🔞 عشقت سادي 🔞

الجزء17

صفاء: يلاه شوف فيا ومتحركش
قرب ليها جود بقا كيشوف فعينيها تا حولاتهم ضحك لا إراديا وهي طبع على خدو غمازة دغيا خشات فيها صفاء صبعها وبقاو كضحكو بزوج
صفاء؛زوينة بزااف بحالها كانت عند خويا وكان ديما كيخليني ندير فيها صبعي نتا مسموم
جود؛ بصحتي
صفاء:دابا تولي عندي
جود؛ شناهيا
صفاء ؛تقبت الزين
جود؛تا يولي عندك العقل بعدا
صفاء: العقل خليتو ليك
جود؛ و القلب عندك بعدا
صفاء وهي كضحك:هه ااه واخا مكندير بيه والو
جود؛ وشنو باغا ديري بيه
صفاء: معرت
جود؛ بيعيه ليا
صفاء؛صافي غندير معاك تمن مزيان
جود ضحك:هه ياك يحساب ليا غتعطيه ليا فابور ياك نتي ممسموماش
صفاء: هاااء وارا قلبي هادي وغاالي
جود؛ معاجبنيش أصلن راه خاسر
صفاء هزات حاجب:كيفاش خاسر
جود؛ اه خاسر واقف زوج مرات بقات ليه غا التالتة
..

