🔞 عشقت سادي 🔞

الجزء15

شافتو صفاء غادي وهي دوي
صفاء:جود واش غتمشي
جود بتاسم ليها:اه غنمشي نطل على جداتي
صفاء بتاسمات ليه: واخا سلم عليها ورجع عندي عافاك
جود؛ صافي واخا ''وكمل طريقو وهو على فمو إبتسامة وفرحان حيت فاقت لا وباغاه يبقا معاها''
فاتي جات ومعاها الطبيب دخلو
الطبيب:تقدرو تخرجو
الكل:اه واخا
كولشي خرج إلا فاتي بطبيعة الحال
فحصها الطبيب وفاتي كتلعب ليها فشعرها
الطبيب:نتي مهرسة من يدك الليسرية ولكن مغنديروش ليك الجبيرة غديري غي حمالة حيت فيها جرح خاصو يبقا يتعقم ديما وعندك شي جروح خفيفوة فكرشك ورجلك غتبرا مع الوقت
فاتي:متخافش أنا غنكون معاها ديما
صفاء:والخدمة
فاتي:نسيتي أنا وياك را عدنا عطلة لمدة شهر نيت غتكوني بريتي
صفاء:افف هي صافي العطلة ديالي داعت
الطبيب:ههه لا عاطينك 3 شهور ديال الراحة غانتي خاسصك تبراي دغيا باش تتمتعي بالباقي
صفاء: الله أودي أنا دابا وكنحس براسي بيخير
الطبيب:عرفتي أنا معجب حيت أول مرة نشوف شي وحدة خارجة من عملية فيها 5 سوايع غي البارح وكدوي هاكا
فاتي:هه واقيلا نسيتي شكون هي را 7 سنين ديال البوكس بحال شي راجل ههه
صفاء؛متزيديش فيه
الطبيب:ياله نخليك الله يشافيك
صفاء: أمين شكرا ليك
وخرج وخلا معاها فاتي
غا خرج تحنات فاتي عند صفاء ودوات فودنها
فاتي:شكون جود امم وليتي تحابي بلا بيا
غا دكرات ليها جود بداو الفراشات كيلعبو فكرشها وبدات كتفرنس:هه الله يهديك أويلي را هو لي عندو جداتو مريضة وكنقابلها
فاتي:اييه ومگايلاهاش ليا ويلي ويلي وبايتا عندو ويييلي ياكما دا ليك الجليدة
صفاء تفكرات نهار باسها وهي دوي بصوت شبه مسمو: لا دا ليا غا ديال فمي
فاتي؛ شنو مسمعتكش
وهي دخل عليهم آية
لقاتهم كيوشوشو:الغدر هادا
صفاء: كان شي غدارة بحالك غا بلاتي نصح غنبدا بيك نتي اللولة
فاتي:أويلي مالك
صفاء:سكتتي نتي خليني مني ليها هاا دوي وليتي تخبي عليا ولااا 5 سنيين أعيباد الله ندب هك ولا هك
آية:وا كانو المشاكيل ومكناش عارفين غنوصلو لهادشي
فاتي:وا علاش داوين أناري
صفاء:على ماشي هي صدقات مع محمد وما گيلاهاش لينا
فاتي:وهاانتي غا مشيتي لفرنسا ونسيتينا
آية:وا صافي
دخل محمد وخالت صفاء
جا محمد يبوس لصفاء راسها ويگول ليها على سلامتك وهي تقمعو
صفاء:أشووف ااه متقرب ليا منقرب لك
خديجة:مالكم
آية بدات كتغمز فصفاء باش تسكت ومتفضحهمش تا يگولوها ليها هوما

تا صفاء بادلاتها بنضرات توعد
قربات منها خالتها وبدات كتمسح ليها على راسها بلطف ودوات:متقلقيش من خوك مدارهاش بلعاني وكون تشوفي شحال بكا عليك
صفاء: لا أنا مكندويش على داكشي أصلن أنا لي لهيتو و أنا لي مكنتش دايرا حزام السلامة وصافي
خديجة ؛وشنو لي مقلقك آخر
(صفاء طاحت عليها واحد الفكرة جهنمية باش تنتاقم منو)
وهي تبدا كتغبن بحال شي بنت صغيرة وتشهق:معرفتييش شنو داار ليا
خديجة مخلوعة:أشدار أبنتي أشدار
صفاء: بقا كيضرب فيا واخا مدرت ليه والو حگر عليا
كلهم مصدومين أكثرهم محمد بقا كيشووف فيها وحال فمو تا حس بواحد الخبطة معرف منين جاتو دار يشوف لقاها مو مشيرا عليه بصاك جابتو ليه فصدرو
خديجة: وأنا نضل نوصي فيه يحساب ليا بعقلو
صفاء كتشوف بنص عين وتفرنس ليه باش تفقسو
محمد: والله تا غكتكذب واش نتي عارفاني غنقد نضربها
صفاء: نتا صالخني وكتكدب فيا وزايدها بالحلوف وهاانتي شهدي عليه أخالتي أنا دابا عيانة وكيعصب فيا
خديجة: صافي أبنتي غا رتاحي ولا بقات فيه راني منتسماش
محمد:الصبر أسيدي ربي الصبر
خديجة: بوس لختك يديها وراسها وطلب منها السماحة
محمد؛رجليها لا؟
صفاء: شتي را گلت ليك ضسر ولا يرد عليك الهضرة
خديجة: ياله دغيا سمع هضرتي
محمد ملقا ميدير تحنا باس ليها يديها الليمنية بجهد بالفقصة
صفاء: أويلي غا بشوية لا مكانش بخاطرك بلاش
هز راسو فمو لي متبعاه أش كيدير وهي تنعت ليه فراسها
خديجة: بووس
محمد: الصبر أعيباد الله
تحنا باس ليها راسها وهي تبدا تفرنس ليه
محمد: صافي دابا مرتاحة
خديجة:وتا نشوف طاسيلتك هاد المرة قستيها
ودوات مع صفاء:صافي أبنتي سمحتي ليه نتوما خوت مخاصش تبقاو مخاصمين
صفاء: اه صافي نتي را عارفاني ضريفة.
ودارت شافت فآية زعما نوبتك جايا

