~ الحلقة الأخيرة ~
إبتسمتَ بخجل ، عاينتا برا متفادية نظراتو لي ..اتلفته عليه لمن شوفتو زح الكرسي و قام
بيكو : حامشي ارتاح شوية و ابدا في وضع الخطه
= مستعجل ليه ، قدامك يومين !
_ عايز اضع خطة تليق بيك
= حا تليق بي في كل الحالات
إبتسم و ختا اطراف اصابعو في حواف التربيزه : ما تقولي اقعد اشبع منك ، مستصعبه الكلام ليه ؟
= ..
_ شنو ؟ تلميح لمحته ، اعتراف و اعترفته فااا هااا؟
رفعتا يدي و عاينتا لاصبعي : خت دبلة هنا و حا تسمعه كل ساعة
بنبرة جادة : اجيب اهلي يعني ؟
هزيت راسي : لو عندك قلب في بيتنا تعال شيلو 💛
ابتسم : و لو عندي اسنان مردفة اعمل شنو ؟
ابتسمته ضاحكه : قصاد كل سن تديني حته من قلبك
= هو اصلا ليك ، اطلبي غيرو !♡
ختيت يدي في خدي و عاينتا ليهو بنظره ترجي بريئه : أهون عليك اقعد براي !!
اتلفت الناحية التانيه : ما تعايني لي بالطريقة دي ، ما تكسليني ..
= ريتا تفلح
غمض عيونو ووقف بإستقامة : انا ماشي ..
= بيكو ☹
_ رواند بلا النظره دي الله يرضى عليك بضعف ! ، وراي شغل لازم اكملو
= ياسيدي اديتك تلاته ايام اقعد معاي
_ شغل تاني غير شغلي معاك
= شغل شنو ؟
_ بحكي ليك بعدين
= طيب ☹
_ ابتسمي قبل امش ..
ابتسمته ليهو ابتسامه عريضضه ضحك و مشى .. قعدته شوية بعدو .. سرحتا بعيد و انا ماسكه كباية القهوة بيدي ، ضرب لي باطراف اصابعو على التربيزه ضربات متتاليه ، اتلفتا عليهو لقيتو اياس عاينتا ليهو بإستغراب ..
اياس : ممكن اقعد ؟
= اتفضل ..
جرا الكرسي و قعد : كيفك ؟
= الحمدلله
عاينتا للخاتم اللي في يدو الشمال : مبروك
= تتبارك ايامك ، عقبالك
_ آمين ، منو سعيدة الحظ ؟
= نفسها
_ اللي ..
= ايوة ، اطلقت و عقدتا عليها فورًا
_ حلو ، ما تفرطي فيها تاني لاي سبب ، ما حاتقدر ترجعه مهما عملته
