🔞 عشقت سادي 🔞

الجزء12

مشات صفاء لقات محمد كيتسنا فيها عنقها خربق ليها فشعرها وعي تعلات وباستو فحنكو هادشي كامل داز على عينين جود لي كان كيشوف فيهم من الشرجم ديال بيتو وبدا كيزير على القبضة ديال يديه ودخل قبل ما يزيد يتعصب
أما صفاء غي ركبات مع محمد بداو كيدويو ويضحكو تا فاجأها محمد وقال:ياك كنتي باغا تعرفي شكون كنبغي وناوي نخطب
صفاء ؛ اه گول گول ليا عافاك
محمد؛راك كتعرفيها
صفاء: شكون ناري لا لا متگوووولش ليا
محمد: اااه آية عرفتك كنتي شاكا فيها
صفاء: وهي فخبارها
محمد: اااه بطبيعة الحال را كتر من 5 سنين وأنا معاها
صفاء: وعلاش مگلتييهاش ليا هي نعذرها شحال هادي متلاقينا ولكن كندوي ااه ونتا ديما أنا كنعاود ليك
محمد:صافي أختي را غي كنت خايف لا يتجبد ليها الصداع وصافي
صفاء: تا أنا كنت باغا نعاود ليك ولكن صافي دابا
يلاه بغا يهضر وهي تقاطعو صفاء بأعلى صوت عندها
صفاء:عنداااااااااااااااااك ....
عند جود دخل لقاهم جابو ليه واحد الما خداه ظارو فشوية القطن ودوز على وجهو دغيا حيد ليه دوك الألوان لي فوجهو ضحك وقال:قالت ليك غتعاود ديرهم ليا وتفكر القبلة ديالهم وفاش حطات يديها على خدو..

بقا جود گالس شوية وقرر يمشي للشركة يقدي شغلو مدام تحيد ليه داكشي من وجهو ونيت غدا ملي تجي صفاء يبقا معاها وخدا قرار باش يعتارف ليها ويخليها قريبة ليه...
مشا وصا زهرة على جداتو وعلمها بلي غيتعطل وتا صفاء مغتكونش ليوم..
وخدا الأوطو ديالو وهو فطريقو كان شاد الشال الصغير ديال صفاء ومرة مرة كيشمو  ويبتااسم غي يوحدو..
تا بدا كيلاحظ واحد الطوموبيل مقلوبة روايضها الفوق وبيبانها محلولين وخارجة منهم يد وحداها بقعة دم كبييرة وفجانبها شاحنة كبيرة وراجل واقف حداها باينة فيه مخلوع وكيحاول يعيط للإسعاف جود جاه واحد الفضول غريب وقرر يمشي يشوف ويساعدهم هبط من سيارتو وبدا كيقرب شافو داك الراجل وجا كيجري عندو
الراجل؛سيدي عاوني عافاك كنت كنعيط للإسعاف ولكن طفا ليا التيليفون ومبغاش يشعل
جود؛واخا تهدن كيفاش وقع بعدا هادشي
الراجل؛أنا كنت غادي بالزربة باش نوصل السلعة تا بانو قدامي كنضن كانو كيهضرو ومنتابهوش ليا
جود؛أنا بان ليا غيكونو ماتو مكتشوفش الطوموبيل كيفاش مقلوبة وكمية الدم لي فالأرض
الراجل؛غي عيط للإسعاف ونحاولو نعتقوهم عافاك أسيدي. خدا جود تيليفونو وعيط للإسعاف
جود:ألو كاينة حادثة سير خطيرة هنا طوموبيل كنضن تقلبات كتر من مرة فشارع****
_:ااه واخا وشحال من واحد فهاد الطوموبيل
جود؛واخا بلاتي نشوف
قرب باش يشوف شحال شاف اللور مبان ليه والو.

