مر شهر ، شهر و انا بصحى كل يوم تعبانه و بكمل ، بنتكس و بقاوم ، بضعف و بقويّ نفسي ..أصعب مرحلة في العلاج هي منتطقة المنتصف _ المنطقة الرمادية اللي بتكون ساعي فيها بكلو عشان تتغير من الشخصية السوداوية للشخصية البيضاء ، قوتك و مصدر فخرك لمن تحصل حاجات في حياتك تخليك تقع بس انت تقاوم بتحس بفرخ عظيم انك كملته الخيار الصعب " المقاومة " ما اخترته الخيار الساهل " الاكتئاب " ، انت عايز تكمل بس ما قادر ، بتقاوم بس ضعيف ، عزاءك الوحيد إنو لسه جواك بصيص امل ليوم أفضل .. شهر بساعاته و دقائقه و ثوانيه .. اصعب فترة في اليوم كانت اني اقوم من السرير و اطلع للعالم برا و اوجهه كل الظروف و كل شيء ممكن يحصل ، الاقي ناس اغلبيتهم ما بحبهم بل و اتعامل معاهم ! بتجيني افكار و بشيل هم للطلعه من البيت ، طيب اذا اضايقته ؟ اذا احتجته ابكي ؟ اذا جاتني نوبة اكتئاب ؟ وين امش و كيف اتصرف ؟ كنت بخاف اطلع للناس و يكون سبب في انتكاسه بسبب تعليقاتهم و تنمرهم و نظرتهم لي ، كل يوم ببزل مجهود جبار اقنع بيهو نفسي تطلع للحياة برا و تجي راجعه كويسه من غير زعل و ضيق .. بفرح شديد لو اليوم عدى و رجعته البيت و انا كويسه !
ذخري إني أدخل البيت بذات الطاقة الطلعتا بيها او ناقصه شوية ..! جات علي لحظات كنت عايزه اطلع مني و اوقف اي شي و اموت و ارتاح بس وليد كان جنبي بحاول معاي بمجهود جبار يمنع اي فكرة سودا تدخل عقلي او تتمكن مني ، عدا السمستر كلمح البصر و اتعلقت جداول الإمتحانات و لسه مشكلة عدم التركيز مطارداني 💔
بقعد في المكتبه لوقت طويل عسى و لعل اقدر اقرا .. كنت قاعدة جنب المكتبه شايل بتل موية و جنبي كباية قهوة ، جا بيكو سلم علي و قعد ..
بيكو : ها بشري كملتي شنو ؟
سكته شوية و قولت ليهو : و لا شي
_ ما جادة يا رواند !!
اترددته شوية قبل اقول : ممكن تقرا معاي ؟ لو ما حاعطلك او شي ، ما قادرة اركز و في حاجات كتيرة ما فاهمها و اول مرة اشوفه اصلا !!
= جدًا ما عندك مانع ، فاضيه متين ؟
_ حاجي المكتبه كل يوم في البيت صعب اقرا ..
= خلاص تمام ، نبداها مادة مادة لسه قدامنا اسبوعين غير دا بتجازف ما تشيلي هم ، هي عاصرة شوية بس بتمشي معاك
_ تسلم يا بيكو ما بتقصر
= معقولة ياخ الناس بالناس ! ♡
عاينته ليهو بإبتسامة ، جات مارة فينا أميرة و صحباتها ، اول ما شافتني قالت بشماته لصحبته
" مستحيل الساب القمر يرضى بنجمه و لا شنو ؟"
صحبته ضحكت و قالت ليها ..
" اليدو ناعمه ما بتمسك كويس "
" هههه ، خسارة التنازلات القدمتيها ، ما كانت تخلي حتت دبلة تنزلك كدا ! "