خديجة: ياله أبنتي رتاحي نمشيو أنا وخوك نجيبو ليك حوايجك تبدلي بيهم
صفاء: واخا أخالتي الغزالة
خديجة دوات مع محمد: يااله هاني سبقتك
غا خرجات وهوما يبداو كلهم كيضحكو إلا محمد لي مخنزر
محمد بالغوات:لاش كضحكو تهجروه
صفاء: شوف لا قديتي تحنى بوس ليا رجيلاتي عافاك
محمد: را غنضربك ديال بصح هاد المرة
آية؛ ويلي وما فيها باس أمحمد
محمد: تاانتي كضحكي لا صافي هادشي لي كان خاص
صفاء: غا خليها ضحك دابا نوبتها جااايا
فاتي وهي كتموت بالضحك:تحناي تحناي تانتي ضربي ليها شي بوسات فرجليها وخلينا نفكو هاد الجرة على خير
قلزات آية لصفاء:هاا لي غنبوس ولاهيلا
صفاء شافت فيها وفمحمد:غا لقيتيني كنحتارم محمد أما نجااوبك
محمد ضحك بالفقصة:هه گالت ليك كتحتارمني (جر آية من يديها) زيدي زيدي ياله نمشيو هادي را ممريضة ما والو غا كتفلا
هزات آية صاكها وتبعاتو وبدات كدير ل صفاء باي باي
صفاء: سيرو درگو كمامركم
مشاو وسدو الباب وراهم.

دورات صفاء راسها لقات فاتي باقا كضحك
صفاء: صافي را ضحكنا وسالينا
فاتي؛ وا السلامة مكتقادايش من الهضرة
صفاء: تبعتوني يخ هاد الصيروم إيمتا غتحيدوه ليا
فاتي؛ تا يسالي
صفاء:أجي نتي مناش ونتي هنا
فاتي:ملي جابوك البارح كنت يالاه جيت
صفاء:اه يعني كنتي
فاتي:امم
صفاء:وشكون علم جود
فاتي:شكون غيعلمو را هو لي جابك نتي ومحمد
صفاء بتعجب:بصاااح اااه حگا را فطريقو
فاتي؛ ونزيدك را صاحبو لي عطاك الدم
صفاء: واش أركان
فاتي؛ مبقيتيش غا خدامة عندو وليتي تعرفي تا صاحبو
صفاء:تي راه غا جا واحد المرة وعرفتو صراحة ضريف وخاصني نشكرو
فاتي ؛ايييه ضرااايف المهم شوفي أنا ماشي غا عيانة را بزاف غنمشي نرتاح تال ليل إلا فقت ونرجع عندك
صفاء تفكرات فاش طلبات من جود يجي عندها: لا غا نعسي تال صباح ملي نبغي نخرج وجي عندي
فاتي؛ امم وشكون گالك غتخرجي غدا را غتبقاي 3 أيام هنا
صفاء:لا أنا بيخير غنخرج غدا
فاتي؛ صافي مفيا لي نتنااگر معاك غنطيح ليك هنا بسلامة
صفاء: بسلامة
غي خرجات فاتي وهي تحط صفاء يديها على كرشها
صفاء: وصرااحة فييا جوع معرت إيمتا غيجيبو ليا ناكل
وهي كدوي دخلات واحد الممرضة كتعرفها جايبا ليها الماكلة
صفاء:بحالا علمك الله
الممرضة:ياك هه را غا فاتي كانت غادا وعلماتني وعلى سلامتك خلعتينا علك
صفاء:الله يسلمك أحبيبة شنو جبتي ليا
الممرضة:هه باينة الصوبة
صفاء وهي محطمة:لااا متگوليهااش تا بضحك
الممرضة:وماالك علاش كنتي معولا
صفاء: واا بغييت ندغ دراسي شحال هادي مخدمو
الممرضة:صافي هاهي واحد الدغيمة ديال الخبز
صفاء: بلاش مبقاش فيا الجوع
يلاه غتكمل وهو يتحل الباب ودخلات خالتها
صفاء: خاالتي دغيا رجعتي
خديجة:راني كنت موجداهم أملي علماتني فاطمة الزهراء(فاتي)راك غتخرجي غدا جيت نجيبهم ليك ونرجع دغيا نجمع الدار باش غدا يجيو بنات خالتك
صفاء:امم وشكون غيعاونك
خديجة:راني خليت آية كتقاد ونمشي نرجع دابا نكمل معاها
الممرضة:لاا متمشيش تا توكليها مبغاتش تشرب هاد الصوبة
خديجة:وعلاش
صفاء؛واش عارفاني أنا كناكل الصوبة
خديجة هزات معلقة وقرباتها ليها:دابا راك مريضة حلي فمك ولا نتقلق منك
صفاء:اووو لاا حرام عليكم
خديجة:حليي حلي فمك
صفاء بدات كتعصر وبزز باش كملات تال اللخر
غا كملاتها عطاوها واحد الدوا خرجو وخلاوها نعسات.

......