قلت ليهو بعد كلامك دة لساني فشل عن التعبير والله قال لي دا أنا الكنت فاشل في حياتي دي كلها لحد ما لقيتك يا ميامن❤️قلت ليهو ولازم كل مرة تبهرني فيك زيادة بردك قال لي وبعدين ماف داعي تتكلمي وتعبري المهم أنا حاسي بيك قلت ليهو منعم أنت حاجة حلوة شددديد والله العظيم ويا بخت أي زول أنت في حياتو قال لي ممكن أكون حلو بس ما أحلى منك قلت ليهو قلبي قلبي❤️شوية وأتفكيت منو ومشيت جبت ليهو الموية ومعاها الاكل، أثناء ما هو بياكل كداً قلت ليهو منعم قال لي أحكي يا عينا قلت ليهو بكرة أنا ح أمش معاك عشان تفتش شغل لأنك بقيت تشتغل أي حاجة وما بتفكر في أنها بتاذيك ولا لا بس بتشتغل قال لي ما ضروري تمشي معاي يا حلوة قلت ليهو لا ضروري وشددديد كمان عشان إطمئن أنك شغال شغل ما فيهو ضرر ليك قال لي لكن الجامعة حقتك قلت ليهو يوم بكرة دة بجليهو عادي قال لي ما ينفع والله قلت ليهو ينفع ونص خمسة عاين حأمشي معاك والكلام أنتهى، سكت وما عرف يقول شنو لأنو عارفني عنيدة وما ح أسمع الكلام وملامحو بينت لي أنو شبة أتقبل كلامي...
اليوم التاني قبل ما نطلع قلت ليهو شيل الcv حقك أحتمال نلقى شغل في محل أو حاجة بالشكل دة قال لي مع أني ما أعتقد أننا حنلقى بس حأشيلو عشان طلبتي مني قلت ليهو أتفائل خير ح تلقاهو قال لي أن شاء الله، شالو وطلعنا وبقينا لافين وبنفتش، ياااخ بتعب كيف وهو بفتش لشغل، يعني التفتيش في حد زاتو متعب فما بالكم لمن يلقى شغل بعد حراق الروح اللي بيحصل ويشتغل في نص الشمس الحارة دي، فجاة وقفت وقلت ليهو منعم أنا تعبانة ممكن نرتاح شوية! بعدين أنت ما تعبت قطعنا مسافهة طويلة ونحنا ماشين، أبتسم وقال لي أتعودت، لحظتها قلبي وجعني شددديد ونغزني يعني هو كل يوم بتعذب العذاب دا💔!قعدنا في مصطبة زي نص ساعة كدة وبعدها تاني رجعنا للبحث، ونحنا بنفتش لفت أنتباهي مطعم على الطرف قلت ليهو منعم قال لي عيوني قلت ليهو شوف داك، واشرت ليهو على المطعم قال لي مالو! قلت ليهو أرح نشوفو أحتمال محتاجين لي نادل قال لي ما بكون لاني كم مرة بمش مطاعم بقولو لي ما عايزين زول مقفليين طبييعي هما في الحالة دي قلت ليهو نجرب حظنا قال لي قولتك كدة! قلت ليهو إيوة قال لي خلاص أرح، مشينا المطعم وسالنا أول بت لقيناها في وشنا من مكتب المدير وصفتو لينا ونحنا خشينا ليهو، منعم قال ليهو السلام عليكم قال لينا وعليكم السلام أتفضلو، قعدنا في الكراسي، منعم بدأ يتكلم وقال ليها أنو محتاج لشغل وكدة، المدير قال ليهو لحسن حظك أمبارح عندي نادل أتجبر أنو يسيب الشغل لي أسباب شخصية وكنت بفتش لواحد، منعم قال ليهو بلهفة يعني في فرصة؟! قال ليهو أيوة بس أنت إديني الcv بتاعك وبشوف، منعم قال ليهو طيب وأداهو ليه، المدير قعد يقرا فيهو زي ربع ساعة وبعدها قال ليهو لقيت إنك قاري إدراة أعمال ومتخرج بمعدل ممتاز ومن أحسن الجامعات كمان ودي حاجة كويسه ف مبروك ليك الشغل الجديد، منعم لمن قال ليهو الكلام دة سكت مسافة وكانو بستوعب أنو وأخيررر لقى شغل، قال ليهو ت..تسلم يا حبيبنا بالجد ما عارف أقول ليك شنو ياااخي ربنا يسعدك زي ما أسعدتني، المدير قال ليهو الله يسلمك وتقدر تدوام من بكرة دوام صباحي، منعم قال ليهو بإذن الله، شكرناً المدير وطلعنا على البيت ومنعم كانو ما مصدق وحاسس أنو دة حلم حتى أنو قال لي مياامن أنا لقيت شغل إنتي مستوعبة معاي؟! قلت ليهو إيوة مستوعبة لانك تعبت شددديد وتستااهل شغل أحسن من دا كمان بس ربنا كريم قال لي ونعمة بالله، أبتسمت ليهو قال لي أنا جد بتفائل بيك يعني عشان إنتي الليلة طلعتي معاي لقيت شغل وكمان ثابت، ميامن أنا بحبك جداً جداً قلت ليهو وأنا كمان والله، رجعنا بيتنا والفرحة ما سايعانا ومنعم طول الوقت يعاين لي ويقول لي شكراً يا حظي الحلو لولاك ما كان لقيت شغل❤️....