صفاء:ههه كتفلا عليا
جود؛ لاا
صفاء؛أجي گلس حدايا ملي جيتي ونتا واقف
جود؛ أنا مرتاح هاكة
صفاء:لا غا گلس عافاك نتا طويل بزاف وأنا تعنزت من الشوفة فيك
جود:وهانتي كطلبيني تاني
صفاء:وصافي دير ليا خاطري عرفتي ملي فقت كولشي كيدير داكشي لي كنگول بلاما نعاود زوج مرات عكسك نتا
جود؛وا دابا هدشي كيتسما الكدوب مالي أنا مكنديرش لك خاطرك
صفاء: صافي دابا أجي جلس حدايا را تعنزت
قرب جود وگلس حداها صفاء بتاسمات ليه وحطات راسها على صدرو وبدات كتسمع دقات قلبو ونطقات؛نتا علاش هاكا
جود؛ مالي
صفاء ؛مكيعجبكش ضحك بزاف ومكتبغيش تهضر بزاف
جود؛ لا بالعكس أنا كنضحك معاك وكنطول معاك فالهضرة
صفاء هزات راسها فيه؛واش منيتك أنا مرة وحدة لي شتك كضحك هي ليوم
جود؛ باقا غتعرفيني مزيان
صفاء: امم الصراحة أنا ولفتك بزاف معرفتش علاش ولكن ولفتك
جود حط يدو على راسها وطبطب عليه:تا أنا وبزااف
صفاء علات عويناتها فيه بفرح: واش بصح
جود؛ ااه وعلاش غنكدب
صفاء؛كان كيحساب ليا غي داير ليا خاطري
جود؛ لا داكشي لي عندي كنگولو مكاين لاش ندير
صفاء ؛مزيان نيت انا هادشي لي كيعجبني
جود؛ كيفاش
صفاء ؛عزيز عليا الواحد يكون كيقول داكشي لي عندو بلاما ينافق واخا يكون على حساب تعاستي
جود؛ تا أنا بحالك وهاكا حسن
صفاء: ممكن نسولك
جود؛ سولي
صفاء: دابا أنا نهار اللول فين عرفتك عاودت ليك على الماضي ديالو وعلى حياتي بغيتك تا نتا تعاود ليا
جود؛ أنا الماضي ديالي خاوي مفيهش شي حاجة لي تستاحق تعاود
صفاء بتوسل: لا غي عاود ليا عافاك
جود تنهد؛ أنا كانت عندي 6 سنين مكنتش بحال دراري لي قدي يعني معشتش طفولتي كي بغيت كنت عايش مع الأم والأب ديالي بابا كان ديما كيجي سكران وكيضربها ومكيخليلينا مناكلو كنت كنخرج وكنبيع كلينيكس باش نلقاو مناكلو تال النهار لي مرضات مبقاتش بزاف فالفراش وماتت وقبل متكمل تلات أيام ديالها جاب مرأة آخرى وداني أنا للخيرية صافي هادشي لي كااين
صفاء تخشات فيه وحطات راسها وسط عنقو:الله يرحمها مسكينة والأب ديالك مبقيتيش سولتي عليه
جود؛ملي كملت 18 عام وخرجت عرفت بلي مات
صفاء زادت تخشات فيه تا بدا كيحس بدموعها فعنقو:شحال خايبة تغمض عينك وتحلها وتلقا راسك فقدتي أقرب ناس ليك
جود شد وجها بين يديه:أووش دابا علاش كتبكي
..
صفاء وهي كتبكي:أنا كون كنت بلاصتك مكنتش غنصبر أخيب حاجة هي تبقا وحيد
جود؛ اه ولكن ملي كتلقا لي يفهمك كتنسا الوحدة ديالك
صفاء: يعني نتا لقيتي لي يفهمك تما
جود؛ اه لقيت أركان كنعتابرو خويا انا وياه كافحنا بزاف وصفية هي سباب هادشي لي وصلت ليه حيت هي لي عاوناتني باش نقرا داكشي علاش كنعتابرها جداتي
صفاء: اه بصح خاص يكون غي لي يفهمك وكتخطــىٰ كولشي
بحال أنا مثلا ملي فقدت عائلتي لقيت بزاف ديال الناس معايا خالتي محمد وصحاباتي بزوج تا واحد متخلى عليا تال هاد النهار حيت عارفيني إلا ولفت شي واحد وتخلى عليا نقدر نموت(ضحكات ضحكة صغيرة وسط دمــوعها)هــادشي علاش مخصكش تخلىٰ عليا حيت ولفتك بزاف
جود حط راسو على راسها ونطق بهمس؛ميمكنش نتخلى عليك "وطبع قبلة على جبينها"'
رجعو گلسو كيف كانو صفاء تكات على صدرو وكينتاابها واحد الشعور زوين من جيهتو ولفاتو بزاف ومرتاحة وهي معاه وبدا كيلعب بشعرها وهي كضحك تا داتها عينيها ونعسات
بـــعــد مـــرور شــــــهــــــر👑
حلات عينيها على دغدغة فكرشها هزات راسها لقاتها فاتي
صفاء: وا صبااح زوين هادا ملي صبحت على كمارتك
فاتي:نوضي نوضي زعما را اليوم إستثنائي(بالغوات)اليوم غتقدري تحيدي  الحمالة لي فيدااااك وغترجعي كي كنتي
صفاءتا هي فرحات وبدات كتغوت: اااه وغنتمتعو بلي بقا لينا من العطلة يااااي
❌فهاد الشهر
علاقت جود وصفاء ولات زوينة كثر ديما كيهضرو أبيل ڤيديو تلاقاو 3 مرات فهاد الشهر كامل هاد الشهر واخا هكاك داز عندها زوين بقات مجموعة مع صحاباتها فدار وحدة وآية ومحمد علمو خديجة بزواجهم وبقا ليهم 3 أيام ويديرو عرسهم
ومقررين يعيشو برا البلاد بعد الزواج بحكم آية ساكنة تما وتا محمد من حسن حظو نقلوه الخدمة لتما ولكن صفاء رافضة فكرة تخوي البلاد حيت كتبغي تزور عائلتها وخالتها باقا حايرا واش تمشي ولا لا
وتا فاتي وأركان طورات علاقتهم ولاو كيتلاقاو ويهضرو رغم طبع فاتي الصعيب مع ذالك قدرات تنساجم مع أركان لي كيبقا شاد ليها الخاطر
أما جود مكافياهش الهضرة مع صفاء فالتيليفون كيتوحشها ولي زاد كمل عليه هو عندها كونجي لمدة شهر آخر يعني واخا برات مغترجعش للخدمة❌
الحاضر🍻
دخلات عليهم خديجة للبيت
خديجة: زيدو تفطرو ونتوما كتحنقزو عليا تما
..