ميامن❤️!علي أنت جادي أنك بتسالني ميامن بالنسبة لي شنو؟! قال لي أيوة يا عبدالمنعم صراحة أنا ما قادر أحدد أنت بتعاملها كشنو، صحبة ولا حبييبة! قلت ليهو تصدق يا علي انا زاتي ما عارف بعاملها كشنو بس هيا، الأخت، الصاحبة، السند، الاطمئنان، الملجأ، الراحة، ألأمان، بت قلبي، الطريقة البنطق بيها إسم ميامن براها كفيلة عشان توريك هي بالنسبة لي شنو🌎❤️قال لي عبد المنعم أنت بتحبها؟؟! ، صراحة لمن سالني السؤال دة سكت مسافهة يمكن عشان أنا زاتي ما عارف الجواب شنو، بعد صراع داخلي حصل جواي قدرت أجاوب وأقول ليهو لا ما بحبها💔قال لي بس الحاجة دي باينة في عيونك يا عبد المعنم قلت ليهو ما كل حاجة بنشوفها بعيونا ممكن تكون صح✅ قال لي ما تكذب علي قلت ليهو لو نفترض أني بحبها، فكرك هي بتحبني؟!بعدين حتى ولو هي بتحبني أنا ما الشخص المناسب ليها هي تستحق الأحسن مني، أنا منطفئ من الداخل يا علي هي ما ناقصة أني ارتبط بيها وأنكد عليها عيشتها، وأنت عارف أنو أنا رافض فكرة الحب والارتباط بسبب حاجات كتتيرة هي في غنى عن أنها تعرفها، الصح في علاقتنا هو الصداقة، الصداقة وبس يا علي💔✅
بعد اسبوع:-
صحيت الساعة خمسة صباحا بصوت أمي وهي بتقول لي ميامن يا بت قوومي قلت ليها لي في شنو من الصباح كدا؟! قالت لي أمي تعبانة ونحنا مسافرين البلد هسي، قمت مخلوعة وقلت ليها حبوبة مالا؟!قالت لي أتضايقت شدديد ونفسها كتم وهسي هي المستشفى بتاعت البلد مركبين ليها اوكسجين قلت ليها كان يجيبوها هنا قالت لي إنتي عارفة أمي راسها قوي وأكيد ما هترضى تجي هنا+يلا قومي سريع وبطلي رغي كتتير عشان أبوك يوصلنا في طريقو لي موقف الحافلات قلت ليها لي هو ما مسافر معانا؟! قالت لي ما بقدر لانو الليلة أخر جلسة في قضيتو حقت الراجل الجانا هنا داك، من سمعتا الكلام دا قمتا ناطة بخلعه كدة، امي قالت لي بسمم الله مالك في شنو؟! قلت ليها ولا شي، مشيت الحمام وقلت أنا الليلة مفروض أكون مع منعم وما أخليهو براهو بس كيف وأنا مسافرة💔!!واااي يا ربي أنا هسي أعمل شنو!! شلت التلفون واتصلت في رقمو كان مغلق بقيت بحاول فيه بس برضو مقلق💔أمي جاتني تاني راجعة وقالت لي إنتي لسه ما لبستي؟! قلت ليها هسي بلبس قالت لي وبرضو أعملي حسابك وشيلي معاك ملابس لانو حانقعد هناك كم يوم، أكتفيت بي أني أهز ليها راسي، ما كنت عايزة أمش وأسيب منعم في يوم زي دا بس كمان ما بقدر اقول لي أمي ما ماشة البلد إخخ..
اتجهزنا وطلعنا، طول الطريق كنت برسل لمنعم في رسائل بس هو ما داخل💔، أبوي وصلنا الموقف وفات وهو مستعجل، ركبنا الحافلة وإتحركنا على البلد وانا في بالي ماف غير منعم والقضية حقتهم لانو ضروري يفوزو عشان حق جدو المسكين دا ما يضيع هبأً منثورا كده سااي، كنت بدعي طول الطريق أنو ربنا يوفقهم ويفوزو، أها وصلنا البلد قريب الساعة عشرة صباحا كدة ومن دربنا داك طوالي مشينا المستشفى، حبوبة وضعها كان صعب شويتين وما بتتنفس من دون أوكسجين، كسرت خاطري لانو دايما كل ما نجي البلد بنلقاها مستقبلانا بضحكة وحنية كده مبالغة، قريب العصر كدا خالو منيب قال لينا أنو نمش البيت نرتاح ونجي بكرة عشان تاني وقت الزيارة حينتهي أمي قالت بتقعد وقالت لي أنا وماريا نمش، مشينا بيت ناس حبوبة وبرضو حاولتا في رقم منعم لكن الشبكة كانت طاشة وماف طريقة إتصال خالص💔بنات خيلاني وخالاتي كلهم كانو موجودين معانا في بيت حبوبة، اليوم التاني صحينا بدري ووزعنا الشغلة علينا وانا ومعاي عبيير " بت خالتي " عملنا أكل وشاي وشلناهم في السرامس والساخن بارد ووديناهم المستشفى لي الناس القاعدين هناك، أستمرينا كدة تلاتة يوم والشبكة كانت ماف حتى أبوي ما لقينا طريقة نوصل ليهو بيها، وانا ما كنت عارفة الحصل في القضية شنو! وما عارفة منعم كيف! وهل هما فازو ولا لا؟! حبوبة وضعها أتحسن شوية من الاول، وحتى أنها رجعت معانا البيت بس بعد مرت بتتنفس بالاوكسجين، في يوم بالعصر كدة قاعدين أنا وهي برة في الحوش وأنا بعصر ليها في رجليها كدة، قالت لي ها الميتانة دي عصري كويس قلت ليها والله قاعدة أعصر كويس قالت لي إنتي أصلا ميتانة في كل حاجة وحيلك مهدود قلت ليها أجي يا حبوبة قالت لي ما كلامي صاح هسي كان شديتي حيلك كان جبتي ليك عريس قلت ليها العريس أبا يجي أمشي أشحدو ولا كيف🤣💔+إنتي ما عندك لي عريس؟! قالت لي لو بتوافقي عندي قلت ليها بس ما يكون خالد🙂💔قالت لي في غيرو، كدي أديني سبب واحد يخليك ترفضيهو ولد هدي ورضي وبعدين هسي هو جا من السعودية ليهو كم يوم وما شاء الله بنى بيتو هنا من زمان، مالك ما بتوافقي؟!😏💔قلت ليها ببساطة لاني ما عاوزة أعرس من أهلي قالت لي أجي كيفين في زول برفض أهلو؟! قلت ليها أنا قالت لي الا كان يبقى راسك دا ما عديل قلت ليها والله انا كويسه وما عندي عوجة أنتو بس الما قادرين تفهمو فهمي🙂✅..
