديما وولا حنين هو رجل فريد من نوعو عمري شفت بحالو(وسكتات)
فاتي:وا كملي شنو آخر
صفاء: وا نگوليكم عرفتو شنو دار ليا
فاتي: أويلي ياكما طير ليك البكرة
آية كضرب فخاضها:ويلي ويلي
صفاء:لا فالصراحة اه ولكن غيديال فمي
آية&فاتي مفهمو والو: كيفاش
صفاء حطات يديها على وجها زعما حشمانة:وا باسني ففمي وزوج مراات
فاتي؛ ويلي صافي خرجتي للطريق
آية:اهااه ونتي بستيه
صفاء:أناااا اه ولكن غا فحنكو
آية ضربات على الڤولو ديال الطوموبيل:إوا صافي المرة جاية فقنت آخر
فاتي: دابا هادشي شنو كيعني
صفاء: البنات وااا نتوما عارفيني الحاجة لي كاينا كنگولا ياكو
فاتي & آية:اه شنو كاين
صفاء دورات راسها للزاجة ديال الطوموبيل حشمانة ودوات بصوت خافت ولكن مسموع:أنا وليت كنبغيه وولفتو بزاف لدرجة إلا مدويتش معاه كل نهار كنحس بشي حاجة ناقصة
فاتي؛ لا ميمكنش نتي كتبغي
صفاء: مالي ماشي بنادم
آية:وا زعما حنا عارفين نتي معندكش مع داكشي ولكن نيت وقتو راك شرفتي
صفاء دارت عندها بالعرض البطيء:هاا شنو گلتي أنا شرفت
آية:وا غا گلنا ليك بداي تخرجي فيا عينك تاني
صفاء: والله يعميها لك
فاتي؛ لا لا بلاتي أنا والله تا تصدمت
صفاء ؛ونتي حياتك كاملة ونتي مصدومة
آية كضحك على فاتي:هههه ولاهيلا جبتيها لاصقة
فاتي؛لا حيدو عليا من الضحك را الصراحة تصدمت ولكن هانية من حقك زوين
صفاء:يلاه صافي وولي تجعي عينك
فاتي كضحك عليها: هه ويينو كتغيري
صفاء: إييه وسوقك
آية:اوووش صافي را تعطلنا بزااف مغيقدناش الوقت
صفاء وفاتي؛اه اه بصح
صفاء:بلاتي ولكن هادشي بيناتنا سمعتوني آية سمعتيني
آيةوفاتي:وصافي آآو
وتحركو غادين فالطريق وصفاء عيطات لجود مجاوبهاش المرة اللولة معاوداتش
مشاو للمول كيختارو وميحاولو يديرو لآية خاطرها حيت دوقها صعيب بزاف بقاو ساعة ونص وباقي ملقات الكسوة لي بغات
تا بدا كيصوني تيليفون صفاء
..
أنت تقرأ
🔞 عشقت سادي 🔞
Mystery / Thriller🦋قصة مكتملة🦋 قصة بقلم:صفاء الإدريسي👑 بعنوان: 🔞عــشــــــقـــت ســــــــــــادي 🔞 تتــضــمـن كـل مـن: 🍻 الرومانسية💕،، العشق💜، هوس💉 🔞🔞🔞سفالة بجرعة زائدة 🔞🔞🔞 ، 💔💔حزن💔بـكـاء💔❌تعذيب❌....... قــرائـة ممتعة🌸