وقرب القدام بان ليه راجل فمقتبل العمر مقلوب على راسو وهابط ليه الدم من وجهو ويدو ملوية قبل ميزيد جود نطق داك الراجل
بصوت منخفض بزز باش كيتسمع ؛عاوني أنا قادر نوض
جود؛كاين راجل باقي عايش غير مضروب فراسو
وزاد قرب لجيهة لاخرى
يلاه بغا ينطق وهو يطيح ليه التيليفون
_:ألووو سيدي كتسمعني
رجع جود تلاتة خطوات للوراء مصدوم من بشاعة المنظر و دار يدو على راسو
جود؛لا لا لا ميمكنش
جود بقا واقف مصدوم بينما داك سائق الشاحنة كيخرج داك الراجل لي فالطوموبيل حل ليه الباب بزز وبدا كيعاونو باش يوقف مكانش مضروب بزاف كان غي مجروح فراسو ويمكن كسر خفيف فيدو حيت لحسن حظو كان داير حزام السلامة عكس لي معاه
وقف على رجليه وهو شاد فراسو وكيتألم ودار لجيهة لخرىٰ من الطوموبيل وبدا كيغوت
_:ختيييي لا لا عافاااك متمشيش صفاااااااء جاوبيني عافاك
اااه للأسف محمد وصفاء لي تعرضو للحادثة
محمد وهو كيبكي بشكل هستيري؛عااوني عافاك ميمكنش نتسنا الإسعاف يجيو هي مغتصبرش
جود بقا واقف وكيشوف مصدوم لدرجة كبيرة
قرب ليه وهو كيغوت محمد :واش مكتسمعش عاووني نعتق ختيييي
جود بقا كيشوف فيه بنضرات مكتعبر على والو ونطق؛واش صفاء غتمشي
محمد ؛شنو فين كتعرفهاا وماشي مهم دابا غي عاوني  عااونيييي
جود تفكر ملي قالت ليه قبيلة بلي توحشات عائلتها وبغات تمشي عندهم..
ضرب جود على راسو وقال؛مغتمشيش غتبقاي معايا
جود؛نتا مقادرش تحرك يدك غي حيد
بعد محمد
محمد؛واخا هزها غي بشوية أنا غنقرب طوموبيلتك
تحنا جود وبدا كيقرب ليها وهو متردد حيت كان شكلها كيخوف بزاف جرها بشوية من تحت كتافها ولاحظ بلي خارج ليها الدم من ودنها ونيفها ومجروحة فكرشها خلاصة القول ولات كاملة مغطية بالدم هزها بين يديه بشوية ولقا محمد قرب ليه الطوموبيل شوية 
..
💔أرجوك لا تذيبي فؤادي💔
جود؛ ركب دغيا لور باش نعطيها ليك مغتقدرش تسووگ ونتا هاكا طلع محمد اللور وحط جود راس صفاء بشوية على رجليه وقادها
ركب جود القدام ومشا بسرعة خيالية وهما فطريهم كان جود فينها تهبط ليه دمعة كيمسحها بزربة وكيحاول يتحكم فراسو
شاف فمحمد لي كيبكي بشكل هستيري
محمد ؛عافاك متمشيش أنا كيفاش غنبقا بلا بيك
وصلو للكلينيك لي خداما فيه صفاء نيت نزل جود ومشا دخل دغيا وبدا كيغوت بان ليه واحد الممرض تما وشنق عليه ؛سربي جيو هزوها ولا غنقلب هاد الكلينيك على راسكم
الممرض؛غي تهدن هاحنا جاين
زاد جود قدامو وحل ليهم الباب ديال الأوطو هزوها وتمو غادين بيها
الممرض؛سربيو دغيا جهزو غرفة العمليات وعيطو للطبيب إسماعيل دغيا عندها نزيف داخلي وجروح على مستوى الجسم باقي منقدروش نحددو كولشي سربيو را نقدرو نفقدوها فأي لحظة
حبسو جود وشنق عليه:إلا فقدتوها بلاما يخرج شي واحد فيكم عندي
..
جا د.إسماعيل عتق الموقف
د.؛كون هاني الممرضة صفاء راها قوية
جود؛معندي مندير بهاد الهضرة دخل دير خدمتك
د.؛غندير گاع لي فجهدي
جود؛بغيت كثر
دخل د.إسماعيل وهو كيتفتف حيت عارف إلا منجحش أشنو غيوقع ليه
بقا محمد وجود واقفين تا جات ممرضة كتبان باقا صغيرة قربات عند محمد وهي مستغربة
_؛محمد. مالك أشنو كدير هنا ومالك مضروب هاكا وكتنزف
محمد تكا على كتفها وبكا؛صفاء أفاتي غتموت تا هي
فاتي؛أشنو كتخربق
محمد؛را درنا كسيدة وتقلبات بينا الطوموبيل وهي مكانتش دايرة حزام الأمان وكون تشوفي حالتها (دار يدو على راسو) را ختي مكانتش كتحرك بحالا ميتة وكلها كانت دم هادشي كامل بسبابي أنا
فاتي دارت يديها على فمها وبدات كتبكي
فاتي:لالا هي قوية ميمكنش تسمح فينا
💜فاتي 21 سنة كانت ساكنة مع صفاء من الصغر فحيهم القديم وفاش خسرات عائلتها وتحولات من حداهم مسمحاتش فيها جات قرات معاه وتخرجو بزوج وخدمو نفس الخدمة وفنفس البلاسة💜
جود كان كيشوف فيهم وكيسمع لي شافها كيگول عليها قوية ومعارفش علاش غي فعينيه هو لي كتبان ضعيفة
دخلات فاتي محمد خيطو ليه واحد الجرح صغير فكتفو ودارو ليه "الجبيرة" حيت تهرس من يدو وعطاتو مهدئ وخلاتو يرتاح شوية
وهي خرجات لقات جود واقف حدا غرفة العمليات
يلاه قربات باغا دوي معاه وهي تخرج واحد الممرضة كتجري
ووجهات هضرتها لفاتي وجود
الممرضة؛صفاء خاصها الدم ضروري وفصيلتها غابرة معدناش هنا خاصكم تلقاوها دابا
جود؛أشمن فصيلة عندها
الممرضة؛-O ومتعطلوش راه خاصها دابا ضروووري
..