وليد كان ساند جسمه على التربيزه ، ضرب بقلم الحبر الماسكه في يدو تلاته ضربات : الوقت المناسب ليك !
= طيب ، ممكن ايام الجامعه عشان مناسبه اكتر
وليد : تمام
= سر صح ؟
وليد : ما بطلع اسرار مراضاي برا
= انا ما مريضه !
وليد عاين لي مسافه و هو بقول جوه نفسه " عدم تقبل الذات "
_ بتخلّصي متين اليله ؟
= فضل لي محاضرة
_ عارفه محل المكتب و لا ارسل ليك اللوكيشن ؟
= عارفه
أشر لي بيدو نظام امشي .. طلعته منو و انا مترددة ما بين مصوبة و مغلطه قراري ، لقيت أميرة قدامي ما اهتميت وإتجاوزتها سبتها وراي .. بعد المحاضرة خلصت مشيت ليهو المكتب كان شايل بتو في يدو حلاته شايلة ملامحه منو ♡
وليد : شوية و تصل امي تشيله ما مطولة معانا كتير
= ما مشكلة ..
لبين ما عمل لي قهوة الباب دقه ، ختى القهوة من يدو في التربيزه قدامي و شال وتين وداها لحبوبته ، جا قعد قصداي ..
= من وين حابه تبدي ؟
_ ما عارفه
= بشنو حاسه هسي ؟
سكتا و عاينته للسقف مسافه : ما عارفه ..
= طيب ما مشكله ، ليه بعد رفضتي جيتني تاني ؟ حابي اعرف السبب
_ ما عارفه
حنى راسو ، حكا انفه و ابتسم : حلوه الاجابات
_ انا لو عارفه شي ما كنت جيتك ! ، انا ضايعه ، خايفه ، ما فاهمه شي بالعافيه عارفه رجلي دايسسه وين ؟ و اذا الحته الدايسه عليها دي يابسه و لا لينه ..!
= ليكي كم حاسه الاحساس دا ؟
_ لي .. ما بعرف يمكن عمر ! عمري كلو و انا حاسه اني ما كويسه !
= يمكن احساسك غلط ! ما ممكن كل ما نشعر بشيء نصدقه و نمشي ورا !
_ لو حسيتو مرة و اتنين اقول غلط ، لكن لمن تحس الاحساس اكتر من مرة و يفضل مطاردك زي ظلك حتى و انت بتحاول تثبت لنفسك العكس يبقى فعلا في شيء ما تمام ..!
هز راسو : كيف حياتك احكي لي روتينك من تقومي لغاية تنومي شنو بتعملي ، في الاجازات في ..
قاطعتو : يوم واحد حياتي عبارة عن يوم واحد بتكرر ، كلها بالاجازات باي شي هو يوم ممل و سخيف و قاتل ..
= غيري طالما ما عاجبك !
ابتسمته و عاينته ليهو : كيف اغيرو ؟
_ جربي حاجه جديد
= زي ؟
_ زي تتطلعي مع اصحابك تقعدوا في ..
